Fréttablaðið - 18.08.2011, Page 78

18. ágúst 2011 FIMMTUDAGUR54
BESTI BITINN Í BÆNUM
„Ég held ég verði að segja veit-
ingastaðurinn Uno. Þar sem ég
bjó á Ítalíu hef ég mikið dálæti
á ítölskum mat og á Uno færðu
góðan mat á sanngjörnu verði.“
Hafdís Inga Hinriksdóttir, förðunarmeist-
ari og þáttastjórnandi.
„Við höfum verið saman í tuttugu ár og
það er ein af ástæðum þess að við ætlum
að koma aftur. Svo verð ég líka fimmtugur
um þetta leyti,“ segir Craig Murray, Frost-
rósa-aðdáandi númer eitt frá Ástralíu.
Fréttablaðið greindi frá því í fyrra
þegar Murray og sambýlismaður hans,
Darryl Brown, komu sérstaklega til
Íslands til að fara á jólatónleika Frost-
rósa. Þeir félagar voru himinlifandi með
ferðina hingað og ákváðu að endurtaka
leikinn í ár. Craig upplýsir meðal annars
að þeir ætli sér að dvelja ögn lengur en
síðast. „Við erum að vonast til að komast
á tónleikana í Reykjavík þótt tónleikarnir
á Akureyri hafi verið mjög fínir á síðasta
ári,“ segir Craig. Fréttablaðið hafði sam-
band við Samúel Kristjánsson hjá Frost-
rósum til að forvitnast fyrir um hve-
nær tónleikarnir færu fram en hann
sagði nákvæma tímasetningu ekki
vera komna. „Hins vegar eiga Frost-
rósir tíu ára afmæli í ár og það má því
búast við einhverjum herlegheitum í
kringum þau tímamót.“
Craig og Darryl hlakka hins vegar
mikið til ferðarinnar til Íslands og
Craig segir að þá langi mikið til að
hitta eina manneskju. „Okkur langar
mikið til að hitta forsætisráðherrann
ykkar, Jóhönnu Sigurðardóttur. Við
urðum svo glaðir þegar við heyrðum
af því að hún hefði gengið að eiga
sambýliskonu sína. Það yrði virki-
lega skemmtilegt ef við gætum kom-
ist á hennar fund.“ - fgg
Frostrósa-aðdáendur vilja hitta Jóhönnu
„Þeir eru margir í fjölskyld-
um nemendanna sem hneyksl-
ast á þeim að eyða tíma í að læra
minnsta tungumál í heimi. Þau eru
hins vegar alsæl og finnst námið
skemmtilegt,“ segir Gísli Hvann-
dal, sem útskrifar sextán nem-
endur með BA-gráðu í íslensku
við Háskólann í Beijing næsta vor.
Gísli hefur verið búsettur í Kína
undanfarin þrjú ár en það var
af einskærri ævintýraþrá sem
hann sótti um vinnuna. „Ég var
að kenna útlendingum íslensku
í Alþjóðahúsinu og frétti þar að
Menntamálaráðuneytið væri að
leita eftir kennara í Kína. Ég ætl-
aði alltaf bara að prófa þetta í eitt
ár en þau eru nú orðin þrjú,“ segir
Gísli, sem er staddur hér á landi
í fríi.
Gísli starfar við Háskóla
erlendra fræða við Beijing-
háskóla, eins og það kallast á
íslensku, en í skólanum eru kennd
hátt í 50 tungumál. Nemendurn-
ir eru valdir inn af kostgæfni og
aðeins þeir bestu fá pláss við skól-
ann. „Skólinn er eins konar útung-
unarvél fyrir kínversku utanríkis-
þjónustuna og státar sig af því að
hafa útskrifað 500 sendiherra og
yfir þúsund diplómata.“
Nemendur Gísla eru fæddir ´89
og ´90 og segir Gísli að um hóp
úrvalsnemenda sé að ræða. Þau
eru orðin seig í íslenskunni og
flest hafa komið hingað í skipt-
inám. „Þetta er góður hópur en
erfiðast þykir þeim að læra fram-
burðinn. Kennslan fer öll fram á
íslensku núna og gengur það mjög
vel,“ segir Gísli sem sjálfur talar
ekki kínversku og fór kennslan því
fram á ensku fyrst um sinn.
Hann man vel eftir þeim degi
þegar námið byrjaði en það var
6. október árið 2008. „Við feng-
um heldur dramatíska byrjun á
náminu og þá var aðalgrínið í kín-
verska samfélaginu að Kína ætti
bara að kaupa Ísland. Forsenda
fyrir kennslunni breyttist því frá
fyrsta degi enda hefur íslenskum
fyrirtækjum í Kína fækkað á síð-
ustu árum.“ Nemendur hans njóta
líka góðs af því að læra tungu-
mál Íslendinga. „Til dæmis þætti
námið ekki frétt í stærra landi,“
segir Gísli hlæjandi og bætir við
að allir nemendur hans fengu að
vinna við íslenska básinn á heims-
sýningunni í Sjanghæ í fyrra og
margir fengið að vera í starfsnámi
í íslenska sendiráðinu í Beijing.
„Ég ætla að fylgja nemendum
mínum eftir og vera eitt ár til við-
bótar. Svo held ég að það sé komið
nóg af Kína í bili og ætla að koma
heim.“ alfrun@frettabladid.is
GÍSLI HVANNDAL: ÞAU ERU ORÐIN ANSI SEIG Í ÍSLENSKUNNI
Kínverskir úrvalsnemend-
ur klára BA-próf í íslensku
ÚRVALSNEMENDUR Gísli Hvanndal útskrifar sextán Kínverja með BA-gráðu í íslensku
við Háskólann í Beijing næsta vor. FRÉTTABLAÐIÐ/STEFÁN
UMVAFINN NEMENDUM Hér er Gísli
ásamt nemendum sínum og þáverandi
sendherra Íslands, Gunnari Snorra
Gunnarssyni, fyrir utan skólastofuna í
Beijing.
DYGGIR AÐDÁENDUR Fáir leggja
sennilega jafnmikið á sig til að
komast á Frostrósir og þeir Craig
Murray og Darryl Brown. Þeir
ætla að koma aftur í ár og
vilja jafnframt eiga fund með
Jóhönnu Sigurðardóttur.
„Ég var staddur á tónlistarhátíð á Englandi
fyrir tveimur árum og þá var hann með
þessa sýningu sína. Ég varð mjög spennt-
ur fyrir því að fá hana til Íslands enda
var þetta eitthvað það magnaðasta sem ég
hef séð,“ segir Sigurður Magnús Finns-
son. Hann stendur fyrir óvenjulegum við-
burði í Bíó Paradís í næsta mánuði. Leikar-
inn Crispin Glover ætlar að vera viðstaddur
sýningar á tveimur mynda sinna, sitja fyrir
svörum og flytja loks leikverkið sitt Cri-
spin Hellion Glover’s Big Slide Show
en það byggir á bókum sem hann
hefur gefið út.
Crispin Glover lék meðal
annars pabba Marty McFly
í fyrstu Back to the Future-
myndinni. Þegar framleið-
endur myndarinnar, en
einn af þeim var Steven
Spielberg, vildu fá hann
til að leika í mynd númer
tvö sagði Glover nei og
endaði á því að fara í mál
við þá eftir að myndir
af honum voru notaðar í
leyfisleysi í framhalds-
myndinni. Glover hefur
síðan þá haldið sig á jaðri kvikmynda-
borgarinnar en birtist af og til í litlum
hlutverkum í stórum myndum á borð
við Alice in Wonderland og Charlie‘s
Angels. Þá lék hann Andy Warhol í
Doors-mynd Olivers Stone. „Hann notar
þá peninga til að fjármagna sínar eigin
myndir,“ segir Sigurður. Glover hefur
jafnframt haft orð á sér fyrir að vera sér-
vitringur og Sigurður Magnús segir hann
hafa lúmskt gaman af því orðspori og
geri jafnvel út á það.
Hann lofar einstakri skemmt-
un, þetta sé fjögurra tíma
sýning sem enginn ætti að
verða svikinn af. „Þegar
hún hafði runnið sitt skeið
á Englandi þá vildi ég bara
meira.“ - fgg
Crispin Glover til Íslands
MERKILEGUR NÁUNGI Crispin
Glover er sennilega einn fárra
sem sagt hafa nei við Steven
Spielberg. Hann er væntan-
legur til landsins í næsta
mánuði á vegum Sigurðar
Magnúsar Finnssonar.
Það skiptir máli hvaða blað fólk gefur sér tíma til að
lesa. Ný Prentmiðlakönnun Capacent Gallup staðfestir
að lesendur á aldrinum 12-59 ára gefa sér lengri tíma
til að lesa Fréttablaðið en Morgunblaðið. Við hlökkum
til að færa ykkur fleiri góðar stundir í framtíðinni.
Lesendur gefa
sér góðan tíma
í Fréttablaðið
Allt sem þú þarft...
MBL
FBL
12-14
ára
15-19
ára
20-24
ára
25-29
ára
30-34
ára
35-39
ára
40-44
ára
45-49
ára
50-54
ára
55-59
ára 20 mín
15 mín
10 mín
5 mín
0 mín
Meðal lestími
í mínútum
á hvert eintak*
*Prentmiðlakönnun Capacent Gallup. Mældur er tími sem fer í lestur hvers eintaks
Morgunblaðsins og Fréttablaðsins hjá lesendum á aldrinum 12-59 ára á öllu landinu.