Fréttablaðið - 27.08.2011, Side 6

27. ágúst 2011 LAUGARDAGUR6
Sveitasetur til leigu
MENNING Tap á rekstri Leikfélags
Akureyrar (LA) á síðasta ári nam
67 milljónum króna, samkvæmt
bráðabirgðaniðurstöðum útreikn-
inga. Bæjarráð Akureyrar sam-
þykkti á fundi sínum á fimmtu-
dag að greiða
félaginu fyrir
fram allt að 30
milljónir króna
af væntan legum
framlögum
næsta árs til að
koma í veg fyrir
að leikárið yrði
stöðvað.
Ta pi ð m á
rekja að stórum
hluta til frestunar félagsins á
sýningum á söngleiknum Rocky
Horror og færslu á kostnaði hans
á milli áranna 2009 og 2010. Upp-
haflega var áætlað að setja sýn-
inguna upp haustið 2009, en því
var frestað um ár.
Þórgnýr Dýrfjörð, fram-
kvæmdastjóri Akureyrarstofu,
útskýrir framlög bæjarins sem
eins konar kaup á tíma til að endur-
skipuleggja rekstur félagsins og
veita því tækifæri að ná tökum.
„Það fyrsta sem blasti við LA
var að leikárið yrði stöðvað. Þess
vegna leituðu þau til bæjarins til
að byrja með,“ útskýrir Þórgnýr.
María Sigurðardóttir leikhús-
stjóri segir ljóst að fjármálastjórn
félagsins hafi ekki gengið nægi-
lega vel, en Egill Arnar Sigurþórs-
son hefur nú látið af störfum sem
framkvæmdastjóri eftir þriggja
ára starf og Eiríkur Haukur
Hauksson var ráðinn í hans stað.
„Við værum ekki í þessari
stöðu ef framkvæmdastjórnin
hefði staðið sig og uppsögn hans
tengist því að sjálfsögðu. En ég
er ekki að segja að neitt ólöglegt
hafi átt sér stað,” segir María og
bætir við að hún sem leikhússtjóri
beri vissulega líka ábyrgð á stöðu
leikfélagsins.
„Það er mjög leiðinlegt að þessi
staða sé komin upp. Nú erum við að
reyna að vinna okkur út úr þessu
og fara ofan í saumana. Með tilliti
til þess að við erum að fá bæinn til
að hjálpa okkur,” segir hún.
María segir að mikilvægt sé að
átta sig á því að ársreikningur sé
gerður fyrir áramót og nái því ekki
yfir allt leikárið, sem sé frá hausti
til vors.
Allar sýningar LA á Rocky
Horror í Menningarhúsinu Hofi á
síðasta ári voru reknar með tapi.
María segir það ekki liggja fyrir
hversu miklu leikfélagið tapaði á
sýningunum.
„Við gerðum ákveðna áætlun og
lentum í ýmsum óvæntum uppá-
komum. En ég get ekki farið út í
nánari tölur eða skýringar á þessu,“
segir hún. „Ekkert ólöglegt hefur
átt sér stað.“
sunna@frettabladid.is
Við værum ekki í
þessari stöðu ef fram-
kvæmdastjórnin hefði staðið
sig og uppsögn hans tengist
því að sjálfsögðu.
MARÍA SIGURÐARDÓTTIR
LEIKHÚSSTJÓRI
Þarf að endurskoða styrkjakerfi
í landbúnaði?
Já 87%
Nei 13%
SPURNING DAGSINS Í DAG
Eiga stofnanir að hafa heimild
til að setja upp hnappa á
heimasíðum sínum fyrir nafn-
lausar ábendingar?
Segðu þína skoðun á visir.is
Leikfélag Akureyrar
leitar á náðir bæjarins
Tap á rekstri Leikfélags Akureyrar á síðasta ári nam 67 milljónum króna. Akur-
eyrarbær hefur ákveðið að veita 30 milljóna fyrirframgreiðslu til að koma í veg
fyrir stöðvun leikársins. Mjög leiðinleg staða, segir leikhússtjóri leikfélagsins.
MENNINGARHÚSIÐ HOF Fyrsta sýning menningarhússins var Rocky Horror árið 2010
og tapaði Leikfélagið mörgum milljónum á því. FRÉTTABLAÐIÐ/SUNNA
MARÍA
SIGURÐARDÓTTIR
UTANRÍKISMÁL Ólafur Ragnar Gríms-
son, forseti Íslands, og Jón Gnarr,
borgarstjóri í Reykjavík, buðu Daliu
Grybauskaitë, forseta Litháens, í
heimsókn í Höfða í gærmorgun. Þá
voru tuttugu ár liðin frá því að viður-
kenning Íslands á sjálfstæði Eystra-
saltsþjóðanna þriggja var staðfest
með athöfn í Höfða.
Athöfnin í Höfða var hluti af dag-
skrá opinberrar heimsóknar Gry-
bauskaitë hingað til lands, en
heimsókninni lauk formlega með
kvöldverðarboði Jóhönnu Sigurðar-
dóttur forsætisráðherra á Þingvöllum
í gær. - bj
Forseti Íslands og borgarstjórinn í Reykjavík buðu forseta Litháens í Höfða:
20 ár frá staðfestingu á sjálfstæði
Í HÖFÐA Forseti Íslands og borgarstjórinn í Reykjavík tóku á móti forseta Litháens
í Höfða í gær. FRÉTTABLAÐIÐ/GVA
MENNTUN Kvennaskólinn í Reykjavík
hefur tekið gamla Miðbæjarskólann
í notkun. Með því hefur húsnæðis-
vandi skólans verið leystur í bili, en
samkomulag um afnot af skólanum
gildir til ársins 2014.
Húsnæði Miðbæjarskólans var
fullbyggt árið 1898 og hýsti Barna-
skóla Reykjavíkur sem síðar var
breytt í Miðbæjarskólann. Þá
var Menntaskólinn við Tjörn-
ina starfræktur þar og Tjarnar-
skóli síðar meir. Frá árinu 1996
hafa þar verið skrifstofur á vegum
Reykjavíkurborgar. - þeb
Kvennaskólinn hefur störf:
Kennt á ný í
Miðbæjarskóla
STJÓRNSÝSLA Ríkisstjórnin ákvað
einróma á fundi sínum í gær að
veita aukaframlag til Útlendinga-
stofnunar vegna reksturs mið-
stöðvar fyrir hælis leitendur í
Reykjanesbæ. Að óbreyttu hefði
stofnunin þurft að segja upp
samningi við Reykjanesbæ þar
sem miðstöðin er starfrækt. Var
þetta gert að tillögu innanríkis-
ráðherra.
„Við erum enn að fara yfir hvað
við þurfum að auka framlagið
mikið til miðstöðvarinnar,“ segir
Ögmundur Jónasson innanríkis-
ráðherra. „En staðreyndin er sú að
Útlendingastofnun, eins og aðrar
stofnanir sem undir hið opinbera
heyra, hafa þurft að sæta niður-
skurði.“
Ögmundur bendir á að inni í
fjárhag og bókhaldi Útlendinga-
stofnunar sé jafnframt fjármögn-
un miðstöðvarinnar.
„En fjöldi einstaklinga er mjög
sveiflukenndur,“ segir Ög mundur.
„Ef hælisleitendum fjölgar, þá
rýrnar fjárhagur Útlendingastofn-
unar og þar með geta hennar til
að þjónusta þetta fólk. Og þarna
er vítahringur sem þarf að rjúfa.“
Ríkisstjórnin ákvað þessa fjár-
veitingu til að koma í veg fyrir að
samningi við meðferðarheimilið
yrði sagt upp.
„Þar með erum við komin á
lygnan sjó aftur,“ segir innanríkis-
ráðherra. - sv
Athvarf fyrir hælisleitendur í Reykjanesbæ fær aukafjárveitingu frá ríkinu:
Samningi við miðstöð bjargað
ÖGMUNDUR JÓNASSON Innanríkis-
ráðherra segir að enn sé verið að fara
yfir upphæð fjárveitingarinnar.
FRÉTTABLAÐIÐ/ANTON
KJÖRKASSINN