Fréttablaðið - 27.08.2011, Qupperneq 19

LAUGARDAGUR 27. ágúst 2011
Mánudagur 29. ágúst 2011 kl 12.15–13.00:
HEIMURINN
ÁRIÐ 2050
Um framtíðina,
framtíðar-
rannsóknir
og listina að
móta
framtíðina
Dr. Mats Lindgren frá fyrirtækinu Kairos Future
heldur fyrirlestur í boði Norræna hússins og
Norden i Fokus
Fyrirlesturinn fer fram á sænsku og er öllum opinn.
Ókeypis aðgangur – allir velkomnir.
Reitir fasteignafélag er stærsta þjónustu-
fyrirtækið á sviði útleigu atvinnuhúsnæðis
á Íslandi. Reitir hafa yfir að ráða fjölbreyttu
fasteignasafni sem samanstendur af um 130
fasteignum sem staðsettar eru víðsvegar
um landið.
Nánari upplýsingar veitir
Halldór Jensson
840 2100
halldor@reitir.is
www.reitir.is
Vönduð umgjörð fyrir vinnandi fólk
Rúmgott heimili
fyrir öflugt fyrirtæki
Vandað skrifstofuhúsnæði á 2. hæð í Grímsbæ við Bústaðaveg
Svæðið er 682 m² – mögulegt að leigja í tveimur hlutum (350 m² / 332 m²)
Húsnæðið skiptist í opin vinnurými, skrifstofur, fundarherbergi og eldhús
Laust í september 2011
TIL LEIGU
Efstaland 26
108 Reykjavík
Hentug vinnurými af ýmsum gerðum.
Góð staðsetning stutt frá helstu umferðaræðum.Rúmgóð aðstaða fyrir starfsmenn.
Nú að nýafstöðnu Reykjavíkur-maraþoni getum við öll verið
sammála um að sigurvegararnir
voru þar margir. Flestir einstak-
lingarnir sem tóku þátt höfðu sín
markmið, komust yfir misstórar
hindranir og unnu sigur með þátt-
tökunni.
Sem sjúkraþjálfari á sviði
kvennaheilsu og þvagfæravanda-
mála hef ég kynnst mörgum konum,
ungum sem öldnum, sem leita sér
aðstoðar vegna veikleika sem í
sumum tilfellum (en ekki öllum)
tengjast barneignum og hafa dregið
úr styrk grindarbotnsvöðva svo fátt
eitt sé talið. Það getur
skapað vandamál sem
draga úr lífsgæðum og
frelsi kvenna til þátttöku
í athöfnum sem krefjast
áreynslu.
Að hverfa frá athöfn-
um sem reyna á mann er
ekki gott og sem betur
fer er mikil vitundar-
vakning á sviði heilsu-
ræktar og konur jafnt
sem karlar gera kröfu
um gott form, góða
heilsu. Við erum jú öll
ábyrg fyrir heilsu okkar,
okkur ber skylda til að
varðveita heilsuna eftir
bestu getu og þekkingu, jafnvel þótt
við höfum orðið fyrir hnjaski eða
tjóni á heilsunni. Það er í raun ekki
valkostur að gefast upp fyrir heilsu-
leysi. Nýafstaðið maraþon sýndi svo
um munaði að hvort sem hetjurn-
ar höfðu misst útlimi, glímdu við
erfiða krabbameinsmeðferð eða
báru önnur mein, misáberandi, þá
er hægt að sigrast á mörgu ef hug-
urinn og eljan er til staðar. Flestir
öðlast betri heilsu með einhverri
hreyfingu, hún þarf að sjálfsögðu
að vera við hæfi hvers og eins.
Fyrir mig var fyrsta vika í vinnu
eftir sumarfrí sérstaklega gleðileg.
Þrír af mínum skjólstæðingum eða
viðskiptavinum (ekki vil ég kalla
þá sjúklinga) komu sérstaklega
glaðir (lesist: glaðar) í bragði. Þær
áttu það allar sameiginlegt að hafa
hlaupið í Reykjavíkurmaraþoninu,
ein þeirra 10 km og tvær höfðu
farið hálft maraþon. Þær höfðu
sigrast á því mótlæti að geta ekki
reynt á sig án þess að finna fyrir
áreynsluþvagleka.
Skv. rannsóknum þjást um það
bil 40% kvenna af þvagleka, mis-
miklum og af mismunandi toga.
Oft er það þannig að í daglegu lífi
verður viðkomandi ekki var við
veikleika en við aukið álag birt-
ist hann. Hlaup, hopp, sipp, stökk,
trampólín, fimleikaiðkun og margt
fleira reynir mikið á grindarbotn-
inn. Í sumum íþróttagreinum hefur
áreynsluþvagleki mælst hjá hátt
í 80% kvenkyns þátttakenda. Það
er í flestum tilvikum hjá ungum
konum sem ekki hafa fætt börn en
eru undir miklu álagi í sinni grein.
Það er ekki mikið talað um þessa
hluti en staðreyndirn-
ar tala sínu máli. Marg-
ar konur vita hvað ég er
að tala um, hafa farið af
stað en fundið fyrir veik-
leika sem stundum lagast
af sjálfu sér en stundum
ekki.
En það er hægt að tak-
ast á við vandann, oftast
með réttu æfingunum og
rétta æfingaálaginu. Þó
hafa rannsóknir sýnt að
u.þ.b. 30% kvenna geta
ekki spennt grindarbotn-
inn með einföldum leið-
beiningum, heldur þurfa
hjálp og leiðsögn til að
finna vöðvana. Grindarbotnsæf-
ingar eru ekki tískufyrirbæri, held-
ur sígilt lag sem ætti að spila sem
oftast. Við eigum að elska okkur
sjálfar og gera kröfur um lífsgæði.
Það er ALDREI ástæða til að hætta
að hreyfa sig vegna þessara mála.
Það er alltaf betra að fara af stað en
sleppa því. Oft þarf þó að sníða sér
stakk eftir vexti í upphafi og forðast
yfirgengilegt álag á botninn. Láta
sér frekar vaxa ásmegin í iðkuninni
og fá aðstoð sjúkraþjálfara ef ekki
gengur að takast á við vandamálið
sjálfur. Sjúkraþjálfarar eru jú sér-
fræðingar í skoðun og mati á stoð-
kerfi mannsins.
Nú er bara að fara af stað og
byrja.
En það er
hægt að
takast á við
vandann,
oftast með
réttu æfing-
unum…
Konur, heilsurækt
og grindarbotninn
Heilbrigðismál
Þorgerður
Sigurðardóttir
sjálfstætt starfandi
sjúkraþjálfari