Fréttablaðið - 27.08.2011, Síða 63

bylgjan 25 ára ● fréttablaðið ●LAUGARDAGUR 27. ÁGÚST 2011 5
Ef það er til eitthvað sem heitir
stuðþáttur í íslensku útvarpi,
þá er það þátturinn Veistu hver
ég var? á Bylgjunni. Danslögin
hét meintur stuðþáttur, sem
var lengi vel í Ríkisútvarpinu
á laugardagskvöldum, og er
bara eins og barnaskemmtun
í samanburði. Í þessum þætti
er ekki hitað upp fyrir helgina,
eins og það er kallað. Þegar
Veistu hver ég var? byrjar, þá
byrjar helgin.
„Upphafið að þessu er að þeir Ágúst
Héðinsson, þáverandi yfirmaður
útvarpssviðs, og Bjarni Arason
dagskrárstjóri kölluðu mig á
fund. Þeir vildu gera helgarnar á
Bylgjunni líflegri og markvissari.
Þeir voru með ákveðna hugmynd
um skemmtilegan nostalgíuþátt
og lögðu grunninn að þættinum.
Ég velti þessu fyrir mér og kom
svo fram með mínar hugmyndir í
púkkið. Við ákváðum svo að prófa
þennan þátt fram á haustið en ég
er búinn að vera þarna í fjögur ár!
Mér skilst að þátturinn hafi aldrei
verið eins vinsæll og einmitt núna.“
Það er ekki eins og málið sé að
velja bara þrjátíu diska og fara
inn í stúdíó og spila þá. Skipt-
ir ekki miklu máli hvaða lög eru
valin og ekki síður, hvernig þeim
er blandað saman?
,,Það er hárrétt. Ég legg mjög
mikla vinnu í þættina og má segja
að eiginkona mín sé ritstjóri þátt-
arins. Við eyðum einu kvöldi á
viku í að fara í gegnum tónlist,
bæði einkasafnið mitt og það sem
er til á netinu. Við erum bæði á
fullu að skiptast á að rifja upp lög
og tengja þau við tímabil. Ég skrifa
átta síðna handrit, klippi saman
nokkra dagskrárliði og er með allt
tilbúið þegar ég mæti. Það held ég
að sé grunnurinn að öllu saman;
vera vel undirbúinn og pæla svo-
lítið í því sem ég er að gera. Vanda
sig eins og amma segir.“
Hlustunin á þættina er mikil
sýna kannanirnar, en vinsældirn-
ar og viðbrögð hlustenda?
,,Viðbrögðin hafa verið ótrú-
leg frá upphafi. Það kom mér
skemmtilega á óvart. Ég er sér-
staklega ánægður með hvað hlust-
endur taka mikinn þátt í að gera
þetta með mér. Símtölin hafa verið
meiriháttar, skrif á Fésbókarsíðu
þáttarins gríðarleg og fólk er með
á nótunum. Ég segi alltaf að ég sé
framlenging af hinum almenna
Íslendingi á meðan ég er í útsend-
ingu, einn af hópnum. Tek mig alls
ekki alvarlega og reyni að fylgja
straumnum.
Ég er mest hissa á hvað aldurs-
bil hlustenda hefur breikkað frá
því þátturinn byrjaði. Í upphafi
var þetta mest fólk á mínum aldri
að hlusta. En ég tek eftir að ung-
lingar eru mjög spenntir fyrir
þættinum og alveg upp í eldra fólk
á aldur við ömmu og afa.“
Það er búið að gefa út geisla-
disk með „Best of“ úr þáttunum,
það hlýtur að vera bók næst eða
bíómynd?
,,Ég sé enga ástæðu til að stoppa
bara við diskana. Ég hef hugmynd-
ir um að gera bækur og bíómynd-
ir en mest langar mig til að gera
sjónvarpsþáttaseríu um þetta
tímabil á Íslandi. Held að það gæti
verið skemmtileg upprifjun.
Fyrsti diskurinn sem ég gerði
er að renna í gullplötu – hver átti
von á því!“
Kjarni málsins er kannski sá
að þú hefur greinilega mjög, mjög
gaman af þessu starfi?
,,Ég elska þennan þátt, hlustend-
ur og tíðarandann. Ég legg mikinn
metnað í að allir geti skemmt sér
með þessum þætti og að hann komi
fólki í jákvæðan farveg.
Eftir hvern þátt er varla þurr
þráður á mér, eins og ég hafi verið
í þrektíma, ég er einn í hljóð-
verinu, svara símtölum, klippi
þau til, svara fólki á Facebook og
stundum endurraða ég lögum því
ég þarf oft að koma óskalögum að.
Þetta er frábært!“
Og óskalag allra tíma svona að
síðustu, ef þú hringdir inn í þáttinn
og bæðir um lag, hvaða lag væri
það?
„Það er örugglega ELO, bara
eitthvað. Ef ég væri í heitum potti í
sumarbústað væri það Sweet Is the
Night en ef ég væri heima í kósý-
heitum þá væri það The Lights Go
Down.“
„Ég elska þennan þátt,
hlustendur og tíðarandann“
Smooth
Santana & Rob Thomas
„Flottur slagari, einstaklega útvarpsvænt lag, eins og við segjum stundum,Santana
kann nokkur grip.“ Þráinn Steinsson mubla
„Þetta var endurkoma Santana inn í vinsældapoppið og man ég að það hljómaði
alveg fáránlega vel á Bylgjunni. Ef þetta hefði verið á tímum vínylplötunnar þá hefði
það verið gegnspilað og Bylgjan þurft að eiga tvö aukaeintök af plötunni.“
Ívar Guðmundsson dagskrárstjóri
„Sennilega mest leikna lagið á stöðinni árið 1999 og raðaði til sín Grammy-verðlaun-
um.“
Rúnar Róbertsson tónlistarstjóri
My Heart Will Go On
Celine Dion
,,Ég setti saman Íslenska listann á þeim tíma þegar þetta
var vinsælt. Mikið var ég farinn að óska þess að Celine
Dion hefði farið niður með Titanic þegar þetta var búið
að vera á toppnum í níu vikur.’’
Þráinn Steinsson tónlistaráhugamaður
„Titanic, þarf að segja meira? Vinsælasta lag heims á
sínum tíma! Kate og Caprio í stafni á skipinu og sjóðheit ást.“
Rúnar Róbertsson tónlistarstjóri
„Þegar þetta lag kom út var alveg ljóst að það yrði eitt af
þeim vinsælli á árinu 1998. Ég man að ég hafði farið á
tónleika með Celine Dion í London haustið áður og þá
sá ég hversu frábærlega góð söngkona hún var. Að auki
var lagið í vinsælustu mynd þessa árs og var tilnefnt til
Óskarsverðlauna. Ég fékk samt nett nóg af þessu lagi
eins og flestir aðrir“
Ívar Guðmundsson dagskrárstjóri
Popplag í G-dúr
Stuðmenn
„Þetta lag er náttúrulega alveg rakinn smellur og Valgeir hefur örugglega vitað það
um leið og hann samdi lagið. Allir íslendingar hafa á einhverjum tímapunkti söngl-
að þetta.“
Ívar Guðmundsson dagskrárstjóri
„Lagið sem hljómsveit allra landsmanna vildi ekki. En þjóðin beit á agnið hjá Valgeiri
og sennilega mest spilaða lag Stuðmanna frá upphafi.“
Rúnar Róbertsson tónlistarstjóri
„Ég man að ég var að vinna við hitt sem ég hef starfað við þegar ég heyrði þetta lag
fyrst. Þetta var óþægilega grípandi og flott lag, brauðmola hendi í hausinn á öndum
– snilld.“
Þráinn Steinsson gítareigandi
Cose della vita
Eros Ramazzotti
„Ítalski sjarmörinn Eros Ramazzotti átti árið 1993 á Bylgj-
unni með þetta lag. Hann er þessum lista sem fulltrúi
ákveðins tíma á Bylgjunni. Það má segja að tónlistin á
Bylgjunni hafi breyst nokkuð í gegnum tíðina, þróast er
gott orð! Samt eru einkennin alltaf þau sömu, klassatón-
list.“
Rúnar Róbertsson tónlistarstjóri
„Ég man vel eftir þessu. Ég er hræddur um að þetta ætti
ekki séns í dag, en á sínum tíma var ekki þurrt sæti í húsinu
þegar þetta heyrðist.“
Þráinn Steinsson spagettíkarl
„Það varð eitthvað æði fyrir Eros Ramazzotti hér á landi
og þegar ég skoða þessi 25 ár þá hefur Bylgjan átt mikinn þátt í því að spila lög frá
hinum ýmsu löndum og þannig hafa lög frá Ítalíu, Spáni, Frakklandi, Hollandi og
öllum Norðurlöndunum oft orðið mjög vinsæl hér heima.“
Ívar Guðmundsson dagskrárstjóri
ÞESSI LÖG VORU NEFND LÍKA:
Björgvin Halldórsson - Ég lifi í draumi
Eiríkur Hauksson - Gaggó Vest
Eyjólfur Kristjánsson og Björn Jörundur - Álfheiður Björk
Whitney Houston - I Will Always Love You
Land og synir - Vöðvastæltur
Savage Garden - Truly, Madly, Deeply
Ub40 - Can’t Help Falling in Love
Skítamórall - Farin
Spin Doctors - Two Princes
Boris Gardiner - I Want to Wake Up with You
Ronan Keating - When You Say Nothing at All
og svona þúsund lög í viðbót sem við munum ekki eftir í svipinn.
Geggjaður
þáttur hjá
þér ALLTAF –
gaman væri að heyra
gott Slade-lag eins og
t.d. Run run away …
Guðný Hansen
Siggi minn, takk
fyrir frábæran þátt,
eins og þér einum
er lagið. Góða helgi :O)
Kolbrún María Hannesdóttir
● BYLGJAN & GÓÐ HREYFING „Við hjá Hreyfingu höfum átt gott samstarf við Bylgjuna um árabil. Hún er
sá fjölmiðill sem við höfum notað til að ná til viðskiptavina okkar með góðum árangri. Bylgjan er góður auglýs-
ingamiðill og starfsfólk hennar hefur alltaf verið einstaklega lipurt, snör og góð þjónusta, einfalt og þægilegt eins
og við viljum hafa það. Það eru líka orð að sönnu „að allir séu að hlusta“. Bylgjan hefur verið á toppnum lengi og
spilar frábæra tónlist í dagsins önn. Hamingjuóskir með afmælið og haldiði áfram á sömu braut.“
Ágústa Johnson, framkvæmdastjóri Hreyfingar
AFMÆLISKVEÐJA FRÁ HREYFINGU
„Ég hef hugmyndir um að gera bækur og bíómyndir en mest langar mig til að gera sjónvarpsþáttaseríu um þetta tímabil á Íslandi.”
MYND/BALDUR KRISTJÁNSSON