Fréttablaðið - 23.09.2011, Blaðsíða 2

23. september 2011 FÖSTUDAGUR2
MENNING Ljósmyndasamkeppni Fréttablaðsins
hefst í dag og er þemað „Fólk að hausti“. Besta
myndin mun prýða forsíðu Fréttablaðsins laugar-
daginn 1. október næstkomandi. Verðlaun fyrir
fyrsta sætið eru leikhúsmiðar fyrir sex í Borgar-
leikhúsið. Verðlaun fyrir annað og þriðja sætið eru
leikhúsmiðar fyrir tvo í Borgarleikhúsið.
Hver þátttakandi skal senda inn eina mynd og
skal hún hafa verið tekin nú í haust. Óheimilt er að
senda inn eða eigna sér ljósmyndir sem eru teknar
af öðrum en sendanda.
Áskilinn er réttur til að hafna hvaða mynd sem
er og til að breyta fyrirsögn og myndatexta í
birtingu. Jafnframt er áskilinn réttur til birting-
ar myndar á forsíðu blaðsins. Innsendar myndir
eru eign höfunda en Fréttablaðinu og Vísir.is er
heimilt að birta þær í tengslum við keppnina og í
kjölfar hennar, svo fremi sem höfundarnafn er til-
tekið.
Samkeppnin stendur frá morgni dagsins í dag,
23. september, til klukkan tólf á hádegi miðviku-
dagsins 28. september. Hver ljósmyndari má senda
eina mynd inn, fyrsta myndin gildir. Tilkynnt
verður um val forsíðumyndarinnar um miðjan
föstudag 30. september næstkomandi.
Tekið er við myndum í netfanginu ljosmynda-
samkeppni@frettabladid.is og skulu þær vera í
nægilegri upplausn til að birta í blaðinu. Myndinni
þarf að fylgja nafn höfundar og upplýsingar um
heimilisfang, netfang og símanúmer. - sv
Fréttablaðið efnir til ljósmyndasamkeppni með þemað „Fólk að hausti“:
Sigurvegarinn fær forsíðuna
SIGURMYNDIN FRÁ 2010 Efnt var til ljósmyndasamkeppni á
sama tíma í fyrra og tóku um 250 ljósmyndarar þátt í að festa
haustið á filmu. MYND/ALEX MÁNI GUÐRÍÐARSON
WASHINGTON, FRÉTTABLAÐIÐ Christine
Lagarde, framkvæmdastjóri
Alþjóðagjaldeyrissjóðsins (AGS),
kallaði í gær eftir forystu og leið-
sögn frá stjórnmálamönnum í
glímunni við yfirstandandi fjár-
málakrísu. Hún sagði lausnir við
vandanum til staðar, það sem skorti
sé pólitísk forysta. Þetta kom fram
í máli Lagarde á ársfundi AGS og
Alþjóðabankans í Washington í gær.
Lagarde sagði ljóst að hægst hefði
á efnahagsbatanum á Vesturlöndum.
Grípa þyrfti án tafar til aðgerða við
að koma ríkisfjármálum vestrænna
ríkja á sjálfbæra braut og laga efna-
hagsreikninga mikið skuldsettra
fjármálastofnana og heimila. Loks
sagði hún nýmarkaðsríki með mik-
inn viðskiptaafgang ekki hafa gert
nægilega mikið til að auka eftir-
spurn heima fyrir. Það væri nauð-
synlegt til að leiðrétta ójafnvægi í
heimshagkerfinu.
Robert Zoellick, forseti Alþjóða-
bankans, tók einnig til máls á árs-
fundinum í gær. Hann sagði heims-
hagkerfið á hættusvæði og benti
sérstaklega á þá hættu að vandræð-
in á Vesturlöndum smituðust til við-
kvæmra nýmarkaðsríkja sem hafa
vaxið hratt á síðustu árum. Hann
tók svo í svipaðan streng og Lagarde
og sagði varhugaverða tíma kalla á
hugrakkt fólk.
„Frekari tafir á aðgerðum verða
dýrkeyptar og munu minnka oln-
bogarými stjórnvalda,“ sagði Zoel-
lick. Orð þessara æðstu stjórnenda
AGS og Alþjóðabankans urðu ekki
til þess að róa fjárfesta beggja
vegna Atlantsála. Þeir telja nú meiri
líkur en áður á að fjármálamark-
aðir séu á leið inn í annan öldudal.
Hlutabréfamarkaðir tóku aðra dýfu
í gær og fóru helstu hlutabréfavísi-
tölur niður um á bilinu tvö til fimm
prósent. - mþl, jab
Forseti Alþjóðabankans kallar eftir hugrökkum stjórnmálamönnum á viðsjárverðum tímum í Washington:
AGS hefur áhyggjur af þróun mála
CHRISTINE LAGARDE Lagarde sagðist í
gær vera áhyggjufull vegna stöðu mála í
heimshagkerfinu og hvatti til tafarlausra
aðgerða stjórnvalda víða um heim.
FRÉTTABLAÐIÐ/AP
Nú er hægt að fá fetaost sem kubb í saltvatni. Gott
er að nota ostinn í salöt, samlokur, grænmetisrétti
og á pítsuna. Ljúffengar uppskriftir með fetaosti
er að finna á www.gottimatinn.is
SPURNING DAGSINS
Þórhallur, hefur Þórbergur
nokkuð haft samband við þig?
„Það vill svo til að ég hef alið
manninn að stórum hluta á Hring-
brautinni allt frá barnæsku en ég
hef nú aldrei rekist á kauða.“
Þórhallur Guðmundsson er miðill. Borg-
arstjóra barst á dögunum bréf frá manni
sem kveðst gæddur skyggnigáfu og vera í
sambandi við Þórberg Þórðarson heitinn.
Hann segir að skáldið vilji að nafni Hring-
brautar verði breytt í Þórbergsstræti.
BJÖRGUN Varðskipið Ægir bjarg-
aði í gær 64 flóttamönnum, þar
af nokkrum börnum, úr sökkv-
andi gúmmíbát á miðju Miðjarð-
arhafi. Atvikið átti sér stað miðja
vegu milli Marokkó og Spánar,
þar sem Ægir var að störfum
á vegum landamærastofnunar
Evrópu bandalagsins, FRONTEX.
Í tilkynningu frá Landhelgis-
gæslunni segir að bátur fólksins
hafi verið ofhlaðinn og hann hafi
rifnað. Þegar Ægir kom að slys-
staðnum lak loft hratt úr bátnum
og þá þegar voru nokkrir menn
komnir í sjóinn og virtust ósyndir.
Skipverjar á Ægi köstuðu björg-
unarvestum til fólksins og settu
út léttbát og tvo gúmmíbjörgun-
arbáta.
Björg u n a raðgerði r tók u
skamman tíma þar sem flestum
var bjargað um borð í léttbátinn,
en aðrir komust upp í gúmmíbát-
ana eða upp síðustiga skipsins.
Þegar um borð var komið fékk
fólkið aðhlynningu þar til björg-
unarskip sóttu fólkið og fluttu til
lands á Spáni.
Ekki kom fram í tilkynningu frá
gæslunni hvaðan flóttamennirn-
ir eru upprunnir eða hvaðan þeir
sigldu, en stríður straumur flótta-
manna hefur legið frá Norður-
Afríku til Evrópu yfir Miðjarðar-
haf síðustu misserin.
Oft leggja flóttamenn upp í
þessa háskaferð á illa búnum skip-
um, sem eru jafnvel líka ofhlaðin
og hafa hundruð flóttamanna látið
lífið á leiðinni.
Þetta er ekki í fyrsta sinn sem
Ægismenn hafa komið nauð-
stöddum flóttamönnum til bjarg-
ar á Miðjarðarhafi, en í júlílok
björguðu þeir 58 flóttamönnum
Björguðu 64 flótta-
mönnum úr háska
Skipverjar á Ægi björguðu 64 flóttamönnum úr sökkvandi báti á Miðjarðar-
hafi. Nokkur börn voru í hópi flóttamannanna. Björgunaraðgerðir gengu vel og
fólkið var flutt til Spánar. Ægismenn björguðu líka tugum flóttamanna í sumar.
Á ÖGURSTUNDU Nokkrir menn voru í sjónum þegar Ægir kom á slysstaðinn.
Björgunaraðgerðir gengu vel og fólkið komst fljótt um borð. MYND/LANDHELGISGÆSLAN
úr sjálfheldu í afskekktri fjöru á
Krít.
Ægir hefur verið við störf fyrir
FRONTEX síðan í maí og verður
það fram í næsta mánuð.
thorgils@frettabladid.is
LÖGREGLUMÁL Fornleifafræðingar
sem vinna við uppgröft á Land-
spítalalóðinni við Hringbraut
urðu fyrir miklum skakka-
föllum í fyrrinótt þegar tækja-
búnaði, margra milljóna króna
virði, var stolið úr vinnuaðstöðu
þeirra.
„Þetta voru tölvur, flakkarar
og myndavélar og alstöð, sem er
hvað verðmætust fyrir okkur,“
segir Vala Garðarsdóttir forn-
leifafræðingur. Alstöð er mjög
nákvæmt mælingartæki sem
fornleifafræðingar nota. Vala
telur að slíkt tæki komi þeim
ekki til góða sem hafi tækið
núna.
„Þeir ná örugglega aldrei að
selja þetta. Og ef það myndi ein-
hver fornleifafræðingur kaupa
þetta þá fréttir maður það nátt-
úrulega strax,“ segir Vala.
Vala hvetur þann eða þá sem
voru að verki að skila mununum
og þá verði engin eftirmál. - jhh
Milljónatjón á Hringbraut:
Stálu frá forn-
leifafræðingum
ALTÆKI Svona lítur altækið út sem þjóf-
arnir stálu.
LANDHELGISGÆSLAN Varðskipið
Þór verður afhent Landhelgis-
gæslunni formlega í dag. Skipið
er smíðað í Síle og hafa fram-
kvæmdir staðið yfir frá október
árið 2007 og átti að afhenda skip-
ið fyrir rúmlega einu ári. Jarð-
skjálftinn öflugi sem reið yfir
Síle í fyrra og flóðbylgjan sem
fylgdi í kjölfarið töfðu verkið.
Lagt verður af stað til Íslands
næstkomandi þriðjudag. Gert er
ráð fyrir að skipið komi í heima-
höfn í Reykjavík hinn 26. október
næstkomandi. - þj
Nýtt skip hjá Gæslunni:
Varðskipið Þór
afhent í dag
TILBÚINN TIL AFHENDINGAR Varðskipið
Þór leggur af stað til Íslands á þriðjudag
og er væntanlegt í höfn hinn 26.
október. MYND/LANDHELGISGÆSLAN
WASHINGTON BRICS-löndin svo-
kölluðu, Brasilía, Rússland, Ind-
land, Kína og Suður-Afríka, eru
tilbúin til að tryggja Alþjóða-
gjaldeyrissjóðnum (AGS) og
öðrum alþjóðlegum stofnunum
fjármagn til að auka getu stofn-
ananna til að bregðast við alþjóð-
legu fjármálakrísunni.
Þetta kom fram á blaðamanna-
fundi sem fjármálaráðherrar
og seðlabankastjórar landanna
héldu á ársfundi AGS og Alþjóða-
bankans í Washington í gær. Þá
kölluðu þeir eftir kröftugum
aðgerðum til bjargar efnahags-
batanum á Vesturlöndum. - mþl
Ársfundur AGS í Washington:
BRICS-löndin
heita aðstoð
Stöðva sjónvarpssendingar
Aðalkjörstjórn Mið-Asíuríkisins
Kirgisistans mun í næstu viku loka
fyrir útsendingar erlendra sjón-
varpsstöðva í landinu í aðdraganda
forsetakosninga. Það er gert að sögn
til að koma í veg fyrir að erlendar rásir
hafi óeðlileg áhrif á kjörið. Kirgisar
reiða sig að miklu leyti á rússneskar
sjónvarpsstöðvar, en stjórnarand-
staðan hefur kvartað undan því að
þær geri upp á milli frambjóðenda.
KIRGISISTAN