Fréttablaðið - 23.09.2011, Blaðsíða 16
16 23. september 2011 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Þú ert velkomin á
Fræðslu og kaffifund
Efni fundarins er: Kynning og síðan umfjöllun um muninn á
sölukerfi fasteigna í USA og Íslandi og síðan verður fjallað
um fjárfestignar í fasteignum í USA og hvað grundvallar
lögmál á bakvið þá fjárfestingu.
Fundurinn verður haldinn í Þingsal 3 á Icelandair Hótel
Laugardaginn 24. september, Kl. 9.00 og er opinn öllum
sem eru að huga að flutning til USA og/eða hafa áhuga á
Fasteignamarkaðnum í USA.
Fundurinn er í boði The Viking Team, Realty og mun
Pétur Sigurðsson, Löggiltur Fasteignasali hafa framsögu
á fundinum.
The Viking Team, Realty
www.TheVikingTeam.com
www.Floridaeignir.is
Petur@TheVikingTeam.com
HALLDÓR
Athyglisbrestur er ekkert til að skammast sín fyrir – þetta er ein-
faldlega eiginleiki sem er hluti af mínu
daglega lífi. Á stundum þvælist hann
fyrir en oftar en ekki næ ég að
nýta hann til góðs. Fyrir mig
og aðra.
Sumir dagar eru erfiðari,
en með því að leita upplýsinga
og haga mínum málum í sam-
ræmi við það hefur mér tekist
að fjölga þeim góðu. Á vondum
degi er fátt betra en að grípa í
hnakkadrambið á sjálfum sér,
hlæja að allri vitleysunni og
setja kúrsinn upp á nýtt.
En ég er heppinn – á góða að
og hef getað sótt mér þá aðstoð
sem þurfti. Ekki eru allir í
sömu sporum. Fordómar og
vanþekking á málefninu eru
ríkjandi og flestir vaða eld og brenni-
stein á sinni vegferð.
Sjálfur kýs ég ekki að líta á athyglis-
brest – með eða án ofvirkni – sem sjúk-
dóm eða röskun. En í því samfélagi sem
við búum í er það oft eina leiðin til að fá
aðstoð hins opinbera. Þau spor geta reynst
þung og stutt er í fordóma – ekki síst í
eigin huga. Við þessu þarf að bregðast.
Samevrópsk ADHD-vitundar-
vika sem nú stendur yfir er
liður í þeirri vinnu. Með slag-
orðunum „Athygli, já takk!“
vilja ADHD-samtökin leggja
sitt af mörkum til að auka skiln-
ing á málefninu og auðvelda
einstaklingum með athyglis-
brest og aðstandendum að
sækja sér þá hjálp sem hver og
einn þarfnast.
Og einu má ekki gleyma:
Staðreyndin er einfaldlega sú
að athyglisbrestur – rétt eins
og önnur „frávik frá norminu“
– er ekki frávik frá því eðlilega
heldur eðlilegur hluti af flóru
lífsins.
Þess vegna hvet ég alla til að sækja
málþing ADHD-samtakanna í Iðu föstu-
daginn 23. september klukkan 13.00 (sjá
t.d. www.adhd.is).
Ég er með athyglisbrest
– ég er heppinn
ADHD
Vilhjálmur
Hjálmarsson
leikari
En ég er
heppinn – á
góða að og
hef getað
sótt mér þá
aðstoð sem
þurfti.
Skemmubjörgunin
Árni Johnsen er enn á ný kominn í
deilur, nú vegna framkvæmda við
Skálholt. Árni er mikill áhugamaður
um endurreisn gamalla húsa, oftar
en ekki í þeirri mynd sem honum
finnst þau eiga að vera. Nú vill hann
endurreisa Þorláksbúð, því er ekki
úr vegi að rifja upp hvaða mannvirki
var þar á ferð. Samkvæmt heimildum
frá biskupsstaðnum sjálfum segir
að húsið hafi verið skemma, en fyrir
hafi komið að það hafi verið notað til
embættisgjörða í tíð Ögmundar bisk-
ups Pálssonar, er dómkirkjan brann.
Það var og. Kannski mun Árni
reisa fleiri skemmur á svæðinu,
en vonandi í þökk allra.
Hva! Skitin 10 prósent!
Menn meta hlutina misjafnlega
og ekki leggja allir sama skilning
í hvaða fjárupphæðir skipta máli.
Þannig finnst formanni VR, Stefáni
Einari Stefánssyni, ekki tiltökumál að
veita 10 prósenta afslátt. „Enda er
afslátturinn svo lítill að hann skiptir
næstum engu máli,“ sagði hann í
samtali við Fréttablaðið í gær. Líklega
finnst einhverjum að 10 prósenta
afsláttur skipti bara
allmiklu máli. Þeir
eru kannski á lægri
launum en formaður
VR.
Höldum jákvæðninni
„Við teljum enga ástæðu til þess að
endurskoða hagspá okkar. Því ef hún
gengur eftir verður Ísland eitt þeirra
landa á Vesturlöndum sem verða
með hvað mestan hagvöxt.“ Þetta
sagði Már Guðmundsson seðla-
bankastjóri þegar hann tilkynnti að
stýrivöxtum yrði haldið óbreyttum
í 4,5 prósentum. Þetta er lofsvert
viðhorf hjá bankastjóranum.
Hvers vegna að hætta við
svona jákvæða spá þegar
allt verður í himnalagi
gangi hún eftir? Það
er komið nóg af
neikvæðum hagspám.
kolbeinn@frettabladid.is
Þ
egar Guðmundur Steingrímsson gekk úr Framsóknar-
flokknum á dögunum sagðist hann myndu láta reyna á
að stofna „frjálslyndan, víðsýnan, Evrópusinnaðan og
grænan miðjuflokk“.
Nú hefur komið í ljós hvernig Guðmundur ætlar að
fara að þessu. Hann hefur upplýst að hann eigi í viðræðum við
Bezta flokkinn, sem vann mikinn sigur í borgarstjórnarkosning-
unum í Reykjavík í fyrravor, um að stofna til framboðs á landsvísu.
Nýleg skoðanakönnun bendir
til að Bezti flokkurinn gæti
fengið stuðning frá allt að
fimmtungi kjósenda ef hann byði
fram til Alþingis. Í greiningu á
niðurstöðunum vantar reyndar
hversu margir af þeim, sem ekki
geta hugsað sér að styðja neinn
annan flokk, séu tilkippilegir
kjósendur Bezta flokksins. Í könnun Fréttablaðsins og Stöðvar 2
sem gerð var fyrir stuttu treysti helmingur svarenda sér ekki til
að nefna stjórnmálaflokk sem þeir styddu. Líklegt má telja að rétt
eins og í borgarstjórnarkosningunum sé það fyrst og fremst fólk
sem er komið með ógeð á öllum hinum flokkunum sem er til í að
styðja framboð sem varð til sem brandari. Það er þess vegna ekki
slæm uppástunga að nefna þingframboðið eftir hljómsveit sem
Guðmundur Steingrímsson var einu sinni í, Skárra en ekkert.
Er þessi fimmtungur kjósenda fólkið sem vill frjálslyndan,
víðsýnan, Evrópusinnaðan og grænan miðjuflokk? Það er alls-
endis óvíst. Málflutningur Bezta flokksins fyrir borgarstjórnar-
kosningarnar fól ekki í sér neina stefnu í mörgum stórum hags-
munamálum borgarbúa. Flokkurinn var frekar kosinn út á eins
konar and-pólitík; að lýsa frati á alla pólitík og lofa að hafa bara
skemmtilegt.
Svo er önnur saga hvernig það hefur tekizt. Sumt er skemmti-
legt hjá Bezta flokknum. Borgarstjórinn heldur oft skemmtilegar
ræður. Sumt af því sem borgarstjórnarmeirihlutinn hefur bryddað
upp á er líka skemmtilegt, til dæmis skreytingar og uppákomur á
torgum miðbæjarins í sumar. Ekki er hægt að útiloka að einhverj-
um þyki líka fyndið að rækta punt og illgresi á opnum svæðum í
borginni og leyfa veggjakrotinu að standa. En í stóru, mikilvægu
málunum hefur Bezti flokkurinn ekkert nýtt fram að færa. Í
glímunni við fjárhagsvanda borgarinnar hefur verið farin gamal-
kunnug og heldur óskemmtileg leið skattahækkana annars vegar
og hins vegar illa úthugsaðra sameininga menntastofnana, sem
hafa engum sparnaði skilað sem máli skiptir en nógum leiðindum
og óþægindum.
Ímynd gamla fjórflokksins er afleit þessa dagana og batnaði
sízt þegar Alþingi breyttist í tilraunaleikhús áhugamanna á haust-
þinginu. Þá finnst einhverjum sjálfsagt betra að kjósa listamenn
sem hafa notið velgengni og fengið góða dóma eins og Guðmund
og nýju vini hans í Bezta flokknum.
Einhver hluti kjósenda sem telur sig á miðju stjórnmálanna og
hefur áhuga á raunverulegri pólitík verður hins vegar áfram mun-
aðarlaus. Gatið á miðjunni blífur og bíður þess að einhver annar
en Guðmundur Steingrímsson fylli það.
Guðmundur og Bezti flokkurinn munu ekki
fylla gatið á miðju stjórnmálanna:
Skárra en ekkert?
Ólafur Þ.
Stephensen
olafur@frettabladid.is
SKOÐUN