Faxi - 01.06.1957, Blaðsíða 15
F A X I
75
Ragnar Guðleifsson:
Kynnisför til Bandaríkjanna
(Niðurlag).
Boston.
Frá Chicagó til Boston er nokkuð löng
leið, þó loftleiðin sé farin eða álíka vega-
lengd og frá íslandi til Skotlands. Við
lögðum af stað frá Chicagó kl. 18,10, 19.
okt. og lentum á flugvelli í Boston kl
22,40 um kvöldið, eftir 3i4 klst. flug, því
nú höfðum við aftur flýtt klukkunni um
eina klukkustund.
Viðstaða okkar í Boston var aðeins 2
dagar og gafst því ekki tækifæri til þess
að skoða borgina sem skildi, en er við
flugum yfir borgina mátti glögt sjá, að
Boston er ekki skipulögð á sama hátt og
þær aðrar borgir, er við höfðum áður gist.
Strætin eru hér óreglulegri og krókóttari.
En þetta er skiljanlegra þegar það er haft
í huga, að Boston er með elstu borgum
Bandaríkjanna og ber því svip Evrópu-
borga. Hón er einhver mesta menningar-
borg ríkjanna,þar er hinn frægi Harvard
háskóli og fjöldi annara háskóla og menn-
ingarstofnana. Boston var stofnuð af
enskum mótmælendum, en á síðari árum
hefur kaþólskum mönnum, einkum Irum
og ítölum fjölgað þar mjög, svo nú er
þar einhver helzta miðstöð kaþólskra í
Bandaríkjunum.
Til Boston var ferðinni heitið til þess
að fræðast um fiskiveiðar og fiskiðnað á
austurströnd Bandaríkjanna, og skyldum
við mæta í fiskmarkaðshöllini kl. 10 morg-
uninn eftir. En er þangað kom var öllum
markaði lokið þann daginn. Hefðum
við þurft að vera mættir kl. 7 um morg-
unin til þess að geta fylgst með löndun
fiskjarins og sölu hans. En hér höfðu ein-
hver mistök orðið um að tilkynna okkur
réttan tíma. Við skoðuðum nú fiskmark-
aðshöllina og fiskiskipin. Ekki urðum við
sérstaklega hrifnir af skipakostinum. Tog-
ararnir voru allir litlir og mjög úr sér
gengnir, enda var okkur sagt að engin
endurnýjum fiskiskipastólsins hefði átt sér
stað síðan í lok síðari heimsstyrjaldarinnar.
Hér eru einnig stórir vélbátar, sem veiða í
botnvörpu. En allstaðar er sömu sögu að
segja, fiskverðið er of lágt, útgerðin ber sig
ekki. — Hér eru hlutaskipti og hefur
skipshöfnin 60% af andvirði aflans. En
hér af greiðir hún alla olíu skipsins, fæðis-
kostnað allan og ís á öðrum tíma árs en
yfir sumarið, þá greiðir útgerðin ísinn.
Frá óskiptum afla dregst: Sölukostnaður,
viktargjald, leiga á dýptarmæli, þóknun
til vélstjóra og stýrimanns.
A fiskimarkaðnum var allt með kyrrum
kjörum. Allar sölur dagsinns voru um
garð gengnar. En af frásögn fengum við
hugmynd um, hvernig þær fara fram.
Þegar skip koma að landi tilkynnir skip-
sjóri aflamagn þess og fisktegundir á fisk-
markaðinn. Fiskikaupmennirnir kynna
sér hve mikið framboð muni verða af
fiski þann daginn, en það sjá þeir á töflum
í fiskmarkaðshöllinni. Þar eru skráð nöfn
þeirra skipa, er landa þann daginn, afla-
magn þeirra og fisktegundir. Uppboðið
hefst svo með því, að uppboðshaldarinn
óskar tilboða í afla ákveðins skips og í
hverja tegund fyrir sig. Kaupmennirnir
bjóða nú hver í kapp við annan, þar til
hámarksverði hefur verið náð, hverju sinni.
Þó borgin sé upphafiega byggð af Eng-
lendingum hafa fiskimennirnir ekki tekið
upp markaðshætti eins og tíðkast heima í
Englandi. En þar fer sala fiskjarins á
markaðnum þannig fram, að fiskinum er
skipað á land og geta kaupendur kynnt
sér gæði hans eftir föngum. Eftir það hefst
uppboðið. 1 stað þess að óska tilboða nefn-
ir nú uppboðshaldarinn hæsta markaðs-
Frá Boston:
Gamla ráðhúsið,
þar sem sjálfstæðis-
yfirlýsing Banda-
ríkjanna var birt
landsstj óranum
enska 1776, og fræg
er undir nafninu
frelsisyfirlýsingin.