Faxi - 01.12.1961, Page 39

F A X I
195
fyrst og fremst var einkennandi fyrir hana
var hjálpsemi og kærleikur til allra þeirra,
sem á einhvern hátt áttu bágt. Og sá kær-
leikur og umhyggja náði ekki aðeins til
manna heldur einnig til málleysingjanna.
Þess voru meira að segja dæmi, að hún
færi á fætur að næturlagi til þess að gefa
og hlynna að útigangshestum í illviðri.
Hjónaband þeirra hjónanna var hið ást-
ríkasta, farsælasta og bezta, enda var það
grundvallað á traustum hornsteinum trúar
og sameiginlegra hugðarefna. Börn sín
annaðist Sigríður af miklu ástríki og vildi
miðla þeim af mikilli reynslu sinni og
trúarstyrk; mun það hafa verið gott vega-
nesti, er hún þannig fékk þeim í hendur
út á lífsbrautina. Hún uppskar þá einnig
endurgjald og gleði þeirrar viðleitni sinnar
í gjöf góðra og mannvænlegra barna.
Og nú á kveðjustund eru þakkir fluttar.
Aldurhniginn eiginmaður þakkar af hjarta
sínum trausta og ástríka lífsförunaut öll
samvistarárin í sorg og í gleði. Börnin
þakka ástríkri móður sinni kærleika henn-
ar og umhyggjusemi þeim til handa allar
stundir og hve mikill styrkur hún var
þeim í raunum lífsins. Tengdabörnin og
barnabörnin þakka ástríkri tengdamóður
og ömmu. Og sérstakar þakkir flyt ég hér
frá ungum dætrum Sigríðar, dóttur henn-
ar, fyri það athvarf og skjól, er þær jafnan
áttu hjá ömmu sinni og allt er hún fyrir
þær gerði. Innilega þakkir eru fluttar frá
bróðursyninum, sem hin látna annaðist í
æsku og kveðja og þakkir frá stjúpsyn-
inum, sem ekki getur verið hér í dag.
Systirin þakkar af hjarta látinni systur
sinni fyrir tryggð og vináttu allar stundir.
Vinir og samferðamenn kveðja hina látnu
og þakka vináttu hennar, tryggð og traust-
leika og þann kærleik er í hjarta hennar
bjó og birtist í verkum hennar.
Nú hefur þessi lífsreynda kona hlotið
hvíld frá erfiði og þrautum jarðlífsins. Og
það sé vort gleði- og þakkarefni, nú á
kveðjustund, að í sál sinni átti hún þá dyr-
mætu hluti, sem vara, þegar annað hlýtur
að líða undir lok. Og með þessa dýrmætu,
varanlegu eign er hún nú — eftir að hafa
kvatt forgengilegt jarðlíf — inn gengin
til friðar og fagnaðar þess lífs, er um eilífð
varir.
Tvo lítil ljóð.
Eg hryggur stend á ströndu hér.
og stari á hafið reitt.
Það hefir margan hringaver
til heljar tíðum leitt.
Þó björg það færi búi og þjóð,
og bæti margra hag,
það syngur ýmsum sorgarljóð
um svæsinn stormadag.
Fagurt er sumar, sólin skær
nú sveipar grund og haf.
Hún öllum mönnum unað ljær
sitt eilíft geislatraf.
Því yndi ljómar allt um kring,
það er hans mikla verk.
Þar stjórnar öllum alheimshring
Guðs alvöld höndin sterk.
Sigurður Magnússon, Valbraut.
"7
HURÐIR
Innihurðir
Undir málningu
Spónalagðar með Eik
Spónlagðar með Teak
Spónl. með Maghony
Verð frá 475,75 490,00
Verð frá 737,90 760,00
Verð frá 835,00 860,00
Verð frá 606,80 625,00
Einnig innihurðir í körmum járnaðar.
Útilurðir
Teak spónlagðar plasteinangraðar
stærðir 90 x 206 cm
— stærðir 81 x 206 cm
Verð frá kr. 2,670,00 án söluskatts
Verð frá kr. 2,750,00 með söluskatti
Rúðulistar, Gólflistar, Geirrefti.
Gerið pantanir, stuttur afgreiðslufrestur.
Kaupfélag Suðurnesja
Kaupfélag Arnesinga.
Sími 1505