Faxi - 01.09.1983, Blaðsíða 18
VIÐTAL VIÐ ÞORVALD GUÐMUNDSSON
FRAMHALD AF BLS. 171
Fóðriö fer um sérstaka kjama-
stöð, sem er tölvustýrð, og dreifist
fóðrið þaðan eftir leiðslum út í
fóðurstíur dýranna. Kerfið annar
því að fóðra um 2000 alidýr. Eins
og gefur að skilja er búreksturinn
mjög háður rafmagni og þess
vegna höfum við komið okkur upp
100 kw vararafstöð.
Eftir sem áður handfóðrum við
þó allar gyltur á „fæðingadeild-
inni“. Sá háttur tryggir að komið
er til hverrar einstakrar gyltu
reglulega og þannig verður eftirlit-
ið með smágrísunum og gyltunum
öruggt og gott.
Öll þau hús sem hér voru þegar
við keyptum jörðina eru nú horfin.
Gamla íbúðarhúsið stóð á flötinni
rétt hjá þar sem styttan af litla sjó-
manningum er. Starfsmannahúsið
er 200 m2 að stærð og svo höfum
við einnig byggt hér íbúðarhús fyr-
ir bústjórann og fjölskyldu hans.
Allt fólkið sem hér vinnur býr á
staðnum.
- Þú ert hér með danskan hú-
stjóra, er ekki svo?
- Jú, það er rétt. Hann heitir
Gunnar Andersen og er búinn að
vera hér í 15 ár. Með honum starfa
hér að jafnaði fimm piltar. Auk
þeirra er svo hér ráðskona og einn-
ig aðstoðar kona bústjórans við
búskapinn þegar á þarf að halda.
Þetta fólk sér um skepnuhirðing-
una og slátrunina. Hér er slátrað
tvisvar í viku árið um kring. Páll A.
Pálsson yfirdýralæknir fylgist með
hverri slátrun, lítur eftir dýrunum
og skoðar kjötið.
— Hvernig er vinnslu og dreif-
ingu háttað?
- Héðan er k jötið flutt í Alihús-
ið í Hafnarfirði. Þar framleiðum
við allar okkar vörur undir nafninu
Ali, — svonefndar Ali-vörur, en
það eru svo sem eins og pylsur,
skenka, bjúgu, bacon og allt
mögulegt, sem kemur á markað-
inn af svínaafurðum. Svo dreifum
við framleiðslunni í verslanir á
Stór-Reykjavíkursvæðinu, og lít-
ilsháttar út á land, eftir því sem
birgðirendast.
- Er Ali-bacon í Hafnarfirði til-
tölulega nýtt fyrirtæki?
- Nei, raunar er þetta 40 ára
gamalt fyrirtæki, því þetta er sama
og „Síld og fiskur“. En öll okkar
matvælaiðja er nú þarna í Hafnar-
firði og við erum ekki með neina
smásöluverslun lengur. Nú er svo
komið að hvorki er um toppa eða
lægðir að ræða í framleiðslunni og í
því liggur okkar gæfa. Við kapp-
kostum að framleiða góða vöru og
þar af leiðir að hún er eftirsótt.
Það fer aldrei neitt af okkar fram-
leiðslu í frystigeymslur. Það er
slátrað á mánudögum og þriðju-
dögum og kjötið fer ferskt í vinnsl-
una. Síðan dreifum við kjötvörun-
um unnum til viðskiptavina okkar
þegar í sömu vikunni.
Við framleiðum nánast ein-
göngu úr hráefni okkar frá svína-
búinu. Eina undantekningin er
framleiðslan á svonefndri
,,mömmukæfu“. Móðir mín lag-
aði alltaf þessa kæfutegund hjá
okkur í „Síld og fisk“, á meðan
hún lifði. Kæfan hefur alltaf líkað
svo vel að við höfum haldið áfram
að framleiða hana eftir uppskrift
móður minnar. Það má líka segja,
að við gerum þetta öðrum þræði til
minningar um hana.
- Eg minnist þess að svínahúin í
Keflavík í ,,gamla daga" sóttust
eftir að fá matarleifar af flugvellin-
urn. Heyrir slíkt fóður fortíðinni
til?
- Við byrjuðum hér eiginlega
eingöngu með matarleifar frá flug-
vellinum sem fóður. Nálægðin við
flugvöllin réði líka miklu um að við
töldum þennan stað hér hagstæð-
an undir búreksturinn. Við höfum
alltaf haldið okkar matarleifa-
samningi við flugvöllinn. Núorðið
er það fóður alveg hverfandi lítið
Reyknesingar
Afgreidslur og útibú Landsbankans á Reykjanesi veita einstaklingum
og fyrirtækjum margháttaða bankaþjónustu og fyrirgreiðslu.
Leitaðu til starfsfólks Landsbankans. Fjármálaráðgjöf og þjónusta
bankans er ávallt til reiðu.
UTIBU
SANDGERÐI
UTIBU GRINDVIK
AFGREIDSLUTIMAR:
Grindavíkog Sandgeröi kl. 9.15-12.30 og 13.30-16.00.
Keflavík kl.9.15-16.00.
LANDSBANKINN
Banki idlm landsnumm
186-FAXI