Faxi - 01.09.1983, Blaðsíða 24
Athyglisvert ævistarf
___________________FRAMHALD AF BI.S. 172-
breiði vettvangur hafi vakað fyrir
honum er hann kvaddi þingsali, en
hans kunna raunsæi bendir þó til
að svo hafi verið og sýnir það k jark
hans og einbeitni, þar sem vitað
var að forusta í þessum baráttu-
málum lá um hrjóstur og stundum
torfærur.
Hann stjórnaði síðan Verka-
lýðsfélagi Grindavíkur í 23 ár, með
einstakri lipurð og réttsýni. Það
voru ekki slagorð eða óraunhæft
fimbulfamb sem beitt var til fram-
gangs eðlilegri þróun kjaramála.
Hann átti auðvelt með að setja sig
inn í stöðu mála og mat hana með
fullri dómgreind og ég hygg að
hann hafi oftast - ef ekki alltaf - náð
sanngjömum niðurstöðum án þess
að kalla yfir sig úlfúð eða hefndar-
hug andstæðinganna, sem einkum
voru útgerðarmenn. Þegar hann
síðar fór sjálfur að gera út bolla-
lögðu menn um það hvort hann
hefði séð svo mikinn auð í útgerð-
inni eða hvort hann hafi viljað
kanna starfsgreinina af eigin fram-
taki. Ekki getur undirritaður
dæmt um hvort hugdettur þessar
eru byggðar á rökum. Hitt er víst
að hann vildi efla atvinnu í byggð-
arlaginu eftir föngum og það hefur
útgerð hans gert - en hvort ánægja
yfir því hefur vegið upp á móti
áhyggjum og basli útgerðar hans
skal ósagt látið, en hún hefur fært
honum mikla reynslu og hún ein
staðfestir þann fádæma dugnað og
þrautseig ju sem Svavar er gæddur.
Líkur benda til að stjómmála-
skoðun Svavars hafi afgerandi
mótast í æsku. Barátta Alþýðu-
flokksins fyrir bættum kjörum
verkalýðsstétta og margháttaður
stuðningur við þá er miður máttu
sín af ýmsum ástæðum, fóru vel að
hugarfari hans og mun hann ungur
hafa gerst þar félagsbundinn.
Þegar hann kom heim frá námi
og hóf félagsleg afskipti var leiðin
greið inn í sveitarstjómina. Hann
var kosinn í hreppsnefnd 1942,
varð oddviti 1946 og forseti bæjar-
stjórnar 1974 er Grindavík hlaut
bæjarréttindi og var það til 1982.
En við bæjarstjómarkosningar
það ár gaf hann ekki kost á sér.
Starf hans að sveitarstjómarmál-
um hefur því verið langt og farsælt.
A þessum árum breyttist
Grindavík úr litlu fiskiþorpi í
blómlegan bæ. Ekki voru þó alltaf
glæstir framþróunartímar. T.d.
fækkaði fólki mikið á fimmta ára-
tugnum þar sem byggðarlagið var
ekki samkeppnisfært við önnur
byggðarlög um þjónustu við fólk-
ið, aðstöðu við aðal atvinnuveginn
- sjávarútveginn og svo hörð sam-
keppni um vinnuaflið við Varnar-
liðið og aðra þá atvinnuvegi er
blómstruðu á þeim ámm. Þessari
þróun var snúið við. Sennilega
hefur uppbygging hafnarinnar átt
þar stærstan þátt í. A.m.k. var það
höfnin og ágæt fiskimið Grindvík-
inga svo og afburða duglegt fólk,
sem leiddi til þess að Grindavík var
á þessum árum margoft með hæst-
ar meðaltekjur á Iandinu.
Um stjórnmálaferil Svavars
mætti skrifa langt mál. Hann hafði
alla tíð mikið fylgi bæði flokks-
bundið og óflokksbundið. Þó að
hann tæki þátt í landspólitíkinni
með setu á flokksþingum og ASÍ
þingum, var hann aldrei ofarlega á
lista til Alþingiskosninga. Ég held
að hann hafi vantað metnað til að
tildra upp þann stiga, því vissulega
hefði hann verið trúverðugur full-
trúi Suðurnesjamanna þar með þá
reynslu sem hann bjó yfir, því
trausti sem störf hans höfðu aflað
honum og þeim málfylgjumætti er
hann býr yfir. Hann er ágætur
ræðumaður, fljótur að sjá aðal-
atriði og rökfastur vel. Hann getur
verið orðhvass og óhlífinn ef hon-
um finnst hallað réttu máli, en yfir-
vegun og rökhyggja eru máttar-
stoðir málflutnings hans.
Varðandi samvinnuverslunina
er það að segja að Svavar var of
önnum hlaðinn til að vera þar
verkamaður. Faðir hans, Ami
Helgason, var fyrsti starfsmaður
Pöntunarfélags Grindvíkinga og
síðar kaupfélagsstjóri og deildar-
st jóri eftir að kaupfélagið var sam-
einað K.S.K.
En allar götur síðan hefur Svav-
ar verið deildarformaður Grinda-
víkurdeildar K.S.K. og fjölda
mörg ár varaformaður kaupfélags-
stjórnarinnar, einnig verið í stjóm
Hraðfrystihúss Keflavíkur hf. sem
er í eigu K.S.K.
Fyrr er getið um þátttöku Svav-
ars í útgerð. Hún hófst 1949 er
hann tók að sér framkvæmda-
stjórn fyrir útgerð Hafrennings
hf., en þar gerðist hann síðar með-
eigandi og hefur hann verið þar í
forustuhlutverki síðan.
Ekki hefur Svavar farið varhluta
af þeim erfiðleikum er útgerðar-
menn eiga við að stríða, en staða
útgerðarfyrirtækja hefur farið
mjög versnandi að undanfömu.
Eitt þeirra fyrirtækja sem stofn-
að var til á erfiðleikaárum í
Grindavík er Hraðfrystihús
Grindavíkur hf. Það var stofnað
1941. Því var ætlað að vinna afla af
bátum sem ekki höfðu vinnsluað-
stöðu ásamt útgerð eigin báta.
Hraðfrystihúsið hefur alltaf haft
mikil umsvif, auk útgerðar og allra
þátta fiskvinnslu hefur það annast
kjötfrystingu fyrir sláturhús
K.S.K. í Grindavík - og um árabil
annaðist það einnig sölu matvæla.
Pað hefur því náð tilætluðum
árangri hvað það snertir að vera
ómetanleg atvinnutrygging fyrir
fjölda manns. Svavar hefur verið
þar í stjóm síðan 1948 og er nú
stjórnarformaður, tók við af Ein-
ari Kr. Einarssyni fyrrverandi
skólastjóra, sem baðst undan end-
urkosningu fyrir tveimur árum.
Þó að hér sé stiklað á stóru, gef-
ur það nokkra mynd af því víð-
fema starfi sem Svavari hefur verið
falið.
Eitt er þó ótalið, sem ekki má
gleymast, en það er þjónusta hans
við kirkju og söfnuð.
Arni faðir Svavars var fyrsti org-
anisti við Grindavíkjurkirkju. Það
fór næstum saman að Grindavík-
urkirkja var endurbyggð og flutt í
Jámgerðarstaðahverfi 1909 og að
Garðhúsahjónin Einar G. Einars-
son kaupmaður og Olafía Ás-
björnsdóttir gáfu kirkjuorgel.
Árni sem þá var fluttur í byggðar-
lagið var ráðinn organisti og var
hann það til ársins 1950 og tók þá
Svavar við því starfi og hefur verið
organisti síðan.
Hann er ágætlega músikalskur
og söngelskur og hefur leyst þetta
starf frábærlega vel af hendi. Tök
hans á kirkjukórnum hafa verið
umtalsverð og leikni hans á hljóð-
færið sömuleiðis.
Honum hefur verið annt um að
hljóðfæri kirkjunnar væri gott og
Auglýsing
um umferð í Keflavík
Að fenginni tillögu bæjarstjórnar Keflavíkur og
samkv. 65. gr. umferðarlaga, er hér með
ákveðið að frá og með 1. nóv. 1983 verði bið-
skylda samkv. 3. mgr. 48. gr. nefndra laga á
Hringbraut við Flugvallarveg. Fellur núgildandi
gagnstæð regla þá úr gildi.
29. september 1983
Lögreglustjórinn í Keflavík,
Jón Eysteinsson
Útsvör
Aðstöðugjöld
Fjórði gjalddagi útsvara og að-
stöðugjalda var 1. nóvember sl.
Dráttarvextir eru 5% pr. mánuð.
Kaupgreiðendur eru sérstaklega
minntir á 30. gr. laga um tekju-
stofna sveitarfélaga um sjálfs-
ábyrgð á gjöldum starfsmanna
sinna.
Innheimta Grindavíkurbæjar.
192-FAXI