Faxi - 01.06.1986, Blaðsíða 27

X-B
Framsöknarflokkur
Bjarni Andrésson
Ég vil í þessari grein gera stuttlega
grein fyrir þeim málum sem framsókn-
armenn munu beita sér fyrir á næsta
kjörtímabili.
Við viljum gera stórátak I æskulýðs-
og íþróttamálum. Að þar verði hvergi
slakað á. Að sköpuð verði sú aðstaða
að sem flestir finni eitthvað við sitt
hæfi. Það er fjárfesting sem skilar sér
margöfld til baka.
Með tilkomu læknis með búsetu í
Grindavík munum við beita okkur fyrir
byggingu heilsugæslustöðvar, það telj-
um við brýna nauðsyn. Einnig munum
við áfram styðja félagasamtök þau sem
standa að byggingu heimilis fyrir
aldraða.
Áfram mun verða unnið að uppbygg-
ingu hafnarinnar og þá sérstaklega
smábátahafnar, sem vantar tilfinnan-
lega.
Staðið mun verða að varanlegri
gatnagerð á svipaðan hátt og á síðasta
kjörtímabili, þ.e. að gert verði eitt stórt
átak á næstu fjórum árum, því þannig
er hagkvæmast að vinna.
Eins og öll sveitafélög með einhæft
atvinnulíf verðum við að stefna að því
að auka fjölbreytnina á einhvern hátt.
Með uppbyggingu laxeldisstöðva á
Reykjanesi er nú kominn þáttur í at-
vinnulífið sem vonandi á eftir að dafna
vel og veita mörgum atvinnu I framtíð-
inni. Með þá orku, sem við höfum í
Svartsengi, ætlum við að vona að hér
muni rísa fyrirtæki I nýiðnaði sem vegi
nokkuð upp á móti sjávarútvegi, það
Vfði af hinu góða. En þrátt fyrir þetta er
sjávarútvegur og verður okkar aðalat-
vinnuvegur, á honum mun velferð
okkar byggjast um ókomin ár.
Samstarf okkar við önnur sveitafélög
á Suðurnesjum tel ég vera af hinu
9Óða, við eigum sameiginlega fyrirtæki
sem sýna vel hverju samvinna sveitar-
félaga getur áorkað. En við verðum
vitanlega að halda vöku okkar, vegna
Þess að hagsmunir hinna mismunandi
sveitarfélaga fara ekki ætíð saman. Við
verðum þegar þannig stendur á að
sýna þann þroska að takast á við
vandamálin og leysa þau í sameiningu
þannig að allir geti við unað. Þeir menn
eru til sem enn ala á gömlu hreppa-
pólitíkinni, en þeim fer sem betur fer
fækkandi.
Umhverfismál munum við taka föst-
um tökum. í dag er Grindavík orðinn
stærsti ferðamannastaður Suðurnesja,
þvi er okkur umhugað um að hún líti
vel út. Sjónmengun er mengun, sem
ætti að hverfa og gerir það líka fljótt ef
samstaða næst um málið og allir leggj-
ast á eitt, einstaklingar, félög og fyrir-
tæki að ógleymdu bæjarfélaginu.
Ágæti kjósandi, nú biðla allir til þín.
Athugaðu vel að eftir okkar stefnuskrá
var unnið allt síðasta kjörtlmabil, enda
hefur staðan breyst mikið. Því ætti val
þitt að vera auðvelt. Við eigum
samleið.
X-D
Sjálfstœðisflokkur
Eövarö Júlíusson
í bæjarfélagi eins og Grindavík er
gnægð verkefna sem bíða úrlausna.
Þau markmið sem við sjálfstæðismenn
höfum sett okkur á næsta kjörtímabili
eru:
Að áfram verði unnið að
uppbyggingu Grunnskólans og að
mótuð verði stefna í húsnæðismálum
skólans, sem miðist við að hægt sé að
framfylgja lögum um kennslu á
grunnskólastigi.
Stefnt verði að því að Ijúka varanlegri
gatnagerð á næsta kjörtímabili og að
gert verði stórátak I gerð gangstétta og
fegrun bæjarins.
Lausn verði fundin á félagsaðstöðu
unglinga.
Áhersla verði lögð á uppbyggingu
íþróttamannvirkja, svo sem byggingu
sundlaugar og grasvallar.
Bygging heilsugæslustöðvar og föst
búseta læknis í bænum er brýnt mál.
Við viljum stóraukinn stuðning við
byggingu heimilis aldraðra í Grindavík.
Haldið verði áfram uppbyggingu
hafnarinnar og lögð verði áhersla á að
Ijúka framkvæmdum við smábátahöfn.
Allt kapp verði lagt á að tryggja
varanlega afstöðu fyrir slökkviliðið.
Bæjarstjórnin hafi frumkvæði í að
laða til bæjarins hverskyns
atvinnustarfsemi sem aukið getur
fjölbreytni atvinnulífsins en þess sé
einnig gætt að standa dyggan vörð um
sjávarútveg, þá atvinnugrein sem
bærinn hefur byggst á.
í undirbúningi er bygging
dagheimilis, en það er á fjárlögum
þessa árs
Hér er stiklað á stóru og drepið á þá
helstu málaflokka sem við munum
beita okkur fyrir næsta kjörtímabil.
Til þess að þetta nái fram að ganga
þurfum við dyggan stuðning kjósenda í
komandi kosningum.
BÆJARSJÓÐUR KEFLAVÍKUR
UTBOÐ
SUNDMSÐSTÖÐ
Hér meó er óskaö eftir tilboöum í uppsteypu sundmiö-
stöóvar í Keflavík. Útboösgögn eru afhent í afgreiöslu
tæknideildar Keflavíkurbæjar, Hafnargötu 32 frá og meö
mióvikudeginum 14. maí næstkomandi, gegn 5 þúsund
króna skilatryggingu.
Tilboöin veröa opnuð á skrifstofu bæjartæknifræöings,
Hafnargötu 32, föstudaginn 30. maí næstkomandi, kl.
11.00 fyrir hádegi.
Bæjartæknifrædingur
FAXI 151