Faxi - 01.02.1993, Blaðsíða 2
2. TÖLUBLAÐ - 53. ÁRGANGUR
Útgefandi: Málfundafélagið Faxi, Kefiavík.
Afgreiðsla: Hafnargötu 31, sími 92-11114.
Blaðstjóm: Helgi Hólm ritstjóri,
Kristján A. Jónsson aðstoðarritstjóri,
Birgir Guðnason, Magnús Haraldsson
og Hjálmar Stefánsson.
Hönnun, setning og umbrot:
Leturval
Filmu- og plötugerð:
Litróf hf
Prentun:
Prentstofa G: Benediktssonar
Meðal efriis:
Jafnvœgislist - Eitt og annað
um kaloríur!
Gömul og fróðleg sögn um
Stafnes.
Fermingarbörn á Suðurnesjum,
vorið 1993.
Brunaœfing í Myllubakkaskóla.
Vertíðarfréttir.
Fyrri hluli um ferðalagyfir
Sprengisand eftir Guðmund B.
Jónsson.
Norðurlandahúsið í Færeyjum og Flugleiðir
buðu 11 ára börnum á íslandi að taka þátt
í kynningarsamkeppni um Fœreyjar.
Verðlaunin voru vikuferð til Fœreyja fyrir
þann bekk sem sigra mundi.
6. bekluir A í Myllubakkaskóla sigraði og
er forsíðumyndin að þessu sinni af sigur-
vegurunum.
Uppi á kastalanum, talið frá vinstri:
Sigurður Markús Grétarsson, Örlygur
Aron Sturluson, Gunnar Asgeirsson, Pétur
Jóhann Scevarsson, Skúli Rúnar Reynis-
son, Hrafnhildur Jónsdótlir. Liggjandi á
brúnni: Steinþór Jóhannsson. Fyrir framan
kastalann, talið frá vinstrí: Alma Vest-
mann, Hafþór Skúlason, Arne Kristinn
Arneson, Gunnar Pórqrinsson, Atli Birkir
Kjartansson, Heiðar Örn Kárason, Svan-
hildur Eysteinsdóttir, Sigríður Helga Orms-
dóttir, Guðrún Ösp Theodórsdóttir,
Jóhanna María Pálsdóltir, Sylvía Þóra
Fœrseth, Bryndís Jóna Magnúsdóttir, Gísli
Lárusson, Ómar Jóhannsson.
Ljósm. H.H.
Helgi Hólm:
Sameining
sveitarfélaga
Við síðustu sveitarstjórnarkosningar fór fram skoðunarkönnun í Keflavík og
Njarðvík, þar sem kannað var viðhorf kjósenda til sameiningar þessara tveggja
bæja. Niðurstaðan var sú, að í Njarðvík voru tæplega helmingur kjósenda
hlynntir sameiningu en í Keflavík voru yfir áttatíu prósent hlynntir sameiningu.
Á þetta er minnst hér vegna þess, að nú virðist vera uppi mikill áhugi meðal rík-
isstjómar og Alþingis um að setja lög sem skyldi sveitarfélög að sameinast. Væri
þá farin sú leið sem vel þekkt er erlendis frá að fækka sveitarfélögum verulega
með lagaboði.
Fækkun sveitarfélaga er að mörgu leiti skynsamleg aðgerð, en hún er einnig
um leið aðgerð sem snertir tilfinningar æði margra. Margir líta á sveitina sína
sem sinn bústað og enginn vill láta flytja sig nauðugan af sínu heimili. En þá væri
ef til vill ráð að horfa svo á hlutina, að ekki er verið að svipta menn sínu sveitar-
félagi, heldur er verið að stækka það og auka möguleika þess til að vaxa og
dafna.
Nú á dögum er fjárhagsleg geta sveitarfélaga þanin til hins ýtrasta. Einnig er
verið að flytja heim í hérað mörg verkefni sem áður voru á höndum ríkisins. Það
er að mörgu leiti ánægjuleg þróun þótt á skorti að nægilegt fé fylgi með til að
standa straum af kostnaði. Það getur því reynst besti kosturinn hjá sveitarfélög-
unum að sameinast og óvíða er það eins upplagður kostur og hér á Suðumesjum.
Undirritaður hefur oft áður haldið fram þessari skoðun og er hún byggð á þeim
rökum, að sameiginlega gætu sveitarfélögin áorkað svo miklu meir en þau gera
í dag, að það liði ekki langur tími þar til það sveitarfélag yrði orðið eitt hið öfl-
ugasta á landinu. Með sameiningu fengist samnýting á eignum, betri nýting á
fjánnagni og síðast en ekki síst betri árangur af starfi þess fólks sem er í starfi hjá
sveitarfélaginu.
Samkvæmt síðustu tillögu nefndar, sem er að undirbúa þessi mál, mun vera
gert ráð fyrir að í haust verði um það kosið í hverju sveitarfélagi fyrir sig, hvort
fólk vill sameiningu eða ekki. Það er vel, að nú skuli þetta mál loksins vera
komið á þetta stig.
34 FAXI