Faxi - 01.02.1993, Blaðsíða 23

ágætis maður, og það var honum
mikið að þakka að þetta gekk allt
saman upp hjá okkur. Einhverjir
voru með okkur frá frystihúsinu í
forföllum, þeir voru líka í yngri kant-
inum.
Það voru miklar stillur þetta sumar
og síldin dreifð. Eigi að síður keyrðu
bátamir mikið í leit að lóðningum
sem sjaldnast fundust. Mælirinn í
Auði var gamall Bendix. Hann var
orðinn grár af saltsteini, og allir takk-
ar orðnir fastir fyrir löngu, nema
slökkvarinn. Hann var stilltur á
minnsta pappírshraða og dýpsta
skala. Hann bilaði aldrei, hann bara
gekk og gekk. A siglingu í brælu
sýndi hann ekki dýpið nema slegið
væri af, þá kom hann með dýpið, það
brást aldrei. En hann sýndi aldrei
lóðningu, aldrei nokkum tímann.
Við keyrðum eins og aðrir. Ég
fylgdist ekkert með mælinum. Hins-
vegar tók ég vel eftir ef einhvers
staðar var stökksfld að sjá. Ef ég sá
eina stökksíld, þá voru netin lögð.
Þetta brást aldrei, við fengum alltaf
einhvern afla.
Við vorum mikið í Grindavík
framanaf, o<x oftast var lagt í Grinda-
víkurdýpi. Ég frétti löngu seinna að
báturinn var ósjaldan kallaður
„barnaheimilið" í Grindavík.
Sigurður Þorleifsson sá mikli
ágætismaður, skipstjóri og hafnar-
vörður í Grindavík, stóð ósjaldan við
bryggjuplankann og horfði brosandi
yfír mannskapinn. Þó kom það fyrir
að hann byrsti sig við okkur, en það
risti ekki djúpt.
Ástæðan var oftast ungæðingshátt-
ur í okkur. Til dæmis skeði það einu
sinni eða tvisvar að smásteinum tók
að rigna af himnum ofan í nálægum
bátum. Gmnur lék á að steinamir
hefðu tekist á loft í Auði með hlut
sem kenndur er við teygju, en mikið
fuglager var yfir bátunum.
I einni ferðinni sem Sigurður var
að veita tiltal, krafðist hann þess að
skotlínan yrði höfð þannig að grjótið
kæmi ekki niður í bátana. Þá kom
einn skipverjinn fyrir stýrishúshom-
ið að aftan með veiðiglampa í aug-
um. Þá skellti Sigurður Þorleifsson
uppúr og hraðaði sér í burtu.
Annars var vinnan við land oftast
samhangandi þótt aflinn væri ekki
nema 30-60 tunnur, þá var það tals-
vert verk að landa. Bílamir sem
komu eftir sfldinni vom með tómar
tunnur á pallinum sem taka varð nið-
ur í bát og moka í. Síðan voru tunn-
umar hífðar upp á bflpallinn með sér-
stakri tunnuklemmu. Stundum var
notuð tunna í bandstroffu til að hífa í
og var þá hellt í tunnurnar á bflnum.
Þessi flutningsmáti var nauðsynlegur
fyrir sfld sem álti að fara í vinnslu.
Vegirnir voru holóttir moldarvegir
sem afhreistruðu sfldina strax ef hún
var ílutt laus.
Ablögunarnám-
skeíb fyrir fatlaba
Dagana 16. til 18. apríl n.k. gengst Sjálfsbjörg, landsamband fatlaðra,
fyrir námskeiði, sem ætlað er hreyfihömluðu fólki. Þetta er í fjórða sinn
sem slíkt námskeið er haldið en þau eru sniðin eftir finnskri fyrirmynd og
hafa gefið góða raun.
Á námskeiðinu verður fjallað um félagslegar afleiðingar fötlunar.
Fluttir verða stuttir fyrirlestrar um viðhorf almennings til fötlunar,
viðbrögð vina og vandamanna og viðbrögð einstaklingsins við nýjum og
breyttum aðstæðum. Á námskeiðinu verður einnig fyrirlestur um tryg-
gingamál og réttindi fatlaðra varðandi ýmsa þjónustu og starfsemi, sem
tengist fötluðum. Einnig verður kynnt starfsemi öryrkjabandalags
Islands, Sjálfsbjargar og Iþróttasambands fatlaðra.
Á námskeiðinu verður unnið í litlum hópum. Þar verða rædd ýmis mál
sem snerta daglegt líf fatlaðs fólks, bæði mál sem öllum eru sameiginleg
og svo sérstök vandamál þátttakenda. Hópstjóri er í hverjum hópi sem
hefur menntun og reynslu af vinnu með fötluðu fólki. Hins vegar fer
engin bein líkamleg þjálfun fram á námskeiðinu.
Námskeiðið er einkum miðað við fólk eldra en 16 ára, sem hefur fat-
last af einhverjum orsökum. Dæmi um slflct eru mænusköddun, vöðva-
og miðtaugakerfissjúkdómar, liðagigt, klofinn hryggur, helftarlömun,
útlimamissir, fólk með MS-sjúkdóminn og fleira. Auk hreyfihamlaðra
eru aðrir ættingjar, makar og vinir einnig boðnir velkomnir á námskeiðið.
Námskeiðið er haldið á vegum Sjálfsbjargar, landssambands fatlaðra,
í húsi Styrktarfélags lamaðra og fatlaðra, í Reykjadal, Mosfellsbæ.
Námskeiðsgjald er kr. 5.200 og er fæði, gisting og námskeiðsgögn inni-
falin. Ferðakostnaður er greiddur fyrir fólk af landsbyggðinni.
Tilkynnið þátttöku fyrir mánudaginn 5. apríl til Lilju Þorgeirsdóttur á
skrifstofutíma í síma 91 -29133.
Eftir landlegur vomm við sjóveik-
ir til að byrja með, en sjóuðumst eftir
nokkra róðra, en eftir einn landlegu-
dag kont allt saman aftur.
Ég og Sólmundur vorum verstir af
sjóveikinni. Þegar verið var á land-
leið í veltingi fór Sólmundur stund-
um ekki niður. En var í staðinn að
skoða innyfli úr fiskum og fuglum á
vélarhússkappanum, grænn í framan
af sjóveiki. Má því segja að snemma
hafi beygst krókurinn hjá verðandi
sjávarlíffræðingi.
Það sannaðist þá og það mundi
líka sannast nú að ef unglingum er
sýnt traust og gefið tækifæri á að
spreyta sig, þá gerast góðir hlutir.
Þegar á leið fómm við norðuifyrir
og rérum frá Njarðvík. Eitt sinn er
halda skyldi í róður, stóð Ingólfur við
kabyssuna og leit yfir öxl sér til mín
sem var á leið upp stigann og segir:
„Ég er með verk í maganum.“ „Það
er ekkert að þér.“ „Nei, það er
ábyggilega ekkert að mér,“ svaraði
Ingólfur að bragði, alltaf jafn hress.
Þegar við vorum að sleppa, fékk ég
bakþanka og hætti við. Fór fram í til
Ingólfs og segi honum að drífa sig í
land og láta Guðjón lækni líta á sig,
en bið hann sérstaklega að vera nú
fljótan. Ingólfur hraðaði sér upp
bryggjuna. Eftir langa bið fór okkur
að leiðast og fór ég í land til að leita
að Ingólfi. Þegar ég kom heim til
hans, sagði Bárður pabbi hans mér,
að hann kæmi ekki með okkur í
þennan róður, það væri verið að
skera úr honurn botnlangann.
Svona gengu nú hlutimir þá, og
heppnin var alltaf með okkur. Við
lukum þessu úthaldi með ágætum.
Þetta var skemmtilegt úthald sem ég
minnst með ánægju.
Keflavík - Siiðuriies
Fei’iiiingargjafir fyrir
stúlkur og drengi
Fjölbreytt urval:
Hljóinflutimigstæki — Geislaspilarar
Videotæki — Videotökuvélar
*
Vasadiskó — Utvarpslduldkur
Reiknitölvur — Skáktölvur
Geisladiskar — Kassettugeymslur
Ljósmyudavélar — Sjónaukar
Seðlaveski — Iþróttatöskur
Svefnpokar — Myndavélar
Beautybox — Skartgripaskríu
Bókastæður — Pemiastatíf
Borðlampar — Staudlampar
Sjónvörp — Myndbandstæki
Hárblásarar — HárrúUur
Krullujárn — Rakvélar
Ur og klukkur
Ferðageislaspilarar — Heyrnatól
Ferðaviðtæld ni/og án geislaspilara
Tölvur — Tölvuforrit
STAPAFELL HF.
Súnar 92-12300 og 92-11730
FAXI 55