Morgunn - 01.12.1968, Qupperneq 56

134
MORGUNN
raunverulega ævistarf. Þá kvænist hann fyrri konu sinni —
Þorbjörgu Jónsdóttur frá Arnarvatni, gáfaðri og mikilhæfri
konu. Þau eignuðust tvær dætur og veiktist önnur þeirra og
misstu þau hana í frumbernsku. Litlu síðar veikist Þorbjörg
af berklum og deyr á Akureyrarspítala. Við þá þungu harma
byrjar hans raunverulega leit eftir sannindum um framlíf
mannssálarinnar. Og kunnugt er mcr um það, að ekkert
tækifæri iét hann ónotað á þeim árum til þess að afla sér
þekkingar á þeirri stefnu, sem sálarrannsóknirnar byggjast
á. Og þegar fram liðu stundir, þá sat hann sig ekki úr færi
um að kynnast starfi miðla, bæði hér á landi og erlendis og
vega og meta starf þeirra með sinni miklu dómgreind. En sú
leit bar h'ka ríkulegan árangur, um það bera vitni bækurnar,
sem hann ritaði og helgaðar eru sálarrannsóknunum, enda
var reynsla hans og þekking á þeim vettvangi orðin svo yf-
irgripsmikil og víðfeðm, að það var hafið yfir allar efasemd-