Morgunn - 01.12.1983, Blaðsíða 26
128
MORGUNN
hans segir til um, á hverjum tíma, og við hverja nýja um-
breytingu, þar til fullkomnun er náð.
öll æðri trúarbrögð kenna að líf sé til að þessu loknu,
ekki síst kristin trú, sem segir okkur að líkaminn verði
aftur að moldu, en andinn fari til Guðs, sem gaf hann.
Frelsarinn sagði líka ,,ég lifi og þér munuð lifa“. Þetta er
undirstaðan sem kristin trú byggir trúarkenningu og sið-
fræði sína á. Ég held að kristnir spiritistar geri það sann-
arlega líka, þótt margir kirkjunnar menn haldi annað.
Stendur ekki líka skrifað ,,að vér eigum að leita, knýja á
og biðja um“, til þess að öðlast.
Spiritisminn er ein leið mannsins í þrotlausri leit manns-
andans að sjálfum sér og uppruna sínum.
Því álít ég að hann eigi enn fullan rétt á sér, þó ekki
væri til neins annars en að veita sorgbitnum og hrjáðum
huggun og veikum styrk til að brosa í gegnum tárin.
Tré þekkingar og visku ber margar greinar; ein þeirra
eru spiritistar eða andahyggjumenn, á öðrum e'ru sálar-
rannsóknir, dulsálarfræðin og heimspekin, svo nokkuð sé
nefnt — en allar tengjast þær þó stofninum og því aðeins
blómgast tréð og ber góðan ávöxt, að vel sé að hlúð.
Minnumst að dýpstu sannindi eru óumbreytanleg vitneskja
og þekking er skapa visku.
Frá fyrstu tíð hafa svokölluð raunvísindi litið þessar
greinar heldur hornauga og hrópað á marktækar sann-
anir um tilveru Guðs eða annars heims og sambandið við
þá, sem farnir eru.
En hvað eru sannanir? Hvað eru vísindi? Vísindi: Tíma-
bundið ástand þekkingar, sem í tímans rás er alltaf að
breytast. Raunvísindin hafa frá upphafi reynt að byggja
sér ákveðið hugsanakerfi og lögmál — sem afleiðing af
efnislegri reynslu og skynjanahæfileika mannsins eða nán-
ar tiltekið, kerfisformi skynjunarinnar. Þ.e.a.s. skynsemi
og raunhyggju. En slíku sannanaformi er trauðla hægt
að koma við, þegar, eins og Nikulás frá CQsa benti á, „að
Guð er handan andstæðnanna og þar sem andstæðurnar —