Morgunn - 01.06.1985, Page 47

raunveruleg, en ekki framkölluð með svikum af Indriða
hálfu eða annarra manna. Lítum á dæmigerðan fund skráð-
an af Guðmundi Hannessyni prófessor. Athugun hans á
fyrirbrigðum Indriða var nákvæm og kom hann gagngert
til að rannsaka þau i Tilraunafélaginu að beiðni séra Har-
aldar Nielssonar prófessors. Guðmundur birti eftirfarandi
fund i Norðurlandi 1911, 31. janúar (1). Þessi fundur var
einnig birtur síðar í Morgni 1951, bls. 143—146. I textan-
um hér á eftir er aðallega fyigt áður óbirtu handriti Guð-
mundar frá vetrinum 1908—9 (2). Ástæða þótti til að skrifa
sérstaka grein um þennan fund vegna þess að í handritinu
koma fram ýmis atriði og fyrirbrigði sem ekki er minnst á
í grein hans í Norðurlandi. í Norðurlandi er þessi fund-
ur einn meðal margra funda sem Guðmundur skýrir frá
og textinn þar hefur fengið úrvinnslu hvað varðar mál
og stíl. Handritið er á hinn bóginn ritað í eins konar skeyta-
stíl og þótti þess vegna ástæða til að gera textann fyllri og
skýrari á köflum með orðum og setningum úr Norður-
landsgreininni.
Eftirfarandi miðilsfundur átti sér stað 12. desember
1908. Fyrirbrigðin voru skrifuð niður í myrkrinu á fund-
inum og þær nótur endurritaðar næsta morgun. Auk
Indriða Indriðasonar og Guðmundar Hannessonar (GH)
voi'u viðstödd þau Einar H. Kvai’an, Bjöi'n Ólafsson augn-
læknir, Hai'aldur Nielsson (HN) og frú Kai’ólína Isleifs-
dóttir, eiginkona Guðmundar.
Undirbúningur: Guðmundur fékk Indriða heim til sín
í nýbyggt hús og hafði Indriði aldrei komið þangað. Var
það til að sjá við hugsanlegum svikum frá aðstoðarmönn-
um og vélum í Tilraunafélagshúsinu svonefnda, en þar fóru
miðilsfundirnir venjulega fram. GH og Karólína rýmdu
öllum húsgögnum úr öðrum enda stofunnar og sáu um að
ekki varð til þeirra náð. GH valdi stofuna u. þ. b. 30 mín-
útum áður en að fundurinn skyldi haldinn. Allt lauslegt
var flutt burt, gluggatjöld f jarlægð og gluggar vel byrgðir.
Fundargestir komu klukkan 8. Afstaða var mæld (óvíst
MORGUNN
45