Útvarpstíðindi - 12.12.1941, Síða 25

auðnast að plægja akurinn. En þegar
honum varð til þess hugsað, hve kjör
hans voru kröpp, fannst honum hann
vera hjálparvana eins og laufblað, sem
elfarstraumur ber burtu.
Uxinn var úr sögu og plógurinn
einnig. Ekkert verkfæri úr bambusviði
eða tré var fyrir hendi. Honum voru
allar bjargir bannaðar. Hann hafði
þakkað forlögunum fyrir það um vet-
urinn, að flóðið skyldi þó eigi hafa
grandað húsi hans. A þeim vettvangi
haíði hlutskipti hans reynzt betra en
margra annarra. En nú varð honum
það skyndilega ljóst, að honum bar
ekkert að þakka. Nei, honum bar ekki
einu sinni að þakka það, að hann hafði
þó fengið að halda lífi og limum, og að
kona hans og tvö elztu börnin voru
einnig þessa heims. Augu hans fyllt-
ust tárum. — Hann hafði þó ekki einu
sinni grátið, þegar hann jarðaði hina
öldruðu móður sína og sá moldina
hylja nakinn líkama hennar. Hann
hafði séð, að tötrarnir, sem fyrr um
daginn höfðu veitt honum nokkra
huggun, voru einskis nýtir. Nú gat ekk-
ert veitt honum' huggun framar. Hann
tautaði við sjálfan sig:
— Ég hefi engu korni að sá í mold-
ina. Þarna liggur akurinn minn. Mold-
in skyldi bera ávöxt, bara ef ég hefði
frækorn. Ég skyldi ekki hika við að
losa um jarðveginn og jafna hann með
höndunum, ef kornið skorti ekki. Ég
þekki hina ágætu akra mína til hlítar.
En ég á ekert frækorn, og moldin verð-
ur ónytjuð í ár. Hungurdauðinn einn
hlýtur að bíða okkar, þrátt fyrir komu
vorsins.
Hann horfði inn í veröld hins kom-
andi vors sem vonlaus og lífsþreyttur
maður. Helgi Sœmundsson þýddi.
BÆK.UR SENDAR ÚTVARPSTIðINDUM
A sextugsajmœli Huldu gaf Guðmundur Pét-
ursson á Akureyri út bók eftir skáldkonuna, er
nefnist: ,,Hjá Sól og Bil‘‘ og hefur dr. Richard
Beck ritað formála.
Onnur akfildkpna, yngri, hefur gefið út
skáldsögu er nefnist „Draumur um Ljósaland“,
það er Þórunn Magnúsdóttir. Utgefandi Vík-
ingsútgáfan. Síðara bindi er væntanlegt eftir
hátíðar.
Óskar Aðalsteinn Guðjónsson heitir ungur rit-
höfundur á ísafirði. Hann gaf út skáldsögu 1939,
er hann nefndi ,,Ljósið í kotinu“, eftirtektarverð
byrjandabók. Nú hefur hann sent frá sér aðra
skáldsögu: ,,Grjót og gróður“, útgefandi Prent-
stofan ísrún ísafirði. Guðm. G. Hagalín fylgir
bókinni úr hlaði með formálsorðum. Þar segir
m. a.: ,,Þetta er í rauninni fyrsta verkamanna-
sagan í bókmenntum okkar, sem geti borið það
nafn með fullum rétti“.
Hér skal ekki, að órannsökuðu máli, lagður
dómur á sannmæli þessara orða.
Steindór Sigurðsson hcfur gefið út nýja ljóða-
bók: ,,Við lifum eitt sumar". Steindór yrkir
oft vel, stundum ágætlega. Hann las fyrir
skömmu nokkur ljóð í útvarpið og spáðu þau
góðu.
,,Souvenir jrom lceland,t, nefnist lítil mynda-
bók, sem Þorsteinn Jósepsson rithöfundur og
Páll Jónsson verzlunarstjóri hafa gefið út, en
þeir eru báðir góðkunnir sem hinir smekkleg-
ustu myndatökumenn. Þetta er falleg bók. Þeir,
sem eiga enskumælandi vini fá þarna smekk-
lega jólakveðjubók. Ég á aðeins norræna vini
útlenda, vonandi verður hún gefin út seinna,
eða önnur slík, með norðurlanda lesmáli.
/•
ÚTVARPSTÍÐINDl
137