Útvarpstíðindi - 03.02.1947, Page 5

ÚTVARPSTÍÐINDI
29
Samfíð og framtið . XXIII.
ÞRAINN LÖVE jarðvegsfræðingur um
Jarðvegsfræði
VÉR ÍSLENDINGAR höfum á
síðustu árum eignazt marga unga
vel menntaða menn á mörgum svið-
um. Margir þessara ungu manna
hafa þegar tekið til starfa í þjóðlífi
okkar, en aðrir bíða eftir því að þeim
sé fengið verlc að vinna. Meðal ann-
ars höfum við eignazt í þessum ungu
mönnum góða starfskrafta á nýjum
sviðum. Einn þeirra kynnum við nú
fyrir lesendunum, Þráinn Löve jarð-
vegsfræiðng, en hann er annar ís-
lendingurinn, sem lagt hefur stund
á þessa vísindagrein.
Þráinn Löve er fæddur 10. júlí ár-
ið 1920 í Reykjavík. Foreldrar hans
eru hjónin Þóra G. Jónsdóttir og S.
Carl Löve skipstjóri. — Þráinn tók
stúdentspróf frá Menntaskólanum í
Reykjavík 1943, og fór næsta vetur
vestur um haf og hóf nám í jarðvegs-
fræði við háskólann í Berkeley í
Kaliforníu. Þaðan lauk hann B. S.
prófi síðastliðið vor, en kom heim í
haust. Enn hefur hann ekki fengið
starf í vísindagrein sinni, og virðist
því full þörf fyrir nýja og góða
starfskrafta í landbúnaðinum. Út-
varpstíðindi áttu nýlega tal við Þrá-
inn Löve, og fer það hér á eftir.
— Viltu ekki skýra stuttlega fyrir
mér, hvað jarðvegsfræði eiginlega
er? —
„Jarðvegsfræði er vísindagrein, er
i'raiun íjÖve,
fæst við rannsóknir á mold með það
fyrir augum, að komast að, til hvers
hún er bezt hæf eða hvort henni sé
að einhverju leyti ábótavant til rækt-
unar jurta. Með slíkum rannsóknum
er hægt að finna út áburðarþörf
ræktaðs lands, og má oft á þann hátt
bæði koma í veg fyrir uppskerubrest
og stórspara áburð. — Ein algeng-
asta tegund erlends áburðar, sem hér
er notaður, er blanda af þrem helztu
næringai-efnum plantnanna, þ. e. a.
s. köfnunarefni, fosfór og kalíum
(nitrophoska). Þegar slík blanda
er borin á, þar sem einungis eitt
efnanna skortir, er raunverulega ver-
ið að fleygja meiri hluta áburðarins.