Útvarpstíðindi - 10.11.1947, Page 7

ÚTVAKPSTÍÐINDI
415
varpinu, og vekja á ný umhugsun
um fleiri endurvarpsstöðvar, tvö-
falda dagskrá, útvarp á stuttbylgj-
um, tíðnimótun, sjónvarp og svo
framvegis. Það var þá, að mönnum
fyrir alvöru datt í hug, að leysa nú
með einu átaki úr húsnæðismálum
stofnunarinnar um langa framtíð. Lá
þá eðlilega fyrst fyrir að tryggja
góða lóð, láta gera teikningar að
fyrirhugaðri byggingu, og ekki sízt
að undirbúa fjáröflun til hennar.
íslenzkir húsameistarar og verk-
fræðingar voru þá mjög önnum kafn-
ir, og margt í þessu nýtt fyrir þeim.
Þótt allir, sem að málinu stóðu, hefðu
helzt kosið, að íslenzkir menn önn-
uðust teikningar og útreikninga
hússins, þá varð sú skoðun ofan á,
að ekki yrði unnt að fá það gert hér
á landi, af svo sérstæðu húsi, nema
á mjög löngum tíma og með miklu
meiri lcostnaði. Var viðbúið, að ís-
lenzkum húsameisturum mundi sárna
mjög þessi ákvörðun, en félag þeirra
hefur sýnt víðsýni og velvild til
málsins með því að viðurkenna op-
inberlega sérstöðu þessarar bygg-
ingar í því efni.
Á þeim tíma var stríðinu ekki lok-
ið að fullu og lítið samband við hin
Norðurlöndin, og varð því eðlilega
leitað um slíkar'teikningar til Amer-
íku. Komst ríkisútvarpið í samband
við einn þekktast húsameistara vest-
an hafs, sem hafði þá nýlokið við
teikningar af nýtízku útvarpshúsi
fyrir Columbia-félagið, og bauðst
hann til að gera teikningar og út-
reikninga í samvinnu við ýmsa sér-
fræðinga gegn greiðslu, sem þótti
mjög sanngjörn. — Fyrir að gera
venjulegar húsateikningar átti hann
að fá 5.000 dollara eða um 33.000
krónur, en það svarar til 75 aura á
hvern teningsmetra hússins. — Fyrir
vinnu verkfræðinga og annara sér-
fræðinga við margbrotna útreikn-
inga og vinnuteikningar af steypu-
styrktarjárnum, hreinlætis- og hita-
lögn, loftræstingu, rafmagnslögn og
Ijósakerfi, símalögn, radíólögn, gjall-
arhornalögn, hljóðeinangrun og
hljómkasti, svo og vali á efni og
vinnuteikningar af ýmsum smáat-
riðum, átti að greiða um 40.000 doll-
ara. Þó að þessar greiðslur virðist
háar, eru þær mun lægri en gjald-
skrár húsameistara og verkfræðinga
hér og í nágrannalöndunum gera ráð
fyrir, fyrir svo mikil og kostnaðar-
söm verk. Þó að byggingin sé stór,
grunar mig, að margir okkar muni
lifa það, að hún þyki of lítil.
Ríkisútvarpið á nú í byggingar-
sjóði það fé, sem talið er nægja til
þess að koma húsinu undir þak. Ef
maður hugleiðir, hve miklu fé ein-
stakir menn hafa að undanförnu
varið til bygginga yfir sig eða ein-
stök fyrirtæki, sem tiltölulega fáir
hafa not af, þarf manni þá að of-
bjóða, þótt 33.000 útvarpsheimili
geti í góðæri byggt með aðeins 40
króna framlagi á ári sæmilegt hús
yfir þessa starfsemi, sem er þeim til
mikils menningarauka og skemmtun-
ar, svo að hún geti þróazt áfram
með eðlilegu móti, hér eins og í öðr-
um löndum?
Reykjavík, 28. olct. 1947.
G. Briem.