Bankablaðið - 01.12.1976, Blaðsíða 3

BANKABLAÐIÐ
42. érg. - 1. tbl. des. 1976
Útg.: Samband ísl. bankamanna
Ritstjóri:
Sólon R. Sigurðsson
Skrifstofa:
Gunnar Eydal
Björg Árnadóttir
Bankablaðið er prentað í
2500 eintökum
Ef nisyf irlit:
1 Rauð strik — Láglaunasvæði
2 Samningsréttarmálin
3 Samningarnir 1976
5 Nýmæli í samningunum
6 Þróun kaupmáttar
8 Skipting bankamanna í launa-
flokka
11 Vornámskeið SÍB 1976
13 Frá skrifstofu SlB
14 Úrslit í ritgerðarsamkeppninni
15 Verkfall bankamanna í Noregi
16 Frá námskeiði í Bergendal
18 In memoriam
23 Frá Norðurlöndum
27 Stórmeistarinn Najdorf tefldi
fjöltefli við bankamenn
28 Hraðskákmót bankamanna
29 Ný bankaútibú
30 Nýr bankastjóri í Alþýðu-
bankanum hf.
31 Nýr bankastjóri í Búnaðarbanka
Islands
32 Aðstoðarbankastjóri í Búnaðar-
banka fslands
33 Nýr hagfræðingur Seðlabankans
34 30. þing BSRB
37 Merkisafmæli starfsmanna
Útvegsbanka Islands
41 Merkisafmæli starfsmanna
Landsbanka Islands
43 Fréttir frá starfsmanna-
félögunum
Setning og prentun:
FORMPRENT
Filmu- og plötugerð:
REPRÓ s.f.
Rauð sfrik •
Láglaunasvæði
í kjaramálaályktun þings BSRB í októ-
ber s.l. var krafist tafarlausra kjarabóta
til handa félagsmönnum BSRB. Bandalag
Háskólamanna hefur nýlega lagt fram
kröfur um 30% kauphækkun og fleiri samtök launamanna
hafa krafist tafarlausra kjarabóta.
Þessar kröfur allar verða að teljast eðlilegar í fyllsta máta
þegar litið er til hinna gífurlegu hækkana á öllu verðlagi sem
dunið hafa yfir síðan samningar voru almennt gerðir s.l. vor, og
þær samningsbundnu launahækkanir sem komið hafa, hafa engan
veginn haldið í við verðhækkanirnar.
Rauðu strikin svonefndu áttu reyndar að bæta launþegum
upp þær verðhækkanir sem yrðu á samningstímabilinu, en því
miður verður það að segjast að hverri launahækkun vegna rauðu
strikanna hefur fylgt skriða verðhækkana og þannig hafa verð-
bæturnar verið teknar jafnóðum aftur.
Það er því eðlilegt að launafólk vilji spyrna við fótum og
reyndar hafa sumir hópar náð nokkrum árangri í formi yfir-
borgana. En þar sitja ekki allir við sama borð. Yfirborganir
tíðkast ekki hjá ríkinu og bönkunum, en það eru einmitt banka-
starfsmenn og starfsmenn ríkis og bæja ásamt öðrum láglauna-
mönnum sem harðast hafa orðið fyrir holskeflu verðhækkan-
anna að undanförnu.
Þrátt fyrir stofnun verðbólgunefndar ríkisins mun verðbólgan
vafalaust geysast áfram með svipuðum hraða og áður, ef áfram
heldur sem horfir. Því er nauðsynlegt að launþegasamtök snúi
bökum saman og krefjist í næstu samningum, fullra verðlags-
bóta á laun. Rauð strik duga ekki.
Fram hefur komið í fjölmiðlum að undanförnu að ísland sé
orðið láglaunasvæði. Þetta er vissulega rétt þegar litið er til
þess að byrjunarlaun bankamanna í Danmörku eru tvöföld byrj-
unarlaun íslenskra starfsbræðra þeirra og hæstu laun danskra
bankamanna munu vera því sem næst þreföld laun skv. 12.
flokki. Byrjandi í dönskum banka er metinn í launum til jafns
við deildarstjóra í íslenskum banka og svona mætti lengi telja.
Ekki hefði síður verið nauðsynlegt að stofna nefnd til þess
að fá fram ástæðuna fyrir því að ísland er orðið láglaunasvæði.
SRS.
Sólon R. Sigurðsson.
BANKABLAÐIÐ 1