Bankablaðið - 01.12.1976, Qupperneq 18

Frá námskeiði í Bergendal
Erna Sigurðardóttir
varaformaður F.S.L.Í.
Mér var boðið að taka þátt í námskeiði sem
Sænska bankamannasambandið hélt 11.—15.
október í Bergendal í Svíþjóð. Bergendal er 15
km norðvestur af Stokkhólmi og er gamalt
herrasetur sem keypt var af sænskum félagasam-
tökum. Voru byggðar nokkrar álmur við gamla
húsið og eru þar 78 eins manns herbergi, mjög
vistleg, stór matsalur, tveir fundarsalir fyrir
stærri hópa og síðan 6 lítil herbergi til afnota
fyrir 5—6 manna hópa. Er „TCO-skolan“ eins
og staðurinn kallast leigður út, og var mér sagt
að panta þyrfti með árs fyrirvara.
Arne Sporre og Bo Gidfors frá Sænska banka-
mannasambandinu sáu um námskeiðið og tóku
þeir á móti okkur. Við vorum 32 á þessu nám-
skeiði 28 svíar, 2 danir, 1 norðmaður og ég
frá íslandi. Byrjaði námskeiðið á því að hver
kynnti sig og síðan var skipt niður í hópa. Fékk
hver fyrir sig möppu með öllum þeim upplýs-
ingum í, sem við þurftum að nota til að vinna
úr þeim verkefnum sem voru á dagskrá.
Fengu allir hóparnir sömu verkefnin og var
síðan borin saman niðurstaðan og þá rætt um
mismuninn ef allir komust ekki að sömu nið-
urstöðu.
Eftirfarandi verkefni voru á dagskrá:
1. Ræðumennska. Var þá einkum þrennt sem
okkur var bent á í því sambandi. 1) Tala
við — ekki til. 2) Vera maður sjálfur.
3) Ég get. — Voru síðan rædd helstu atriði
til undirbúnings fyrirlestrar.
2. Starfsemi sambandsins.
Kom Mai Ericsson, sem starfar í samninga-
deild sambandsins, og hélt fyrirlestur um launa-
mál. Var auðheyrt á svíunum að þeir voru mjög
ánægðir með þann tíma.
Á miðvikudaginn fengum við útlendingarnir
frí til að fara til Stokkhólms og skoða okkur
um. Var mjög gaman að sjá gamla bæinn og
gengum við um í nokkurn tíma. Veðurguð-
irnir voru okkur ekki mjög hliðhollir. Það
var rok og kuldi og vorum við fegin að kom-
ast aftur út á Bergendal. Um kvöldið bauð
Sænska bankamannasambandið öllum á nám-
skeiðinu að skoða nýju skrifstofu sambandsins
í Stokkhólmi sem er mjög stór, yfir 20 her-
bergi og með aðstöðu fyrir 36 starfsmenn.
Okkur fjórum, dönunum, norðmanninum og
mér var síðan boðið á revíu, sem var mjög
skemmtileg og síðan á veitingastað.
Næsta morgun var byrjað eins og aðra daga
kl. 9 og var verkefnið þá „Hver eru störf
stjórnar félaga,“ en síðasta daginn kom Lennarr
Lundgren og hélt fyrirlestur um réttindi banka-
manna. Fannst mér mjög gaman að fylgjast með
hópvinnunni og sjá hvað fólkið vann vel úr
verkefnunum.
Þetta var mjög skemmtileg vika og þakka ég
S.Í.B. fyrir þetta tækifæri sem ég fékk til að
fara og kynnast bankafólki frá hinum Norð-
urlöndunum. Erna Sigurðardóttir.
16 BANKABLAÐIÐ