Bankablaðið - 01.12.1976, Page 44

Kristín Pálsdóttir
Kristín Pálsdóttir, starfsmaður í innheimtu-
deild aðalbankans, átti 65 ára afmæli 8. sept.
s.l. Kristín hefir starfað um árabil í innheimtu-
deild bankans. Hún er lipur og vandvirk í
störfum, vinsæl meðal starfsfélaga og viðskipta-
manna bankans. Hún hefir lagt gjörfa hönd á
ýmis félagsmál. Bankamenn hafa átt hauk í
horni, þar sem Kristín er, en hún hefir verið
ein af aðaldriffjöðrunum í starfi og stjórn
Pöntunarfélags starfsmanna á undanförnum ár-
um. Það eru ótaldar stundir sem hún hefir
leyst af í hendi í sjálfboðavinnu þar og standa
félagsmenn í mikilli þakkarskuld við hana fyrir
mikið og óeigingjarnt starf þar. Þá hefir Kristín
verið áhugasöm með önnur félagsmál banka-
manna.
B.G.M.
Ólöf Magnúsdóttir
Ólöf Magnúsdóttir, starfsmaður á símaskipti-
borði Landsbankans, var 60 ára 28. júní s.l.
Ólöf hefir unnið langt og mikið starf í Lands-
bankanum, en hún hefir starfað við símaaf-
greiðslu aðalbankans um árabil. Ólöf er hæg-
lát í framkomu, fremur dul og fáskiptin, en
afburðastarfsmaður, en eins og kunnugt er er
það ekki eilífur dans á rósum að gæta og af-
greiða allan þann fjölda er leitar þjónustu við
símaborðið. Þess má og geta að lengst af hefir
aðbúnaður símafólks verið heldur fábrotin og á
eftir tímanum á ýmsan hátt.
B.G.M.
Sigrún Hansen
Sigrún Hansen, fulltrúi í erlendum viðskipt-
um í aðalbankanum, varð 65 ára 8. júlí s.l.
Sigrún hefur unnið í bankanum langa starfs-
ævi. Lengst mun hún hafa verið í bókhalds-
deild aðalbankans, en hin síðari ár í erlendum
viðskiptum aðalbankans. Sigrún er lipur í starfi
og hefir reynst þar ágætur starfskraftur. Sigrún
er dagfarsprúð og létt í skapi. Minnist ég
hennar frá fyrstu samvistarárum okkar í bank-
anum og þá sérstaklega hvað mér var starsýnt
á Sigrúnu, þá nýkomna aftur í bankann eftir
nokkra dvöl í Ameríku. Þá var bjart yfir Sig-
rúnu og er það enn, þó nokkuð sé um liðið.
B.G.M.
Leyndin í Svissnesku bönkunum
f Sviss eru 440 bankar og velta 5 stærstu bankarnir
einir sér meiru en nemur þjóðarframleiðslu svisslend-
inga.
Aðalástæða hins mikla erlenda fjármagnsstreymis til
Sviss er sögð vera hin svokallaða bankaleynd.
Bankar eiga að sjálfsögðu að gæta fyllstu þagmælsku
um fjármál viðskiptavina sinna, en yfirvöldin geta þó
krafið upplýsinga. Bankaleyndin í Sviss er varin með
refsiákvæðum. Refsingar geta orðið allt að 20.000 Sv.
frönkum og fangelsi í 6 mánuði.
Einn þáttur í bankaleyndinni er það fyrirkomulag,
að enginn veit nafn reikningshafans nema örfáir starfs-
menn bankans. Petta á að hindra brot á þagnarskyldu-
viljandi eða óviljandi.
Svissneskir bankar eru stöðugt sakaðir um að geyma
fé sem ólöglega er aflað. Forsvarsmenn bankanna svara
því aftur til, að þeir varðveiti aðeins fjármuni fyrir þá
einstaklinga, sem þeir viti einhver deili á. Fyrir nokkr-
um árum gaf svissneskur banki, „Schweizerische Kred-
itanstall“ út bækling sem hnekkja átti orðróminum um
bankaleyndina.
Svissneskur prófessor hefur í nýútkominni bók ráðist
harkalega á bankakerfið í landi sínu, sem hann sakar
um að lifa á fjármagnsflótta frá Afríku, Suður-Amer-
íku, Spáni og Portúgal.
Hann segir að það sé ekki spurt um, hvaðan fjár-
munirnir komi, og hvort þeir lykta af blóði, olíu eða
hassi. Sviss er með því alþjóðlega bankakerfi sem þar
ríkir, góðri gjaldeyrisstöðu og bankaleynd orðið að fjár-
málastórveldi líkt og Bandaríkin, þar sem örfáar fjöl-
skyldur raka saman gífurlegum fjármunum sem að
stórum hluta koma frá vanþróuðum löndum.
En eins og segir í bæklingi Svissneska bankans, sem
getið er hér að framan, geta vafasamir aðilar og fjár-
glæframenn öðru hverju notið góðs af svissneska
bankakerfinu. Pess háttar misnotkun gæti þó aldrei
orðið til þess að bankaleyndinni yrði aflétt. Vernd ein-
staklinganna og frelsi er hornsteinninn í svissnesku
stjórnarfari segir þar. Engin frjálslynd ríkisstjórn getur
veitt fulla tryggingu og vemd gegn misnotkun. Pað
gildir þannig um bankaleyndina, að henni verður að
beita með ábyrgð og varfærni segir í bæklingi Schweise-
rische Kreditanstalt.
Pað eru sem sagt ekki allir á eitt sáttir um ágæti
svissnesku bankaleyndarinnar.
Endursagt úr „Bankstanden".
42 BANKABLAÐIÐ