Útvarpstíðindi - 16.02.1948, Qupperneq 8

56
ÚTVARPSTÍÐINDI
um. Og ef ég hef séð rétt á undan-
förnum árum, þá þykir þér undur
vænt um blóm“.
„Já, ég fékk mikið af blómum. En
megnið af þeim er farið. Allt af þeg-
ar ég fæ blóm tek ég mest af þeim
og sendi sjúklingum. Það er siður
hjá mér. Ég var sjálf sjúklingur —
og þá þótti mér undur vænt um það
ef einhver kom með blóm og setti
við rúmið mitt“.
,,Og þú ert ánægð — og bjartsýn?"
— „Ég hef alltaf verið ánægð. Ég
hef alltaf verið bjartsýn. Það var
stundum stormasamt í kringum mig
meðan maðurinn minn stóð í styrjöld
dagsins, meðan hann var pólitískur
ritstjóri og alþingismaður. Hann
barðist hart og títt enda var vegið
að úr mörgum áttum. En það get
ég sagt þér að harka stríðsins fór
aldrei inn að hjartanu, aldrei inn
fyrir dyrnar. Það er að því, sem mað-
ur verður að gæta. Svo bezt tekst
að vernda það bezta, sem í okkur
mönnunum býr. Nú er stormahlé. Ég
varð svo hamingjusöm að eignazt
góðan mann, góðan dreng, sem ég
hef lært að meta æ meir eftir því
sem árin líða. Ég hef staðið við hlið
hans í starfi hans eftir því sem mín-
ir kraftar hafa leyft. Starfsfólk út-
varpsins kemur hingað oft til mín
í heimsókn. Það var fjölmennt hérna
á afmælisdaginn minn“.
Og svo sýnir frúin mér vinargjaf-
irnar, sem eru margar og fagrar með-
al annars frá starfsfólki útvarpsins.
Ég spyr hana um uppruna hennar
og störf. En hún verst frétta.
„Ég hef verið húsmóðir. Og er það
ekki ærið starf ? Foreldrar mínir voru
Björg Björnsdóttir og Jónas Sveins-
son, Bandagerði í Eyjafirði. Ég var
um skeið starfsstúlka í Kaupfélagi
Eyfirðinga. Við Jónas minn vorum
gefin saman 17. maí 1925“.
Frú Sigurlaug fékk kveðju frá
Bjarna Ásgeirssyni landbúnaðarráð-
herra. Kveðja hans lýsir vel frú Sig-
urlaugu og er ljóðið svohljóðandi:
Þótt landsstjórnin miðli okkur mikils til
jafnt
af misjöfnum veraldargæðum,
þá fáum við menn oft svo misjafnan skamt
af mörgu sem kemur frá hæðum.
Af góðvild og kærleik og fórnarlund færð
þú forða, sem dugar svo mörgum.
En fallegast skýna þau ljós er þú ljærð
og loga á ástvina liörgum".
Útvarpstíðindi óska frú Sigur-
laugu, húsmóður Ríkisútvarpsins, til
hamingju með fimmtugs afmælið.
V. S. V.
Brunabótafélag
Islands
vátryggir allt lausafé
(nema verzlunarbirgðir).
Upplýsingar í aðalskrifstofu,
Alþýðuhúsinu (sími 4915) og
hjá umboðsmönnum, sem eru í
hverjum hreppi og kaupstað.