Morgunblaðið - 14.12.2008, Page 42

42 Umræðan
MORGUNBLAÐIÐ SUNNUDAGUR 14. DESEMBER 2008
Setjið aldrei servéttu
utan á kerti
Munið að slökkva
á kertunum
Slökkvilið
Höfuðborgarsvæðisins
Kjörið atvinnutækifæri
Hverfisverslun í mjög góðum rekstri er til sölu.
Mikill stígandi í sölu síðastliðin ár.
Er rekin í eigin húsnæði með velþekkta staðsetningu.
Gott tækifæri fyrir fjölskyldur að reka saman.
Mjög góð ímynd fylgir nafninu.
Allar upplýsingar í síma 861-3280 eða arnar@atlanta.is
d s
 

  

  










  
 
BLAÐAMENN
hafa verið á eftir
mér líkt blóðsugur í
von um krassandi
lýsingar á upplifun
minni á ofbeldi lög-
reglunnar í mótmæl-
um 8. desember í Al-
þingishúsinu. Auk
þess að vilja endilega
finna leiðtoga fyrir
einhvern hóp sem ég er álitinn til-
heyra. Svarið er einfalt, við þurf-
um enga „leiðtoga“, enga Geir
Haarde eða Davíð Oddssyni.
Samkvæmt lögum hefur lög-
reglan rétt til þess að beita valdi
svo fremi hún gangi ekki of langt.
Mótmælendur voru óvopnaðir, það
ofbeldi og niðurlæging sem þeir
voru beittir var ekki í samræmi
við það. En ég hef engan áhuga á
að tala um illa meðferð af hálfu
lögreglu, ekki nema það geti bætt
stöðu þeirra í næstu kjara-
viðræðum. Skylda þeirra er að
stoppa jafnvel þá sem berjast fyr-
ir okkar sameiginlegu réttindum.
Sögur um meiðsl lögreglu tel ég
einungis veika tilraun til þess að
rakka niður málstað mótmælenda.
Það er háðslegt að lögreglustjóri
skuli hvetja mótmælendur til þess
að kæra til ríkissaksóknara. Mað-
ur þarf að vera tíu ára og kyrktur
af lögreglu til þess að eiga von á
að fá rétti sínum framgengt.
Þegar ég kom í Alþingi 8. des-
ember síðastliðinn brá mér heldur
í brún þegar ég sá að löggjaf-
arvaldið virðist ekki treysta lög-
regluvaldinu okkar. Óbreyttir
borgarar eru þar við
störf og kallast þing-
verðir. Þeirra er að
sjá um öryggi alþing-
ismanna, en án lög-
regluvalds. Þeir minna
einna helst á möltu-
verði Vatíkansins.
Og hinn 8. desember
voru það þingverðir
sem tóku á móti fólki
með ofbeldi að fyrra
bragði, og hindruðu
þar með framgang
þeirra táknrænu mót-
mæla sem áttu að eiga sér stað.
Mega sumir útvaldir einstaklingar
lúskra á öðrum án þess að hafa
lagalega heimild til þess? Ber
ráðamönnum ekki að sýna gott
fordæmi, án spillingar, án lög-
brota?
Ég vil koma að nokkrum leið-
réttingum á fréttum mánudagsins.
Í fyrsta lagi er enginn hópur sem
kallast aðgerð-aðgerð. Það er eng-
inn leynilegur klúbbur né hópur
og því ekkert nafn. Hópurinn á
mánudaginn var ekki nema að
litlum hluta sömu einstaklingar og
á þriðjudaginn. Fjöldinn hér á
landi sem vill annað en hreina
gróðahyggju er meiri en svo að
rúmist í einum hópi fólks.
Ætli Siv Friðleifs hafi eitthvað
slæmt á samviskunni fyrst hún
faldi sig fyrir aftan þingpallana?
Þökk auknum vörnum í fílabeinst-
urninum var engin yfirlýsing lesin,
enginn boðskapur fluttur. Ólíkt
því þegar Össur hélt ræðu sína
forðum. Siv hafði ekkert að óttast
en Björn Bjarnason er líklega
ánægður að hafa fengið tækifæri
til að viðra dýra sérsveit sína og
græjur hennar.
Lögreglan vill meina að þetta
hafi verið hópur ungmenna, rétt
skriðinn af koppnum, í skemmdar-
og slagsmálaleit. Þarna var hins
vegar hópur fólks á ýmsum aldri,
fullsaddur af valdníðslu, sem tók
ábyrga og yfirvegaða ákvörðun
um pólitísk mótmæli. Handteknir
mótmælendur voru níu talsins,
(þar ber okkur ekki einu sinni
saman við lögregluna) allt frá
menntaskólanema upp í móður á
fertugsaldri, sem lifðu öll fjögurra
tíma niðurlægingu og yfirheyrslur
fyrir það eitt að hafa gengið inn á
Alþingi og neitað að ganga út fyrr
en hleypt yrði inn á þingpalla.
Níu vikur funda og skrifa hafa
sýnt að stjórnvöld eru heyrn-
arlaus, vonandi ekki blind. Þá er
lyktin ein eftir.
Fílabeinsturninn
Andri Leó Lem-
arquis skrifar um
mótmæli
» Þökk auknum vörn-
um í fílabeinsturn-
inum var engin yfirlýs-
ing lesin, enginn
boðskapur fluttur. Ólíkt
því þegar Össur hélt
ræðu sína forðum.
Andri Leó Lemarquis
Höfundur er námsmaður.
FLUGVÖLL-
URINN í höfuðborg-
inni hefur mikla þýð-
ingu fyrir okkur, sem
búum á landsbyggð-
inni. Staðsetning
vallarins í Vatnsmýr-
inni er afar þýðingarmikil vegna
nálægðar við stjórnsýslu landsins
en þó sérstaklega Landspítala –
háskólasjúkrahús. Íbúar lands-
byggðarinnar eru í miklum
tengslum við Reykjavík vegna
stjórnsýslu, þjónustu og viðskipta
á höfuðborgarsvæðinu.
Ísland er fámenn þjóð, sem nýta
þarf fjármuni sína á sem skyn-
samlegastan hátt. Sambærileg
flugþjónusta við landsbyggðina og
nú er rekin í Vatnsmýri verður
ekki byggð upp á öðrum stöðum á
landinu. Höfuðborgin hefur því
miklum skyldum að gegna gagn-
vart öllum íbúum landsins. Ná-
lægð flugvallarins í Vatnsmýrinni
við sjúkrahús er besta röksemdin
fyrir að halda honum þar áfram á
meðan Landspítalinn verður starf-
ræktur á þeim stöðum
sem hann er í dag.
Flutningi fylgdi
óöryggi
Ef finna á flugvelli
höfuðborgarinnar nýj-
an stað verður að
skoða staðsetningu
sjúkrahúsanna um
leið. Heilbrigðisþjón-
usta á landsbyggðinni
er ekki í stakk búin til
að takast á við alvarlega sjúkdóma
og bráðatilfelli. Því verður að
koma bráðasjúklingum sem ekki
er hægt að meðhöndla í heima-
byggð undir læknishendur í
Reykjavík á sem skemmstum
tíma. Flutningur innanlandsflugs
til Keflavíkur hefði því í för með
sér aukið óöryggi í heilbrigð-
ismálum fyrir íbúa á landsbyggð-
inni og óhagræði vegna lengri
ferðatíma farþega til og frá borg-
inni.
Skyldur höfuðborgarinnar
Síðan má spyrja þeirrar ein-
földu spurningar hvort borgaryf-
irvöld vilji í raun og veru leggja
niður flugstarfsemi í Reykjavík og
draga þannig úr gildi Reykjavíkur
sem höfuðborgar landsins. Vilja
borgaryfirvöld ekki tryggja öllum
landsmönnum greiðan aðgang að
þjónustu, viðskiptum og stjórn-
sýslu sem er til staðar í Reykja-
vík? Reykjavík mun ekki rísa jafn-
vel undir nafni sem höfuðborg
Íslands verði flugvöllurinn fluttur
úr borginni. Milli Hafnar og
Reykjavíkur fljúga mörg þúsund
manns á hverju ári. Höfuðborgin
hefur skyldum að gegna við þetta
fólk.
Flugvöllurinn
í höfuðborginni
Hjalti Þór Vign-
isson skrifar um
gildi Reykjavík-
urflugvallar fyrir
landsbyggðina
»Reykjavík mun ekki
rísa jafnvel undir
nafni sem höfuðborg Ís-
lands verði flugvöllurinn
fluttur úr borginni.
Höfundur er bæjarstjóri á Hornafirði.
Fréttir á SMS
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050