Árdís - 01.01.1950, Síða 17

Ársrit Bandalags lúterskra kvenna
15
speglað í himin dýrðinni. Alstaðar líkingar af landi og sjó og
yfir öllu Guðs eilífi himinn — heiður og blár. Flugvélin leið áfram
og ég hugsaði með hrærðu hjarta til ættingjanna sem ég hafði
kvatt á fósturjörðinni — og heim til Winnipeg, þar sem börnin
mín og vinir biðu mín.
Og ég þakkaði fyrir þann ríkdóm náðar sem ég hafði, með Guðs
hjálp, eignast.
SÆMDARHJÓN EIGA GULLBRÚÐKAUP
Mr. og Mrs. Th. Anderson
Á mánudaginn þann 4. september áttu þau hjónin Mr. og Mrs.
Thorður Anderson 1040 Sherburn St., hér í Winnipeg gullbrúð-
kaupsafmæli og var þess minst með virðulegri og fjölmennri mót-
töku á heimili dóttur þeirra og tengdasonar Mr. og Mrs. I. C.
Ingimundson, Brussell Apts. Þessi mætu hjón komu ung frá íslandi
og áttu heimili í Selkirk um 43 ára skeið; undanfarin sjö ár hafa
þau verið búsett í Winnipeg. Þau hafa jafnan tekið virkan þátt
í íslenzkum safnaðarmálum og hvarvetna komið fram íslenzku
mannfélagi og sjálfum sér til sæmdar.