Árdís - 01.01.1950, Blaðsíða 58

56
ÁRDÍ S
SIGRÍÐUR TERGESEN
(Fædd 26. janúar 1871 — Dáin 24. janúar 1950)
Þessi merkiskona var kölluð heim til hinna eilífu bústaða á
síðastliðnum vetri eftir umfangsmikið og fagurt dagsverk. Sætið
auða sem hún eftirskilur verður ekki auðfilt, jafnvel þó önnur
sæti kunni að vera vel skipuð.
Sextán ára að aldri kom Sigríður frá íslandi til Canada, eftir
stutta dvöl þar lá leið hennar til Bandaríkjanna þar sem hún giftist
eftirlifandi manni sínum Hans Pétri Tergesen, árið 1888. Fluttu
þau brátt til Canada. Eftir nokkra ára dvöl á ýmsum stöðum fluttu
þau til Gimli í ársbyrjun 1899. Þar dvöldu þau ávalt síðan. Þar
var hið mikla starf Sigríðar af hendi leyst, á umfangsmiklu heimili,
í starfi kvennfélags og í saínaðarstarfi í hinni lútersku kirkju sem
hún unni af óskiftum hug. Um margra ára skeið var hún í hópi
leiðtoga safnaðarins, var einnig forseti kvennfélagsins lengi og
heiðursforseti þess hin síðari ár. Margir eru einnig minnugir þess
hvernig hún rétti hlýja og gjafmilda hönd þeim sem bágt áttu.
Það gerði hún með hógværð hins yfirlætislausa kærleika.
Sigríður Tergesen er ógleymanleg þeim sem náin kynni höfðu
af henni persónulega og þeim sem með henni störfuðu að félags-
málum. Við munum hina trygglyndu, smávöxnu konu, sem ávalt
var svo glaðlynd og róleg, sem var svo undur skemtileg og
fyndin í sínum hóp. Við munum hve góð hún var vinum sínum
hve aðalaðandi og fagurt hún gerði heimili sitt. Við munum og
blessum minningu hennar á sérstakan hátt fyrir það að hún stóð
ávalt sem „klettur í hafinu“ sem öldurót hafði engin áhrif á,
þegar um félagsmál var að ræða.
Sigríður var gjæfu menneskja. Hinn ágæti eiginmaður hennar
og hún störfuðu sem einn maður að því sem til góðs leiddi fyrir
heimilið og umhverfið. Andrúmsloft heimilisins var ávalt aðlað-
andi og skemtilegt og allur heimilishringurinn var tengdur inni-
legum kærleiksböndum. Það veitti henni gleði að geta tekið inn
í heimilishringinn þrjár bróðurdætur manns hennar þegar þær,
á unga aldri, mistu móður sína. Dvöldu þær um nokkur ár á
Tergesens heimilinu, sú yngsta þeirra frá barnæsku til fullorðins
ára. Sömuleiðis taldi hún það mikla gjæfu að elsta dóttir þeirra