Morgunblaðið - 28.05.2009, Qupperneq 14

14 FréttirERLENT
MORGUNBLAÐIÐ FIMMTUDAGUR 28. MAÍ 2009
AÐ MINNSTA kosti 24 biðu bana og yfir 300
særðust þegar tilræðismenn sprengdu bíl í loft
upp við byggingu lögreglunnar í borginni Lahore í
Pakistan í gær. Pakistanskir embættismenn
sögðu að talibanar hefðu gert árásina til að hefna
sóknar stjórnarhers landsins gegn uppreisn-
armönnum í Swat-dal.
„Óvinir Pakistans, sem vilja grafa undan stjórn
landsins, koma hingað eftir ósigur sinn í Swat,“
sagði innanríkisráðherrann Rehman Malik.
„Þeir eru að reyna að valda ofsahræðslu meðal
fólksins með þessum villimannslegu árásum,“ var
haft eftir Asif Ali Zardari, forseta Pakistans.
Yfirvöld segja að stjórnarherinn hafi fellt um
1.200 talibana í Swat-dal í norðvestanverðu land-
inu síðustu vikur. Um 2,4 milljónir manna hafa
flúið heimkynni sín vegna átakanna.
Á meðal þeirra sem biðu bana í árásinni í gær
voru þrettán lögreglumenn, óbreyttir borgarar og
að minnsta kosti einn starfsmaður leyniþjónustu
hersins, ISI. Leyniþjónustan er með útibú í næsta
húsi við lögreglubygginguna sem varð fyrir
sprengjuárásinni.
Lahore er menningarhöfuðborg Pakistans og
slapp að mestu við ofbeldisverk íslamista þar til í
mars þegar talibanar gerðu tvær mannskæðar
árásir í borginni. Talið er að með árásunum séu
talibanar að senda þau skilaboð að engin borg í
Pakistan sé örugg og þeir geti gert árásir nánast
hvar sem er í landinu. bogi@mbl.is
„Reyna að valda ofsahræðslu“
 Yfirvöld í Pakistan kenna talibönum um mannskæða sprengjuárás í Lahore
 Segja að árásin hafi verið gerð til að hefna sóknar stjórnarhersins í Swat-dal
LANDSTJÓRI Kanada, Michaelle
Jean, sýndi inúítum í nyrsta hluta
landsins táknræna samstöðu í vik-
unni er hún smakkaði á hráu sels-
hjarta þegar hún tók þátt í hátíð-
arhöldum þeirra í Rankin Inlet.
Jean tók þátt í að gera að sel og
borðaði síðan bita af hráu hjartanu.
Landstjórinn er æðsti fulltrúi El-
ísabetar Bretadrottningar, þjóð-
höfðingja Kanada, í landinu en Bret-
ar eru í Evrópusambandinu.
Jean virðist með þessu hafa viljað
sýna samstöðu með veiðimönnum
frumbyggja gegn ESB sem fyrir fá-
einum vikum samþykkti að banna
innflutning á kanadískum sela-
afurðum, þó ekki afurðum inúíta.
Jean mun ekki vilja tjá sig um
málið að sögn fréttavefs BBC. „Þið
getið túlkað þetta eins og þið viljið,“
sagði hún. kjon@mbl.is
Kann sig Michaelle Jean landstjóri
er fulltrúi Bretadrottningar.
Jean stork-
ar ESB
Snæddi hrátt sels-
hjarta hjá inúítum
MÓTMÆLENDUR frá Búrma við sendiráð landsins í Bangkok í Taílandi
krefjast þess að stjórnarandstöðuleiðtoginn Aung San Suu Kyi verði látin
laus. Barack Obama Bandaríkjaforseti tók í gær undir þær kröfur.
Reuters
Suu Kyi fái frelsi
HRYÐJUVERK vinstri-öfgamanna
á borð við Baader-Meinhof-samtökin
ollu mikilli skelfingu í Vestur-Þýska-
landi á áttunda áratugnum. Oft hef-
ur verið sagt að morð lögreglumanns
á ungum manni, Benno Ohnesorg, í
Vestur-Berlín árið 1967 hafi verið
ein mikilvægasta kveikjan að
hryðjuverkunum. Nú hefur komið í
ljós að lögreglumaðurinn, Karl-
Heinz Kurras, hét réttu nafni Otto
Bohl og var útsendari kommúnista-
stjórnarinnar í Austur-Þýskalandi.
Sumir ungir róttæklingar sann-
færðust um að þeir væru í reynd að
berjast við fasistastjórn en ekki lýð-
ræðisstjórn í V-Þýskalandi þegar
fréttir bárust af morðinu á Ohne-
sorg. Hann var vopnlaus en hafði
tekið þátt í mótmælum vinstrisinna.
Öfgaskoðanir fengu í kjölfar morðs-
ins byr í seglin.
Gögn um Kurras fundust nýlega í
skjölum Stasi, a-þýsku leyniþjónust-
unnar. Ekki hafa enn fundist neinar
sannanir fyrir því að Kurras hafi
fengið skipun um að skjóta vinstri-
sinna til að sverta v-þýsk stjórnvöld í
augum stúdenta. En menn velta því
fyrir sér hvaða áhrif það hefði haft ef
strax hefði vitnast að morðinginn
væri í reynd a-þýskur kommúnisti
en ekki v-þýskur lögreglumaður.
kjon@mbl.is
Stasi á bak við
örlagaríkt morð
A-þýskur útsendari skaut Ohnesorg
Eftir Boga Þór Arason
bogi@mbl.is
RÍKISSTJÓRN Norður-Kóreu til-
kynnti í gær að hún teldi sig ekki
lengur bundna af vopnahléssam-
komulagi sem batt enda á Kóreu-
stríðið árið 1953. Stjórnin sagði
ástæðuna þá að stjórnvöld í Suður-
Kóreu ákváðu að taka þátt í öryggis-
samstarfinu PSI, sem felst í því að
aðildarríkin leita í grunsamlegum
skipum til að koma í veg fyrir út-
breiðslu gereyðingarvopna.
Litlar líkur á stríði
Stjórnin í Norður-Kóreu sagði að
þátttaka Suður-Kóreumanna í
öryggissamstarfinu jafngilti „stríðs-
yfirlýsingu“ og hótaði árásum á
Suður-Kóreu ef norðurkóresk skip
yrðu stöðvuð til að leita í þeim.
Stjórn George W. Bush, fyrrverandi
Bandaríkjaforseta, hafði forgöngu
um PSI-samstarfið sem hófst árið
2003. Um 95 lönd hafa samþykkt að
taka þátt í því.
Norðurkóreska stjórnin sagði að
þar sem hún teldi sig ekki lengur
bundna af vopnahléssamkomulaginu
ríkti nú „stríðsástand“ á Kóreu-
skaga. Fréttaskýrendur töldu þó litl-
ar líkur á allsherjarstríði milli
Kóreuríkjanna tveggja en sögðu að
hugsanlega gæti komið til átaka milli
herskipa við umdeild landhelgis-
mörk í Gulahafi eins og á árunum
1999 og 2002.
Skýrt var í gær frá vísbendingum
um að Norður-Kóreumenn hefðu
hafið á ný framleiðslu á plútoni, sem
hægt væri að nota í kjarnavopn, eftir
að hafa sprengt kjarnorkusprengju í
tilraunaskyni á mánudaginn var.
Fréttaskýrendur telja að með kjarn-
orkutilrauninni hafi sjúkur leiðtogi
Norður-Kóreu, Kim Jong-il, viljað
styrkja stöðu sína og sannfæra yf-
irstétt landsins um að fjölskylda
hans ætti að halda völdunum.
Hóta árásum
á Suður-Kóreu
Telja sig ekki bundna af vopnahléi
Reuters
Stríðsástand? Kona í her Norður-Kóreu fylgist með ferðamannabáti á
Yalu-fljóti nálægt norður-kóreskum bæ við landamærin að Kína.
Achtung!
Komið í verslanir