Morgunblaðið - 15.06.2009, Blaðsíða 6

6 FréttirINNLENT
MORGUNBLAÐIÐ MÁNUDAGUR 15. JÚNÍ 2009
Eftir Sigurð Boga Sævarsson
sbs@mbl.is
„ÞESSUM verðlaunum er ætlað að vera hvatning og
vekja athygli á því góða starfi sem unnið er í skólum
borgarinnar. Og eftir að hafa heimsótt alla skóla
borgarinnar á liðnum vetri þykist ég vita að dóm-
nefndin hafi haft úr vöndu að ráða,“ segir Kjartan
Magnússon, formaður fræðsluráðs Reykjavíkur.
Hvatningar- og nemendaverðlaun fræðsluráðs voru
afhent við hátíðlega athöfn í Ingunnarskóla í gær. Í
fyrrnefnda flokknum fengu viðurkenningu verkefni
sem kennarar vinna að á vettvangi skólanna. Má þar
nefna uppfærslu á söngleikjum, námskeið fyrir er-
lenda foreldra, jafnréttisfræðslu og Náttúruskóla
Reykjavíkur sem er ætlað að efla útikennslu í leik- og
grunnskólum og skapa vettvang umhverfisstarfs.
Nemendaverðlaunin voru nú afhent í sjöunda sinn.
Árangur og framfarir
Að þessu sinni bárust 36 tilnefningar frá 33 grunn-
skólum í borginni, það er um nemendur sem hafa
skarað fram úr. Þar getur sitthvað komið til, svo sem
góður námsárangur eða framfarir, virkni í fé-
lagsstarfi, listrænir hæfileikar, góður árangur í
íþróttum og þannig má áfram telja.
Jákvæð sýn
Davíð Phuong Xuan Nguen frá Vítetnam, nemandi í
6. bekk Foldaskóla, var einn þeirra sem fengu nem-
endaverðlaunin í gær. Hann hefur sýnt frábæran ár-
angur í íslensku og stærðfræði og skilar öllum verk-
efnum vel frá sér. Í skólanum sýnir Davíð fyllstu
kurteisi, nemendur sækjast eftir samveru við hann og
kennarar eru ánægðir með þennan ljúfa dreng. „Ég
hef eignast fjölda vina í skólanum og mér gengur vel í
náminu. Ég er sömuleiðis virkur í badminton..“
Móðir Davíðs, Anh Kim Vu, flutti hingað til lands
fyrir um tíu árum en fjölskyldan kemur frá Hanoi,
höfuðborg Víetnams. „Við höfum fest hér rætur,“ seg-
ir Anh. Dóttir hennar, Emilía, tekur í svipaðan streng
og er stolt af bróður sínum.
„Davíð hefur jákvæða sýn á alla tilveruna og það
smitar okkur. Í raun má segja að þetta séu verðlaun til
allrar fjölskyldunnar,“ segir nýbúinn Emilía sem um
næstu helgi lýkur prófi í vélaverkfræði frá HÍ.
Morgunblaðið / Sigurður Bogi
ÁNÆGÐ Davíð Phuong Xuan Nguyen ásamt systur sinni og móður, Anh Kim Vu, sem er til hægri á myndinni.
Davíð gengur vel í Foldaskóla, bæði í starfi og leik, og er skólasystkinum sínum fyrirmynd í mörgu efni.
Verðlaun fjölskyldu
 Hvatningar- og nemendaverðlaun fræðsluráðs Reykja-
víkur voru afhent í gær  Gott starf er unnið í skólunum
Á FUNDI hjá Eftirlaunasjóði
starfsmanna Íslandsbanka síðar í
þessum mánuði verður væntanlega
kynnt samkomulag um færslu á rétt-
indum þeirra sem eiga réttindi hjá
sjóðnum yfir í Almenna lífeyrissjóð-
inn, að sögn Friðberts Traustason-
ar, framkvæmdastjóri Samtaka
starfsmanna fjármálafyrirtækja.
Hann segir að á fundinum verði farið
yfir hvernig þessi fyrirfærsla kemur
út fyrir hvern og einn sjóðsfélaga.
Í janúarmánuði síðastliðnum kom
fram í frétt Morgunblaðsins, að einu
skuldbindingarnar sem færðar voru
yfir í nýja bankann við skiptingu í
gamla og Nýja Glitni (síðar Íslands-
banka), hafi verið innlán. Þetta kom
fram í svari Fjármálaeftirlitsins við
fyrirspurn Morgunblaðsins um
ástæðu þess að bakábyrgð á eft-
irlaunasjóði 100 núverandi og 500
fyrrverandi starfsmanna bankans
varð eftir í þrotabúinu. Friðbert seg-
ir að nú liggi fyrir að nýi bankinn
hafi alfarið gefið frá sér að taka
þessar ábyrgðir á sig.
„Það sem líklega mun hins vegar
standa eftir verða þeir sem eiga rétt-
indi frá Útvegsbankanum. Árið
1987, þegar bankinn var gerður að
einkabanka, var tekið fram í lögum
að ríkið myndi tryggja starfs-
mönnum áframhaldandi lífeyrisrétt-
indi samkvæmt því kerfi sem var í
bankanum. Ég tel viðbúið að það
verði látið reyna á ábyrgð ríkisins í
því sambandi og málið fari því fyrir
dómstóla. gretar@mbl.is
Morgunblaðið/Golli
Skýrar Mál eru að skýrast varðandi
Eftirlaunasjóð Íslandsbanka.
Lausn síð-
ar í mán-
uðinum
Mál að skýrast varð-
andi eftirlaunasjóð
FRAMKVÆMDASTJÓRI Heilbrigð-
iseftirlits Kjósarsvæðis telur æski-
legt að hefja hreinsun regnvatns-
lagna frá eldri hverfum Mosfells-
bæjar en þær liggja nú út í Varmá.
Fiskur drapst í ánni sl. föstudags-
kvöld vegna efna sem þannig bárust
út í ána.
Starfsmaður áhaldahúss Mosfells-
bæjar taldi um fimmtíu dauða sil-
unga í ánni, fyrir neðan ræsið sem
liggur frá Reykjahverfinu og nálæg-
um íbúðahverfum. Sérfræðingar
tóku sýni af dauðum fiski og vatni úr
ánni til rannsóknar.
Mengun hefur minnkað
Þorsteinn Narfason, fram-
kvæmdastjóri Heilbrigðiseftirlits
Kjósarsvæðis, segir að regnvatns-
lagnir eldri hverfa liggi beint út í
Varmá. Ekki átti sig allir á því hvaða
afleiðingar það geti haft ef klór eða
öðrum mengandi efnum sé hellt í
niðurföll bílskúra eða við íbúðarhús.
Það geti drepið lífríki Varmár.
Heilbrigðiseftirlitið hefur verið að
rannsaka Varmá og greina ástand
hennar. Þorsteinn segir að mengun
hafi minnkað frá 2001 og því sé það
leiðinlegt þegar svona slys gerist.
Raunar hafa áður orðið mengunar-
slys í ánni. Fyrr á þessu ári fór olía í
ána og það hefur tvisvar gerst að
heitt vatn hafi lekið í hana vegna bil-
ana. Þorsteinn telur þó allar líkur á
að lífríkið nái sér á strik en fyrri at-
vik sýni að það geti tekið upp undir
ár. Hann vekur athygli á því að
óhappið hafi gerst í miðri ánni. Efn-
in þynnist út og mengunin nái ekki
til efri hluta árinnar.
Þorsteinn hyggst fara yfir málin
með stjórnendum Mosfellsbæjar í
dag. Hann leggur til að gerð verði
áætlun um hreinsun regnvatns í
eldri hverfum bæjarins til að draga
úr líkum á mengunarslysum.
helgi@mbl.is
Regnvatn
verði hreins-
að við Varmá
Morgunblaðið/Árni Sæberg
Eftir Grétar Júníus Guðmundsson
gretar@mbl.is
SIGURJÓN Þ. Árnason, fyrrver-
andi bankastjóri Landsbankans,
fékk tvö lán hjá séreignarlífeyris-
sjóði í vörslu bankans, svonefndum
Fjárvörslureikningi 3. Um er að
ræða svonefnd kúlulán, sem eru
með einum gjalddaga í lok lánstím-
ans, eftir 20 ár. Vextir eru 3,5%.
Annað lánið er 40 milljónir króna
og hitt 30 milljónir, eða samtals 70
milljónir.
Í tilkynningu frá Landsbankan-
um í gærkvöldi sagði að bankinn
hefði vísað til Fjármálaeftirlitsins
til frekari skoðunar máli þar sem
inn á fjárvörslusafn í einkalífeyr-
issparnaði viðskiptavinar hefði ver-
ið keypt veðskuldabréf útgefið af
sama viðskiptavini. Samkvæmt
upplýsingum blaðamanns er um að
ræða Sigurjón Þ. Árnason, þó hann
sé ekki nefndur á nafn í tilkynning-
unni.
Getur ekki verið einkaeign
Sigurður G. Guðjónsson, lögmað-
ur, sem útbjó veðskuldabréfin sem
um ræðir, sagði í samtali við blaða-
mann í gær að lífeyrissjóðurinn,
sem Sigurjón fékk lánin hjá, sé
einkaeign hans og að heimilt sé að
veita lán út á slíkan sjóð samkvæmt
lögum. Sagði Sigurður að 40 millj-
óna króna lánið væri með veði í
helmingi Sigurjóns í húseign hans
og eiginkonu hans. Hitt lánið er
tryggt með veði í annarri húseign
Sigurjóns, samkvæmt veðbandsyf-
irliti frá Fasteignaskrá.
Hrafn Magnússon, framkvæmda-
stjóri Landssamtaka lífeyrissjóða,
segir að lífeyrissjóður geti ekki ver-
ið í einkaeigu. Í lögum um skyldu-
tryggingu lífeyrisréttinda og starf-
semi lífeyrissjóða frá árinu 1997 sé
fjallað ítarlega um starfsemi lífeyr-
issjóðanna í landinu. Þar komi með-
al annars fram að heitið lífeyris-
sjóður sé lögvarið, og því geti ekki
allir notað það. „Þá er ljóst að sam-
kvæmt lögunum getur einstakling-
ur ekki stofnað lífeyrissjóð.“
Hann segir það engu breyta í
þessu sambandi þó að um sé að
ræða svonefndan viðbótarlífeyris-
sparnað. Einungis ákveðnir aðilar
hafi heimild til að bjóða upp á við-
bótarlífeyrissparnað, en það séu
svonefdir vörsluaðilar lífeyris-
sparnaðar, og um það sé fjallað í líf-
eyrissjóðalögunum. Þetta séu líf-
eyrissjóðir, bankar og sparisjóðir,
verðbréfafyrirtæki og trygginga-
félög. Þessir aðilar hafi því heimild
til að stunda þá starfsemi að taka
við viðbótarlífeyrissjóðsgreiðslum
sjóðsfélaga og ávaxta þá fjármuni.
Lífeyrissjóður ekki einkaeign
Hrafn segist ekkert vilja tjá sig
um lán það, sem greint var frá í
fjölmiðlum um helgina að Sigurjón
Þ. Árnason, fyrrverandi banka-
stjóri Landsbankans, hefði fengið
úr séreignarlífeyrissjóði í vörslu
Landsbankans.
„Ég veit ekki hvernig þetta mál
er vaxið og vil því ekkert tjá mig
um það. Hins vegar er ljóst að sam-
kvæmt lögum um lífeyrissjóði getur
ekki verið um einkaeign að ræða,
sem hægt er að veita lán út á,“ seg-
ir Hrafn Magnússon.
Fékk samtals 70 milljóna lán
Samkvæmt lögum um skyldutryggingu lífeyrisréttinda og starfsemi lífeyrissjóða getur einstaklingur
ekki stofnað lífeyrissjóð, segir Hrafn Magnússon, framkvæmdastjóri Landssamtaka lífeyrissjóða
Sigurjón Þ.
Árnason
Sigurður G. Guð-
jónsson
70
milljónir til 20 ára á 3,5% vöxtum
30
milljónir hvíla á fasteign
40
milljónir hvíla á helmings
eignarhlut í annarri fasteign
0
afborganir á ári fram að
síðasta árinu