Morgunblaðið - 15.06.2009, Blaðsíða 15

nefni Einar ríka Sigurðsson, sem var
einn af forystumönnum í sjávarútvegi
og fiskiðnaði á Íslandi. Ég nefni Þor-
stein Jónsson í Laufási sem var einn
af brautryðjendum vélbátaútgerðar á
Íslandi. Nútíminn skuldar sögunni að
þessi tími og þessir menn og margir
fleiri gleymist ekki.
Ég get haldið áfram endalaust;
þróun hafnarinnar, grafskipið, sjó-
veitan, vatnið,“ segir Stefán og er
greinilega kominn á fulla ferð með að
skipuleggja allt plássið.
Eitthvað verður að vera
til um þessa snillinga
Vestmannaeyingar hafa löngum átt
góða listamenn og vill Stefán að þeir
fái sinn sess í nýja safninu. Hann
nefnir málara eins og Engilbert Gísla-
son, Guðna Hermansen, Pál Stein-
grímsson. Í tónlistinni nefnir hann
fyrst Sigurbjörn Sveinsson sem
samdi lagið Yndislega eyjan mín, og
síðan þríeykið Oddgeir Kristjánsson,
Árna úr Eyjum og Ása í Bæ. „Lög og
ljóð þessara manna lifa en það verður
eitthvað að vera til um þessa snillinga
og svo marga fleiri,“ segir Stefán.
Margar heimildarmyndir voru
gerðar um lífið í Eyjum, m.a. af þeim
Sveini Ársælssyni, Friðrik Jessyni og
Heiðari Marteinssyni. Stefán segir að
þessar myndir séu til og væri vel til
fundið að koma þeim á disk og sýna á
skjá fyrir ferðamenn.
Góðir ljósmyndarar hafa búið og
starfað í Eyjum og sér Stefán fyrir
sér að myndir þeirra verði sýndar í
safnahúsinu. Úr stórum hópi nefnir
hann Kjartan Guðmundsson, Jóhann
Þorsteinsson og Sigurgeir Jónasson.
„Ferill Sigurgeirs spannar yfir meira
en hálfa öld, á einhverjum mestu tím-
um uppbyggingar og umbrota í sögu
Vestmannaeyja. Myndir hans eru í
kringum þrjár milljónir og þar eru
einstakir gimsteinar á meðal,“ segir
Stefán.
„Við þyrftum að minnast Tyrkja-
ránsins með sérstakri sýningu. Sér-
stakt gosminjasafn yrði að sjálfsögðu
í þessum húsum, enda rann hraunið
upp að Fiskiðjunni í Heimaeyjargos-
inu. Auk gosanna sjálfra í Surtsey
1963 og Heimaey 1973 yrði flóttans og
uppbyggingarinnar minnst á myndar-
legan hátt.
Allt þarf þetta að fá sinn sess, at-
vinnulífið, náttúran, menningin og
sagan. Ég nefni að síðustu teiknarann
Sigmund, en aldarspegill hans á að
sjálfsögðu að fá rými í þessu húsnæði.
Ég tel að við þurfum að hefjast handa,
bæði vegna þess að sagan er ekki að-
gengileg og við erum að tapa tækifær-
um með hverju árinu og eins vegna
þess að við Eyjamenn þurfum að búa
okkur undir mikla fjölgun ferða-
manna,“ segir Stefán Runólfsson að
lokum.
Í HNOTSKURN
»Björgunarskipið Þór komtil Vestmannaeyja árið
1920. Félagasamtök í Eyjum
höfðu forgöngu um söfnun
fyrir skipinu.
»Ein hugmyndin er aðbjóða félögum í Eyjum,
sem hafa verið kraftmikil í
áranna rás, að koma að upp-
byggingu á tilteknum svæð-
um.
»Eyjamenn áttu lið í fyrstaÍslandsmótinu í knatt-
spyrnu árið 1912. Myndir eru
til frá ferð þeirra upp á land
af þessu tilefni.
»Stangastökkvarar frá Eyj-um voru um árabil í sér-
flokki og með Torfa Bryn-
geirsson í fararbroddi.
Þessara og fleiri íþrótta-
afreka mætti minnast á Eyja-
torgi.
»Verbúðalífið fengi sinnsess í gömlu frystihús-
unum og ein hugmyndin er
að setja upp sýninguna „Á
vertíð í Eyjum“ á svipaðan
hátt og síldarævintýrið í
Siglufirði.
Daglegt líf 15
MORGUNBLAÐIÐ MÁNUDAGUR 15. JÚNÍ 2009
Baldur Hafstað heyrði eiginmannsegja þetta við konu sína:
Olía, tóbak, öl og vín,
allt er þetta hækkandi,
einnig lánin, elskan mín,
aðeins kaupið lækkandi.
Rúnar Kristjánsson á Skagaströnd
heyrði fréttir í vikunni og orti:
Hér er margt í málum laust,
meinin hættu boða.
Hrunin gæði, horfið traust,
heimilin í voða.
Erlendis ég einnig lít
eyðast gengis rökin.
Bretar eru í brúnum skít,
Brown að missa tökin.
Vésteinn Valgarðsson orti er hann
heyrði að formaður launamálaráðs
stéttarfélags síns, Árni Stefán Jóns-
son, hefði fengið fund með Jóhönnu
Sigurðardóttur og Steingrími J. Sig-
fússyni:
Fyrir lífi ríkið rær,
rekkum mjög til ama.
Árni Stefán áheyrn fær
en ekki Dalai Lama.
Og Davíð Hjálmar Haraldsson
gerist svo ósvífinn að yrkja um inn-
anlandsmál Kína:
Æðarnar rabba á innsjó og vík
og ungfuglinn spjallar og kliðar
en tala má enginn um tvö þúsund lík
á Torgi hins himneska friðar.
VÍSNAHORNIÐ pebl@mbl.is
Af kaupi og
kreppu
Borgaryfirvöld í
San Fransiskó
hafa ákveðið að
sekta þá sem ekki
flokka úrganginn
sinn rétt. Sekt-
irnar verða frá
100 dollurum fyr-
ir heimili og smá-
fyrirtæki upp í
allt að 1.000 dollurum fyrir fjölbýlis-
hús og stærri fyrirtæki. Nú þegar
hefur tekist að forða 72% af öllum
úrgangi í borginni frá urðun, en
markmiðið er að urðun verði alfarið
hætt fyrir 2020. Íbúar verða skyld-
aðir til að hafa þrjár ruslatunnur við
hús sín. Sektarákvæðin taka þó ekki
gildi fyrr en 2011. Þangað til hafa
íbúar ráðrúm til að aðlagast hinu
nýja kerfi.
Sektað fyrir
úrganginn
Eftir Svanhildi Eiríksdóttur
Reykjanesbær | Reykjanesbær bauð
yngstu íbúum bæjarins og foreldr-
um þeirra á leiksýningu Brúðubíls-
ins, Leikið með liti, á 15 ára afmæli
bæjarfélagsins sl. fimmtudag.
Þann 11. júní 1994 samþykkti
meirihluti íbúa Keflavíkur, Njarð-
víkur og Hafna að sameina bæj-
arfélögin í eitt. Sameinað sveitarfé-
lag fékk um síðir nafnið
Reykjanesbær. Íbúar bæjarfélagsins
eru í dag um 14.000 og hefur fjölgun
íbúa undanfarin ár verið sú mesta á
landinu.
Yngstu bæjarbúarnir gerðu sér
glaðan dag með foreldrum sínum í
skrúðgarðinum við Tjarnargötu, en
þar hafði Brúðubílnum verið komið
fyrir með sýningu júnímánaðar.
Eitthvað voru brúðurnar óvissar
með litina og því varð auðvitað að
kippa í liðinn með aðstoð áhorfenda.
Reykjanesbær mun bjóða upp á
sýningu í skrúðgarðinum 17. júlí en
þá verður önnur sýning í Brúðubíln-
um, Af hverju, sem byggð er á sögu
Kiplings um fílinn með langa ran-
ann. Auk fílsins koma við sögu
Krókódíllinn, Kóló-fuglinn, Gíraff-
inn, Slangan og ýmis fleiri dýr.
Yngstu íbúunum boðið á leiksýningu
Morgunblaðið/Svanhildur Eiríksdóttir
Leiksýning Yngsu íbúar Reykjanesbæjar horfa á sýningu Brúðubílsins á fimmtán ára afmæli bæjarfélagsins.
Þingmenn Sjálfstæðisflokksins standa á næstunni fyrir opnum kynningarfundum
í samstarfi við flokksfélög. Þar verða kynntar nýjar tillögur í efnahagsmálum og
rædd önnur mál sem hafa verið ofarlega á baugi. Fundirnir eru öllum opnir og eru
allir hvattir til að mæta.
Opnir fundir Sjálfstæðisflokksins
MÁNUDAGUR 15. JÚNÍ
Seltjarnarnes kl. 20:00
Opinn fundur í félagsheimili sjálfstæðismanna Austurströnd 3.
Hafnarfjörður kl. 20:00
Opinn fundur í félagsheimili sjálfstæðismanna Norðurbakka 1a.
Reyðarfjörður kl. 20:00
Opinn fundur á Fjarðarhóteli.
Ísafjörður kl. 20:00
Opinn fundur í Rögnvaldarsal, Edinborgarhúsinu.
ÞRIÐJUDAGUR 16. JÚNÍ
Húsavík kl. 20:00
Opinn fundur á Sölku.
Búðardalur kl. 21:00
Opinn fundur í Rauðakrosshúsinu.
FIMMTUDAGUR 18. JÚNÍ
Selfoss kl. 12:00
Opinn fundur í félagsheimili sjálfstæðismanna Austurvegi 38.
Mosfellsbær kl. 20:00
Opinn fundur í félagsheimili sjálfstæðismanna við Háholt.
Garðabær kl. 20:00
Opinn fundur í félagsheimili sjálfstæðismanna Garðatorgi 7.
Borgarnes kl. 21:00
Opinn fundur á Hótel Hamri.
Fleiri opnir fundir eru fyrirhugaðir á næstunni og verða þeir kynntir síðar.
Nánari upplýsingar á www.xd.is
Þetta viljum
við gera...