Morgunblaðið - 07.07.2009, Blaðsíða 12

 



 







 




Eftir Guðna Einarsson
gudni@mbl.is
EIGENDUR jarðarinnar Selskarðs í
Garðabæ segja að ekki hafi verið gef-
ið „grænt ljós“ á Álftanesveg, þrátt
fyrir að úrskurðarnefnd skipulags- og
byggingarmála hafi nýlega hafnað
fimm kærum vegna útgáfu fram-
kvæmdaleyfis vegarins. Eigendur
Selskarðs kröfðust þess að leyfisveit-
ingin yrði ógilt því hún væri ekki í
samræmi við skipulagsreglugerð. Um
þriðjungur vegarins á að liggja um
heimaland Selskarðs, að sögn land-
eigenda, en þeir segjast ekki hafa
samþykkt vegarlagninguna.
Björn Erlendsson, einn eigenda
Selskarðs, bendir á að úrskurðar-
nefndin segi m.a. í niðurstöðu sinni að
ekki verði ráðið af ákvæðum laga að
sveitarstjórn hafi borið að staðreyna
hvort Vegagerðin hefði aflað sér til-
skilinna heimilda til umráða lands
samkvæmt vegalögum.
Gætt verði ákvæða vegalaga
Við framkvæmd verksins beri
Vegagerðinni hins vegar „að gæta
ákvæða vegalaga í þessu efni, sbr. og
lokamálsgrein gr. 9.1 í skipulags-
reglugerð nr. 400/1998.“ Í grein 9.1
segir: „Framkvæmdaleyfi veitir ekki
heimild til framkvæmda sem brjóta í
bága við skipulag, ákvæði laga og
reglugerða eða rétt annarra.“
Eigendur Selskarðs segja að fram-
kvæmdaleyfið gildi ekki í landi jarð-
arinnar fyrr en Vegagerðin hefur afl-
að sér réttar í samræmi við grein 9.1.
Björn vísaði til dóms Hæstaréttar frá
í fyrra sem ógilti eignarnám Vega-
gerðarinnar í landi Brekku í Öxar-
firði. Í dómi Hæstaréttar segir m.a.
að eignarrétturinn sé varinn af
stjórnarskránni, sem heimili aðeins
skerðingu þess réttar að almennings-
þörf krefji, og að við mat á því verði að
gæta meðalhófs.
Björn sagði eigendur Selskarðs
vilja hliðra veginum niður að fjörunni
til að spilla ekki verðmætu framtíð-
arbyggingarlandi.
Samningar eða eignarnám
Gunnar Gunnarsson aðstoðarvega-
málastjóri taldi að mál Álftanesvegar
hefði fengið sömu meðferð og önnur
hliðstæð mál hvað varðar samskipti
við landeigendur og skipulagsyfir-
völd.
Hann sagði það vera til skoðunar
hvort unnt væri að komast hjá því að
skerða land Selskarðs vegna vegar-
lagningarinnar. Ef til þess kæmi að
taka þyrfti af landi Selskarðs yrði að
sjálfsögðu leitað samninga við eigend-
ur. Ef þeir næðust ekki yrði að grípa
til eignarnáms.
Telja að leyfi til fram-
kvæmdanna sé ógilt
 Eigendur jarðarinnar Selskarðs í Garðabæ vilja að
fyrirhugaður Álftanesvegur liggi með fjörunni
 Vegagerðin er að skoða hvort unnt sé að komast hjá
því að skerða land Selskarðs vegna vegarins
Í HNOTSKURN
»Áformað er að leggja nýjan4 km langan veg frá Engi-
dal að bæjarmörkum við Álfta-
nes. Verkið hefur verið boðið
út.
»Veglínan mun breytastnokkuð frá núverandi vegi.
Á veginum verða m.a. mislæg
gatnamót við Hraunsholt.
Um þriðjungur áformaðs nýs
Álftanesvegar á að liggja um land
Selskarðs. Eigendur jarðarinnar
segja að útgáfa framkvæmda-
leyfis til vegarins hafi ekki verið í
samræmi við skipulagsreglu-
gerð. Þess vegna sé leyfið ógilt
hvað Selskarð varðar.
12 FréttirINNLENT
MORGUNBLAÐIÐ ÞRIÐJUDAGUR 7. JÚLÍ 2009
Handbók með ítarlegum upplýsingum og veiðikortum fylgir.
Fæst hjá N1, í veiðivöruverslunum og á www.veidikortid.is
31 vatnasvæði vítt og breitt um
landið fyrir aðeins 6000 krónur
Þú
ákveður
svo hva
r og
hvenær
þú
veiðir
veidikortid.is
Hver seg
ir að
það sé d
ýrt
að veiða
?
STANGVEIÐI
Eftir Kjartan Þorbjörnsson
golli@mbl.is
ATHUGULIR vegfarendur tóku
eftir stórum hópi barna og unglinga
á bökkum Elliðaánna síðastliðið
sunnudagskvöld. Þau voru ekki öll
með færi úti í á sama tíma, sum nutu
þess að vaða um í vöðlum og stíg-
vélum, önnur léku sér á bakkanum á
meðan enn önnur stóðu einbeitt,
renndu maðki eða köstuðu flugu.
Hjalti Þór Björnsson, formaður
fræðslunefndar Stangaveiðifélags
Reykjavíkur (SVFR), sagði þetta ár-
lega hefð að félagið byði yngstu fé-
lögum sínum til veiða í ánni.
16 krakkar með 14 laxa
„Þetta er fyrsta sinn í sumar. Þau
voru 16 saman að veiða og fengu 14
laxa. Af því voru 7 maríulaxar.“
Aðspurður sagði hann krakkana
bæði hafa fengið laxa á maðk og
flugu. Laxar hafi fengist á flug-
veiðisvæðunum s.s. í Hrauni og líka
Höfuðhyl, sem er efsti staður árinn-
ar. „Þetta var fyrsti fiskur sumars-
ins þar. Greinilegt að menn voru lítið
búnir að reyna þar. Krakkarnir
brunuðu þangað upp eftir og í öðru
kasti var hann á. Greinilega ekki
mikið búið að hvekkja þá þar.“
Hjalti sagði þetta framtak mjög
vinælt, um 80 krakkar hefðu skráð
sig í sumar. „Við komum öllum að,
við fáum þá bara fleiri daga,“ sagði
hann en hópurinn í ár dreifist á fjóra
veiðidaga. Þau séu tvö og tvö á stöng
og skiptist á, fái ekki að veiða stans-
laust í sex tíma. Þannig læri þau líka
að taka tillit til annarra veiðimanna.
„Þegar einhver er kominn með lax
er hann eiginlega dottinn út. Þá ein-
beitum við okkur að því að hjálpa
þeim næsta,“ sagði Hjalti. Hátt á
fjórða hundrað börn og unglingar
eru félagsmenn í SVFR.
„Við komum öllum að, við
fáum þá bara fleiri daga“
Morgunblaðið/Golli
Fögnuður Sigurður Brynjar Guðlaugsson var sæll með laxinn. Elmar Ingi, bróðir hans, fékk maríulaxinn sinn rétt áður.
 Börn og ung-
lingar veiddu
vel í Elliðaánum
 Sjö maríulaxar
Pétur Maack, veiðimaður og
sumarbústaðaeigandi við Þing-
vallavatn, var ánægður með
ástandið í vatninu þegar blaða-
maður heyrði í honum í gær.
Hann sagði að vatnshæð hafa
verið óvenjustöðuga það sem af
væri sumri og veiðina með
betra móti. „Ég talaði við tvo
menn í gærkvöldi, annar búinn
að veiða hér í 30 til 40 ár. Hann
sagðist varla muna eftir jafn
góðri og mikilli veiði.“
Pétur segir óvenjumikið af
vænum fiski. „Ég fór út í
klukkutíma í gær og tók þrjá
fiska. Þann stærsta þrjú pund.
Hinir voru í kringum tvö pund-
in.“ Pétur segir mikla flugu í
loftinu og hann hafi mest beitt
svörtum og dökkum flugum upp
á síðkastið. Svartir og dökkir
kúluhausar með litlu gliti. „Ég
fékk þessar þrjár á Black-gnat
votflugu númer 10. Ég var búinn
að prófa 7-8 flugur áður en ég
kom að henni.“
Bleikjan í lögum
Veiðimenn sem voru á Arn-
arvatnsheiði um helgina komu
heim sólbrunnir og skælbros-
andi. Þeir sögðu mikinn fisk í
Skammá, bleikjan væri þar í
mörgum lögum. Einnig fengu
þeir mikið af flottum urriða í
Austurá, allt að sex pundum.
Allt tóku þeir á litlar púpur.
Svarta kúluhausa og litla blóð-
orma.
Muna varla eftir
jafn góðri veiði