Morgunblaðið - 07.07.2009, Blaðsíða 29

MORGUNBLAÐIÐ ÞRIÐJUDAGUR 7. JÚLÍ 2009
 Friðrik Þór Friðriksson er nú
staddur í Xiamen í Kína ásamt leik-
stjóranum Lars von Trier. Þeir
munu vera þar staddir til að „mála
lífið“ að sögn Friðriks. Leikstjór-
arnir eru þar í boði Sigurðar Guð-
mundssonar að undirbúa málverka-
sýningu sem verður opnuð á Íslandi
3. september. Friðrik hefur málað
frá unglingsaldri en minna gert af
því að sýna opinberlega.
Í myndlistarbúðum í
Kína ásamt von Trier
Fólk
Eftir Arnar Eggert Thoroddsen
arnart@mbl.is
EGILL nokkur Geirsson hefur um
nokkra hríð verið einn af máttar-
stólpum íslensku öfgarokkssen-
unnar og hefur léð sveitum eins og
Changer, Dormah og Munnriði djöf-
ullega en þó engilfagra rödd sína. Sú
síðastnefnda, sem heitir eftir vætti
sem var sagður leggjast á munn sof-
andi manna, er þekkt af endemum
innan öfgarokkssenunnar, og hefur
byrjað og hætt oftar en tölu verður á
komið. Hún er hins vegar í miklu
stuði nú um stundir og hefur nú gef-
ið út spánýja fimm laga stuttskífu
sem hægt er nálgast á myspace-setri
sveitarinnar. Tónlistin er gríðar-
hressandi bylmingsrokk en mesta
athygli vekur þó titill plötunnar sem
og umslag. Greinilegt að töfrar Ás-
dísar Ránar láta engan ósnortinn, og
gildir einu hvort bísperrtir hnakkar
eiga í hlut eða eldspúandi djöfla-
rokkarar.
Munnriðandi Ásdís Rán
Fríða og Dýrið Umslag plötunnar.
 Íslenska útgáfufyrirtækið Bed-
room Community heldur upp á að
eitt ár er liðið frá því að mánaðar-
legir tónleikar útgáfunnar og uppá-
komur hófust á Kaffibarnum. Allir
listamenn útgáfunnar munu koma
fram á tónleikunum á Kaffibarnum
og leika efni af plötum sínum auk
þess að gefa hlustendum forsmekk-
inn af því sem koma skal á væntan-
legum plötum. Má þar nefna Nico
Muhly sem er nýlentur, en hann er
nú í óða önn að skrifa óperu sem
verður frumflutt í Metropolitan á
næsta ári, Sam Amidon, Ben Frost,
Valgeir Sigurðsson, Daníel
Bjarnason og Hildi Ingveldardóttur
Guðnadóttur.
Bedroom Community
fagnar afmæli
Eftir Arnar Eggert Thoroddsen
arnart@mbl.is
ÞAÐ var síðla dags í gær sem hið
unga tónskáld, Ólafur Arnalds, gekk
frá samningum við McGregor. Fund-
ur þeirra átti sér stað í Lundúnum,
nánar tiltekið í Covent Garden, þar
sem Konunglegi breski ballettinn er
til húsa, en dansflokkurinn er einn sá
þekktasti og virtasti í heiminum
Fylgdist með Ólafi í meira en ár
McGregor þessi er mikill krafta-
verkamaður í heimi dansins og þykir
mikill brautryðjandi og byltingar-
maður. Verk hans eru marglaga og
útpæld og er unnið á sviði þekking-
arfræði, arkitektúrs og vísinda m.a.
og miðlar eins og kvikmyndir, tónlist
og tölvutækni nýttir. McGregor hef-
ur unnið með raftónlistarmönnum
eins og Scanner og Plaid, rokk-
sveitum eins og White Stripes, nú-
tímatónskáldum eins og John Tave-
ner og hefur samið fyrir Harry
Potter-myndir og unnið með hjarta-
skurðlæknum. Verkalistinn er lang-
ur og verðlaunalistinn sömuleiðis.
Ólafur mun semja tónlist fyrir nýj-
asta verk McGregors, Dyad 1909, og
jafnframt flytja hana í uppsetning-
unni á því. Verkið er samið fyrir Sad-
ler’s Wells-leikhúsið og verður frum-
sýnt þar 13. október. Sýnt verður sex
kvöld í röð í 2.000 manna sal en svo
verður farið með það í ferðalag um
heiminn.
„McGregor hefur verið í uppáhaldi
hjá mér mjög lengi,“ segir Ólafur í
símanum frá London. „Verkið hans,
Infra (2008), er eitt fallegasta lista-
verk sem ég hef séð. Þar sá Max
Richter (sem vinnur á svipuðu sviði
og Ólafur) um tónlistina. Ég vissi
ekki að hann er víst búinn að hafa
mig í huga í meira en ár. Hann pikk-
aði upp dreifimiða fyrir Barbican-
tónleikana mína í fyrra og fór að
kynna sér málið.“
En mun þetta setja strik í sóló-
reikning Ólafs? „ Nei, ég myndi segja
að þetta hjálpaði honum frekar,“ seg-
ir Ólafur og furðar sig nánast á
spurningunni.
„Ég býst þó við að við hinkrum að-
eins með að semja um útgáfurétt á
næstu plötu þar til þessi lota er búin.
Persónulega vil ég helst komast á
klassískt merki eins og Decca eða
EMI Classics, merki sem kunna
samt líka á poppið.“
Ólafur hefur lýst því yfir að mark-
mið hans sé að leiða saman áheyr-
endur úr tveimur heimum tónlistar-
innar og þetta er hiklaust gott tól í
þeirri baráttu en Ólafur er þegar orð-
in sæmilegasta stærð á meðal jað-
arvænna rokkara.
„Þúsundir manna munu sjá verkið
um allan heim og það hjálpar mér við
að koma tónlist minni í sem flest
horn. Verkið verður þá líka gefið út á
mynddiski og ég er að vonast til að
geta komið sjálfri tónlistinni út á
plötu.“
Þess má geta að lokum að þetta
nýjasta verk McGregors verður í
öndvegi í lokaþætti menningarþátt-
arins The South Bank Show, og mun
Ólafur koma þar nokkuð við sögu.
Fljúgðu hærra, hærra...
 Ólafur Arnalds semur fyrir einn umtalaðasta danshöfund heims, Wayne
McGregor  McGregor er aðaldanshöfundur Konunglega breska ballettsins
MorgunblaðiðValdís Thor
Brattur „Þúsundir manna munu sjá verkið um allan heim og það hjálpar
mér við að koma tónlist minni í sem flest horn,“ segir Ólafur Arnalds.
Eftir Birgi Örn Steinarsson
biggi@mbl.is
ÞAÐ var fyrir um tíu árum sem Sig-
ríður Nielsdóttir sprakk út sem tón-
listarkona. Þá var hún um sjötugt.
Síðan þá hefur verið fjallað um hana
í fjölmiðlum víðs vegar um heim, hún
átti lög í tveimur af vinsælli íslensku
kvikmyndum síðari ára (Nói Albinói
og Voksne Mennesker) auk þess
sem hún hefur haldið þrjár mynd-
listarsýningar í 12 tónum. Sú fjórða
var svo opnuð í síðustu viku og einn-
ig er útlit fyrir að Sigríður verði með
lag í þriðju mynd Dags Kára, The
Good Heart.
Það er því kannski ekki undarlegt
að Sigríður veki áhuga yngri lista-
manna hér á landi, sérstaklega í ljósi
þess að hún er algjörlega ómenntuð í
sinni listsköpun og gerir hlutina ein-
ungis eftir eigin höfði.
Þau Kristín Björk Kristjánsdóttir
(einnig þekkt sem Kira Kira) og Orri
Jónsson úr hljómsveitinni Slowblow
vinna nú að heimildarmynd um ævi
Sigríðar.
„Mér finnst það voða gaman en ég
er svolítið undrandi því mér finnst
ég nú ekki vera mikils virði,“ segir
Sigríður og hlær. „En þeim finnst
það. Ég hef bara alltaf verið að leika
mér. Ég varð að gera eitthvað til
þess að lifa, enda fráskilin fyrir
löngu. Það að skapa fleytti mér
áfram meðfram því að skúra. Það er
meira gaman að lifa ef maður hefur
gaman af vinnunni sinni.“
Sigríður segir svolítið síðan tökur
hófust en það var á meðan hún bjó
enn í Reykjavík. Listakonan er nú
flutt til Reyðarfjarðar og eyðir frí-
tíma sínum meira í myndlistina
þessa dagana en tónlistina.
„Ég hef ekki verið að semja ný lög
vegna þess að ég gaf barnabarna-
barninu mínu hljómborðið mitt. En
mig langar mikið til þess að kaupa
mér bíó-orgel það er svo góður
hljómur í því.“
Myndlistarsýning Sigríðar í 12
tónum stendur fram í byrjun sept-
ember.
Heimildarmynd í vinnslu
um Sigríði Nielsdóttur
Morgunblaðið/Sverrir
Sigríður Níelsdóttir Skemmtilegra að lifa ef vinnan er skemmtileg.
Kira Kira og Orri úr Slowblow kynna sér ævi listakonunnar
HANN fæddist 1970 og í gegn-
um danshóp sinn, Random
Dance Company, hefur hann
komist í fremstu röð þeirrar
kynslóðar dansara sem brjóta
upp dansformið með því að slá
því saman við alls kyns list-
miðla aðra. Dæmi héðan væri
Erna Ómarsdóttir og sýningin
Húmanímal. Hann er margverð-
launaður og árið 2006 var hann
skipaður aðaldanshöfundur
Konunglega breska ballettsins,
fyrstur nútímadansara og þótti
sú ráðning umdeild.
Wayne McGregor
568 8000 – borgarleikhus.is – midasala@borgarleikhus.is
Söngvaseiður (Stóra sviðið)
Sannleikurinn (Litla sviðið)
Brjálæðislega fyndin, Við borgum ekki!
Við borgum ekki (Nýja sviðið)
Uppsetning Nýja Íslands.
Munið afslátt fyrir viðskiptavini Vodafone!
Lau 11/7 kl. 19:00 Ö
Fim 9/7 kl. 20:00
Sun 4/9 kl. 19:00 U
Sun 5/9 kl. 19:00 Ö
Sun 6/9 kl. 19:00 Ö
Mið 9/9 kl. 19:00 U
Fim 10/9 kl. 19:00 Ö
Fös 11/9 kl. 19:00
Fös 18/9 kl. 19:00 Ö
Lau 19/9 kl. 19:00 U
Sun 20/9 kl. 14:00 Ö
Lau 26/9 kl. 14:00 Ö
Söngvaseiður. Sala hafin á sýningar í haust.