Morgunblaðið - 05.11.2009, Blaðsíða 8

8 FréttirINNLENT
MORGUNBLAÐIÐ FIMMTUDAGUR 5. NÓVEMBER 2009
Eftir Ómar Friðriksson
omfr@mbl.is
„GLEÐIDAGUR,“ sagði Stein-
grímur J. Sigfússon fjármálaráð-
herra að lokinni undirritun vilja-
yfirlýsingar um þátttöku lífeyris-
sjóða í fjármögnun og undirbúningi
að byggingu nýs Landspítala í gær.
Fleiri ráðherrar tóku í sama
streng. Jóhanna Sigurðardóttir for-
sætisráðherra sagði yfirlýsinguna
marka nýtt upphaf að því mikla
verki sem framundan er og Álfheið-
ur Ingadóttir heilbrigðisráðherra
fagnaði því að lífeyrissjóðirnir, sem
standa að viljayfirlýsingunni, kæmu
alls staðar að af landinu, enda væri
sjúkrahúsið fyrir alla landsmenn.
Fulltrúar 20 lífeyrissjóða undir-
rituðu yfirlýsinguna auk heilbrigð-
isráðherra. Hún felur þó ekki í sér
að niðurstaða liggi enn fyrir um
hvort lífeyrissjóðir fjármagna verk-
efnið. Aðkoma þeirra er háð því að
þeir telji arðsemi og áhættu þess
viðunandi.
Arnar Sigurmundsson, formaður
Landssamtaka lífeyrissjóða, benti á
í ávarpi sínu að viljayfirlýsingin
væri undirrituð án skuldbindinga
en hann lagði áherslu á að lífeyr-
issjóðirnir hefðu ríkan vilja til að
veita þessu verkefni brautargengi.
Rætt er um að stofnað verði fast-
eignafélag, hugsanlega fleiri en eitt.
Bjóða þarf framkvæmdirnar út á
Evrópska efnahagssvæðinu. Lífeyr-
issjóðirnir munu væntanlega gera
samning við fasteignafélag um fjár-
mögnun og félaginu verði síðan
tryggt fjárstreymi frá ríkinu, sem
yrði verkkaupandinn, með samningi
sem ráðuneyti gerir við fasteigna-
félagið. Landspítalinn eignast svo
byggingarnar að loknum 40 ára
leigutíma.
Er ráð fyrir því gert að fjár-
mögnuninni verði skipt í þrennt,
hönnun og undirbúning, fjár-
mögnun á framkvæmdatíma og
loks langtímafjármögnun.
Nú er að því stefnt að fram-
kvæmdir hefjist á síðari hluta árs-
ins 2011 og standi fram á árið 2016.
Framkvæmdirnar munu þá standa
sem hæst á árunum 2013-2015.
Heildarkostnaður við nýbygg-
inguna sjálfa er áætlaður um 33
milljarðar króna en þar við bætist
áætlaður kosnaður við ýmsan bún-
að spítalans sem yrði sjö milljarðar
og kostnaður við endurbyggingu
eldra húsnæðis er áætlaður 11
milljarðar.
Ráðgert er að nýbyggingin verði
66 þúsund fermetrar í þremur
meginhlutum; bráðakjarna með
bráðamóttöku, myndgreiningu,
gjörgæslu og skurðstofum; legu-
deildum með 180 rúmum sem öll
verða í einbýli og loks sjúklinga-
hótel með 80 herbergjum. Vinnu-
aflsþörfin á framkvæmdatímanum
er áætluð 2.644 ársverk.
Morgunblaðið/Golli
Staðfest Álfheiður Ingadóttir heilbrigðisráðherra og Arnar Sigurmundsson, formaður LL, undirrita yfirlýsinguna.
Vilja leggja til fé
 Yfirlýsing 20 lífeyrissjóða og ríkisins um nýjan Landspítala
 Alls 51 milljarðs kostnaður  Framkvæmdir í gang 2011
Eftir Ágúst Inga Jónsson
aij@mbl.is
TILLAGA um að gerð verði tilraun
til að útrýma alaskalúpínu, skóg-
arkerfli, spánarkerfli og bjarnarkló
úr landi Stykkishólmsbæjar er til
meðferðar hjá bæjaryfirvöldum.
Tillagan er sett fram í skýrslu Nátt-
úrustofu Vesturlands um ágengar
plöntur í Stykkishólmi. Skýrslan
var unnin að frumkvæði Stykk-
ishólmsbæjar en varð að samvinnu-
verkefni bæjarins og Náttúrustof-
unnar.
Erla Friðriksdóttir, bæjarstjóri í
Stykkishólmi, segir að tillögunni
hafi verið vísað til umsagnar um-
hverfisnefndar bæjarins. Síðan sé
næsta skref að gera kostnaðar-
áætlun við útrýmingu plantnanna.
„Áður en við getum tekið ákvörðun
um hvað gert verður er nauðsyn-
legt að kostnaðarmeta verkefnið,
en einnig atvinnusköpun sem því
fylgir,“ segir Erla.
Hún segir að umhverfisvitund sé
mikil í Stykkishólmi og auk þess sé
samfélagið á Snæfellsnesi „green-
globe-vottað“. Upphaf þessarar um-
ræðu megi rekja til þess að fulltrú-
ar íbúa hafi komið á fund bæjaryf-
irvalda og óskað eftir leyfi til að slá
lúpínu nálægt heimilum sínum.
„Þar eru aðstæður þannig að lóð-
ir liggja upp við holt og þar var lúp-
ínan að yfirgnæfa íslenskan góður
eins og lágvaxnar plöntur og berja-
lyng. Við vildum meta verkefnið í
heild í öllu Stykkishólmslandi og í
framhaldi var þessi úttekt gerð af
Náttúrustofunni,“ segir Erla.
Geta ógnað líffræðilegum
fjölbreytileika
Í samantekt skýrslunnar kemur
fram að plönturnar geta ógnað líf-
fræðilegum fjölbreytileika svæð-
isins. Alaskalúpína fannst t.d. á 148
aðskildum stöðum í landi Stykkis-
hólms og var flatarmál lúpínu-
breiðna áætlað um 106 þúsund fer-
metrar. Land bæjarins er tæplega
10 ferkílómetrar. Skógarkerfill var
skráður á 37 stöðum og var flat-
armál skógararkerfilsbreiðna 1.455
fermetrar. Útbreiðsla hinna plantn-
anna var minni. Lagt er til að plönt-
unum verði útrýmt með markviss-
um aðgerðum. Til að takmarka eða
útrýma lúpínu segir í skýrslunni að
best sé að slá hana á réttum tíma. Ef
lúpínan sé slegin eftir að hafa náð
góðum vexti, en áður en hún mynd-
ar fræ, þ.e. frá 20. júní til miðs júlí,
séu góðar líkur á að plantan drepist
við slátt. Sláttur verði að halda
áfram í einhver ár þar til fræforði í
jarðvegi er uppurinn.
Í skýrslunni kemur fram að Ís-
land er þátttakandi í fjölmörgum al-
þjóðlegum samningum og samstarfi
um verndun líffræðilegrar fjöl-
breytni. Á þann hátt hafi Ísland
skuldbundið sig til að varðveita þær
tegundir og stofna sem hér er að
finna og til að grípa til aðgerða ef
ógnir steðja að íslenskum vistkerf-
um og tegundafjölbreytni.
Vilja útrýma lúpínu
og kerfli úr landi
Stykkishólmsbæjar
Lúpínubreiður á 106 þúsund fermetrum
Ljósmynd/NSV
Tekur völdin Lúpína við klettabelti
norðvestan við Silfurgötu.
MYNDAKVÖLD verður haldið í
Álfagerði í Vogum í kvöld. Þar mun
Sesselja G. Guðmundsdóttir kynna
afrakstur verkefnis síns, sem var að
fá lánaðar gamlar ljósmyndir frá
íbúum, skrá þær og skanna í tölvu og
gera þær aðgengilegar á vef sveitar-
félagsins. Um þessar mundir er
þannig stigið markvisst skref í söfn-
un og ritun sögu sveitarfélagsins
Voga. Myndakvöldið hefst kl. 20.
Markvisst skref
að ritun sögu Voga
Er Tryggvason
Þau leiðu mistök urðu í Morg-
unblaðinu á þriðjudag er greint var
frá að Karl Tryggvason hefði verið
fyrstur Íslendinga til að fá Jahres-
verðlaunin, að Karl var rangfeðraður.
Röng undirskrift
Þau mistök áttu sér stað í Morg-
unblaðinu í gær að röng undirskrift
var sett undir minningargrein um
Lollý, Ólafíu Ásbjarnardóttur. Undir
greininni stóð „Gunnlaugur, Óli,
Kristófer og fjölskyldur“, en réttur
höfundur greinarinnar var Guðrún
Jóhanna Stefánsdóttir.
Gengið frá Keflavík
Keflavíkurgöngurnar sem Samtök
hernámsandstæðinga efndu til á ár-
unum 1960 til 1991 voru frá Keflavík
til Reykjavíkur, ekki í hina áttina
eins og ranglega var sagt í frétt um
nýju Keflavíkurgönguna í blaðinu í
gær.
LEIÐRÉTT