Vilji - 01.12.1928, Blaðsíða 6

154
VILJI
Trúníðinga versti vandi
virtist úti þá um sinn,
sigrað höfðu á Suðurlandi
silfurháran biskupinn.
Þótt í norðri ern og ítur
aldurhnígin hetja stæði
bagal með og biskupsmitur,
boðaði gömul trúarfræði,
örugt virtist veldi Dana
vildi hann rísa því í mót,
hlyti hann brautir feigðar flana,
fyrst að líka í þokkabót
allir syðra undan merki
aldins biskups hefðu flúið,
myndi hann hopa og hætta verki
halda í klaustur við svo búið.
Biskup vildi ef forðað fengi
fjendur skyldu ei vinna grand,
hjet á guð og góða drengi
að geyma og verja þetta land.
„Frjálsum mönnum finst ei sæma
„fræknum lýð, á vorum þingum
„skuli allir Danir dæma
,dóma og skipa íslendingum.
„Fram til verka, fram til dáða,
„frelsið verjið, sýnið betur
„að sjálfir viljum siðum ráða,
„svift oss viti enginn getur.
„Vitji Danir Þjóðarþinga
„þeir munu fá að heyra og skilja,
„Island fyrir íslendinga
„eina, synir landsins vilja.