Organistablaðið - 01.04.1991, Side 24
Hátíðarmessu í A dúr eftir C. Franck. 1. sunnudag í aðventu flutti
kammerkór úr kirkjukórnum mótettuna “Hosianna dem Sohne David’’
eftir G. Ph. Telemann. Árlegt aðventukvöld var haldið 2. sunnudag í
aðventu. Þar sungu allir þrír kórar Akraneskirkju bæði hver fyrir sig og
allir saman, einnig fluttu nokkur væntanleg fermingarbörn helgileik
með aðstoð barnakórsins og félaga úr fermingabarnakórnum. Við
guðsþjónustu kl. 14.00 þann 16. desember söng Unnur Arnardóttir
alt, 6 aðventusálma í nýjum og gömlum þýðingum og í upprunalegri
gerð og lék organistinn orgelforleiki eftir J.S. Bach yfir sömu lög, einnig
var almennur söngur. Kl. 20.30 voru síðan árlegir aðventutónleikar
Kirkjukórs Akraness. Kórinn flutti aðventulög frá ýmsum löndum, ásamt
“Litlu orgelmessunni” eftir J. Haydn, þá söng kammerkór mótettu eftir
G.P. Telemann, einsöngvarar á þessum tónleikum voru Guðrún
Ellertsdóttir sópran og Helga Margrét Aðalsteinsdóttir messósópran,
hljóðfæraleikarar voru: Wilma Young og Vera Steinsen, sem léku á
fiðlur, Páll Einarsson á kontrabassa, Siguróli Geirsson fagottleikari ,
Timothy Knappett og Fríða Lárusdóttir, sem léku á píanó. 10. febrúar
flutti kórinn mótettu eftir G. Palestrina o.fl. við guðsþjónustu. Þá er
kórinn að hefja æfingar á messu eftir W.A. Mozart, sem flutt verður með
vorinu, ýmislegt fleira er á döfinni við Akraneskirkju. Söngstjóri og
organisti Akraneskirkju er Jón Ólafur Sigurðsson.
Sunnudaginn 16. desember kl. 17.00 var í Safnaðarheimilinu
Vinaminni á Akranesi samsöngur þriggja barnakóra: Barnakórs
Akraneskirkju, söngstjórar Jón Ól. Sigurðsson og Guðrún Ellertsdóttir,
Skólakórs Akraness, söngstjórar Ragnheiður Ólafsdóttir og Flosi
Einarsson, Kórs Andakílsskóla, söngstjóri Hannes Baldursson. Einnig
lék Blásarakvintett Tónlistarskólans á Akranesi undir stjórn Andrésar
Helgasonar. Tónleikar þessir voru til styrktar söfnunar Hjálparstofnunar
kirkjunnar.
Borgarnes: í desember var aðventukvöld í umsjá kirkjukórsins. 10.
mars kl. 21.00 voru tónleikar í Borgarneskirkju. Þar flytur kór kirkjunnar
m.a. Faðir vor eftir Albert H. Malotte, Friðarins Guð eftir Árna
Thorsteinsson, Sanctus úr Þýskri messu eftir Fr. Schubert og Ave
verum corpus eftir W.A. Mozart. Á þessum tónleikum syngur einnig
Kveldúlfskórinn í Borgarnesi og flytur hann ásamt hljóðfæraleikurum
og einsöngvurunum Theodóru Þorsteinsdóttur og Ingþóri Friðrikssyni
„Requiem” op. 48 eftir G. Fauré. Söngstjóri Kveldúlfskórsins er Ingi-
24 ORGANISTABLAÐIÐ