Organistablaðið - 01.03.1995, Blaðsíða 30
Víkingur beitti sér íyrir samskotum til kaupa á vönduðu pípuorgeli frá Þýskalandi og var
það sett upp í kirkjunni 1958. Víkingur Iést árið 1985. Vegna veikinda Víkings síðustu
árin, brúaði frú Sigríður Kolbeins bilið þar til Jóhanna Guðmundsdóttir var ráðin
söngstjóri og organisti árið 1982.
Arið 1985 tóku söngstjórar kirkjukóranna á norðanverðu Snæfellsnesi sig saman og æfðu
undir samsöng sem kórarnir héldu svo á viðkomandi stöðum. Þetta samstarf leiddi af sér
frekari æfingar sem náði hámarki með söngferðalagi til ísrael um jól og áramót 1986. Var
þá sungið ásamt fleiri kórum frá ýmsum löndum í Betlehem á jólanótt og í Jerúsalem.
Þetta ferðalag tók 16 daga og voru söngmenn 50 og makar að auki. Um áramótin var
korinn í Kairo í Egyptalandi og fór svo til Rómaborgar og söng fyrir hans heilagleika
páfann.
Kórinn söng undir nafninu Jöklakórinn. Þessi kór hefur æft undanfarin ár og vorið 1992
var farið í söngferðalag og sungið í Selfosskirkju og Áskirkju í Reykjavík.
Árið 1988 tók Ronald Turner við kirkjukórnum í Stykkishólmi. Ronald var áður
söngstjóri og organisti við Grundarfjarðarkirkju. Hann æfði kórinn fyrir vígslu nýju
kirkjunnar og var organisti og söngstjóri til 1990. Þá fluttist hann til Reykjavíkur og er
nú söngstjóri Laugarneskirkju.
Enginn fastráðinn söngstjóri er nú við kórinn. Eftir að Ronald fór hefur Jóhanna
Guðmundsdóttir verið organisti og söngstjóri og vinnur það starf af alúð og smekkvísi
eins og bæjarbúar og söngfélagar þekkja.
Núverandi STJÓRN SKIPA:
Sigrún Kristjánsdóttir, formaður
Erla Lárusdóttir, gjaldkeri
Dagbjört Hrafnkelsdóttir, ritari.
(Ur bœklingi rituðum í maí 1993)
30 ORGANISTABLAÐIÐ