Organistablaðið - 01.05.2000, Blaðsíða 10

organisiablaðið
Organistatal
/
Itilefni af 50 ára afmæli Félags íslenskra hljóm-
listarmanna (FÍH) ákvað félagið að efna til
útgáfu tónlistarmannatals á íslandi. Er hér um
gríðarlega umfangsmikið verk að ræða, alls 5
bindi og yrði eitt tileinkað organistum.
Upprunalegar áætlanir gera ráð fyrir að það bindi
komi út haustið 2000.
Útgáfunefnd tónlistarmannatalsins kom að
máli við stjórn FÍO og óskaði eftir samstarfi við
að taka saman skrá um alla þá sem starfað hafa
að kirkjutónlistarmálum hér á landi frá því um
aldamótin 1900. Voru skipaðir tveir organistar til
að sitja í ritnefnd organistatalsins, þeir Jón
Ólafur Sigurðsson og Jóhann Baldvinsson, en
þeir, ásamt Kjartani Óskarssyni frá FÍH og
Þorsteinn Jónssyni frá útgáfufólaginu Byggðir og
Bú mynda ritnefnd organistatalsins.
Nefndin hefur haldið nokkra fundi m.a. með
biskupi íslands, herra Karli Sigurbjörnssyni, og
er undirbúningur komin á nokkurt skrið.
Organistatalið verður þannig sett upp að fjallað
verður um hverja sókn og kirkju á landinu, farið
verður réttsælis um landið. Sfðan taldir upp þeir
organistar/tónlistarmenn sem starfað hafa í
viðkomandi sókn eða kirkju. Æviágrip hvers
organista/tónlistarmanns verður á einum stað,
þ.e. þar sem viðkomandi starfaði síðast en þeirra
getið við þær kirkjur sem þeir hafa áður starfað við.
Organistar mega eiga von á að fá sendann til
sín spurningalista íyrr en seinna þar sem þeir eru
beðnir um að svara ýmsum spurningum um nám
sitt og störf. Það er mjög mikilvægt að organistar
bregðist bæði skjótt og vel við þegar þessi
spurningalisti kemur svo útgáfan tefjist ekki.
J.B.
Sumarkvöld við orgelið í Hallgrímskirkju /
Hádegistónleikar á fimmtudögum.
Eins og verið hefur um árabil mun leitað til félaga í F.f.O. um að koma fram á tónleikum í
hádeginu á fimmtudögum í júlí og ágúst á komandi sumri.
Sú nýbreytni verður tekin upp, að ekki verður um að ræða hreina einleikstónleika, heldur er þess
óskað að með viðkomandi organista komi fram einhver snjall hljóðfæraleikari eða söngvari. Fyrir
þetta verður greitt, kr 20.000 á hvorn þeirra sem fram koma.
Skal hér með skorað á organista að nýta sér þetta tækifæri og skulu þeir hið fyrsta hafa samband
við undirritaðan, og taka fram hverjir koma fram og
hvað þeir hyggjast flytja. Gott væri einnig að setja fram óskir um tíma.
Hafa má samband við mig símleiðis, eða senda mér símbréf: 554 1621 einnig nota tölvupóst:
korg@li.is
Þetta þarf að liggja fyrir sem allra iyrst.
Kjartan Sigurjónsson.
10