SunnudagsMogginn - 20.12.2009, Page 44

44 20. desember 2009
Manchesterundrið eina og sanna, Morr-
issey, hefur á undanförnum árum notið
nokkurs sem kalla mætti listræna endur-
reisn. Þrjár undanfarnar breiðskífur hafa
þótt mikill eðall, en þær eru You Are the
Quarry (2004), Ringleader of the Tormentors
(2006) og Years of Refusal, sem út kom í ár.
Söngvarinn hefur í kjölfarið orðið nokkuð bí-
sperrtur, svei mér þá ef ekki bara hnarreist-
ur og hefur aftur uppgötvað þá eðlu list að
trana sér í fjölmiðla með vafasömum yfirlýs-
ingum til hægri og vinstri.
En að tónlistinni, því að nýútkomin er
safnplata með völdum b-hliðum sem allar
tengjast inn á nefndar plötur. Kallast hún
hinum glettilega titli Swords og er átján laga.
Gæðin eru mikil þarna, en Morrissey er einn
af þeim fáu sem kastar ekki til höndunum
þegar kemur að þessum efnum.
Morrissey
Hinsegin Morrissey
Helstu tónlistarritin eru búin að birta lista
sína yfir plötur ársins og athygli vekur að
sama plata toppar lista Uncut og Mojo, sem
eru helstu þungavigtarblöð Bretlands. Um er
að ræða ansi súra plötu, þ.e. nýjasta verk
hinnar bandarísku Animal Collective, Merri-
weather Post Pavilion. Platan kom út í jan-
úar og fóru hökustrjúkarar þegar að ræða
um hana sem plötu ársins. Klárlega að-
gengilegasta verk sveitarinnar til þessa - og
besta - en þess má geta að einn meðlima er
spúsi Kristínar Önnu Valtýsdóttur sem eitt
sinn var kennd við múm. Svo við höldum nú
stolt Íslandstengingunni til haga!
Animal Collective
Animal Collective
málið?
S
ænski dúettinn The Knife sló í gegn
fyrir þremur árum með magnaðri
skífu, Silent Shout, en lýsti því síðan
yfir að hún væri komin í þriggja ára
frí. Systkinin hafa þó ekki setið auðum hönd-
um; Olof Dreijer Andersson situr nú sveittur
við að setja sama skífu undir nafninu Coolof
en Karin systir hans tók sér aukasjálfið Fever
Ray og gaf út öldungis frábæra plötu um dag-
inn.
Karin Elisabeth Dreijer Andersson hóf sinn
tónlistarferil sem höfuðpaur rokksveitarinnar
sænsku Honey Is Cool, en hún lék á gítar,
söng og samdi obba laga hennar. Sú sveit
sendi frá sér fyrstu plötuna 1995 og nokkrar
smáskífur síðan, en segja má að sveitin hafi
legið í dvala frá því Karin og Olof stofnuðu
The Knife um aldamótin.
Þegar The Knife tók sér svo frí 2007 eftir
tónleikahald um allan heim, tók Karin sér líka
gott frí frá músík en tók til við önnur anna-
söm verkefni eins og barneignir og uppeldi.
Vansvefta við lagasmíðar
Hún hætti þó ekki að semja músík og hefur
lýst því hvernig það varð henni hug-
myndauppspretta að vera vansvefta að sinna
nýfæddu barni – upp úr undirmeðvitundinni
hafi streymt hugmyndir að laglínum og textar
sem urðu til á mörkum svefns og vöku.
Átta mánuðum síðar kallaði Karin á mann-
skap sér til aðstoðar við að vinna úr hug-
myndunum, en hana langaði að halda áfram á
áþekkri braut og The Knife, þ.e. að nota verk-
færi rafeindatónlistarinnar, en þó reyna að
fara nýjar leiðir, meðal annars með því að
grípa til hefðbundinna hljóðfæra í bland, þar á
meðal rafgítars, sem hún spilar sjálf á.
Þessi blanda heppnast einkar vel, svo vel
reyndar að víða nefna menn skífuna sem eina
af bestu plötum ársins; hún var í öðru sæti hjá
Resident Advisor, níunda sæti hjá Drowned in
Sound og New Musical Express og 20. sæti hjá
Q svo dæmi séu tekin, en hún átti líka tvö lög
á lista Pitchfork yfir 100 bestu lög ársins.
Í ljósi þess hvernig lögin urðu til kemur
væntanlega ekki á óvart að yrkisefni á skíf-
unni er líka nokkuð sérstakt; vangaveltur um
persónuleika og tilveru og þá þrá að geta verið
án þess að vera. Þess sér einnig stað í mynd-
böndum við lög af plötunni þar sem við fáum
varla að sjá óbrenglað andlit söngkonunnar og
álíka er uppi á teningnum á tónleikum.
arnim@mbl.is
Í svefnrofunum
Með bestu plötum ársins er fyrsta sólóskífa sænsku
tónlistarkonunnar Karin Dreijer Andersson sem gefur
út undir nafninu Fever Ray.
Sænska tónlistar-
konan Karin Dreijer
Andersson sem kallar
sig Fever Ray.
Svíar eru poppmeistarar miklir
og hafa líka sýnt góða spretti í
raftónlist eins og Íslendingar
hafa fengið að heyra frá Juvelen
og The Field, sem léku á Airwa-
ves í haust.
Engin raftónlistarsveit sænsk
hefur þó fengið eins góðar um-
sagnir og systkinasveitin The
Knife sem næstum kom til Ís-
lands í sumar.
Gekk svo langt að aðstand-
endur veitinga- og skemmti-
staðarins Jacobsen létu prenta
plakat þar sem fram kom að The
Knife myndi koma til landsins á
vegum staðarins, en ekkert varð
úr, því miður.
Sænsku systkinin í The Knife.
Meistarar
í rafpoppi
Tónlist
Skák og mát
Friðriksmótið í skák verður haldið í Landsbankanum Austurstræti 11 í dag
20. desember kl. 13.00-16.30. Mótið er sterkasta hraðskákmót ársins
og verða flestir af bestu skákmönnum landsins meðal þátttakenda.
Skákunnendur eru hjartanlega velkomnir að fylgjast með mótinu.
Boðið verður upp á kaffiveitingar.
FRIÐRIKSMÓTIÐ | landsbankinn.is | 410 4000
N
B
Ih
f.
(L
an
d
sb
an
ki
nn
),
kt
.4
71
0
0
8
-0
2
8
0
.
E
N
N
E
M
M
/
S
ÍA
/
N
M
4
0
3
4
5