SunnudagsMogginn - 28.03.2010, Blaðsíða 32

32 28. mars 2010
T
he Cup Awards er alþjóðleg
hönnunarkeppni sem heitir
fullu nafni Intercontinental Ad-
vertising Cup en þar keppa verk
sem hafa áður unnið til verðlauna og verið
útnefnd sem fulltrúi sinnar heimsálfu.
Verðlaunin hlutu Snæfríð og Hildigunnur
í flokki útgáfuverka 2009 og segja útnefn-
inguna hafa komið skemmtilega á óvart.
„Við unnum verðlaun FíT hérna heima
og unnum svo silfur ADC*E (Art Directors
Club of Europe). Gull- og silfurverkin í
þeirri keppni voru síðan send í The Cup
Awards,“ segir Snæfríð, og bætir við að
við ákvörðun um útnefninguna sé leitað
eftir sérstöðu og ákveðnum tón, en í al-
þjóðlegu samhengi.
„Við unnum silfrið og svo vorum við
bara hérna heima og hugsuðum ekkert
um þetta,“ skýtur Hildigunnur inn í.
Snæfríð samsinnir henni og heldur áfram,
„en það er líka voða gaman að uppskera
þetta af því að það er ekkert sjálfgefið að
fara út í svona útgáfu. Það þarf bæði
metnað og hugsjón og þess vegna er svo
gaman að uppskera. Af því líka að það
hefur verið svo mikil væntumþykja í
kringum þennan grip og allt þetta ferli. Að
koma þessu yfirhöfuð í framkvæmd.“ Þær
hlæja og játa því að það sé skemmtilegt að
fá svona viðurkenningu þegar þær eru
inntar eftir því hvort það sé ekki gaman
að hafa verðlaunin á ferilskránni.
Flora Islandica
Snæfríð og Hildigunnur höfðu unnið með
Kristjáni B. Jónassyni, útgefanda hjá
Crymogea, í nokkurn tíma þegar hann
leitaði til þeirra með verkefnið. Flora Is-
landica er safn teikninga eftir Eggert Pét-
ursson sem hann vann árin 1982 til 1983
fyrir bókina Íslensk flóra með litmyndum
eftir Ágúst H. Bjarnason. Útgangspunktur
viðhafnarútgáfunnar var teikningarnar
sjálfar, en Eggert teiknaði plönturnar, 270
talsins, í raunstærð, og var markmiðið að
gefa þær út í þeirri stærð sem hann teikn-
aði þær í.
„Ég veit hreinlega ekki alveg hvaðan
hugmyndin kom upphaflega, ég held að
hún hafi bara komið frá Kristjáni,“ segir
Snæfríð. „Það sem var gert þarna var að
það var farið alveg jafn nálægt upp-
runalega handritinu og hægt var. Þegar
maður skoðar handritið eru myndirnar í
þessari stærð, þetta er hundrað prósent
skönnun.“
Þær segja að það hafi verið einkenn-
andi fyrir verkefnið hvað öllum aðstand-
endum þess þótti vænt um það og segja
að samstarfið við alla þá sem að verkinu
komu hafi verið mjög gefandi og að grip-
urinn hafi þróast hægt og bítandi.
„Það voru alveg prófaðar nokkrar leið-
ir, hvort það ætti að mynda eða skanna
síðurnar. Og svo þróast þetta svona okk-
ar á milli. En það vönduðu sig allir alveg
ofsalega mikið í öllu ferlinu. Þó að þetta
líti tiltölulega einfalt út þá er búið að fara
í marga hringi; frá skönnun yfir í val á
pappír, yfir í þá liti sem við ættum að
nota, yfir í brotið, yfir í hvernig þetta
yrði í kassanum. Það er búið að strjúka
henni á alla vegu, allir sem að þessu
komu,“ segir Snæfríð. „Myndirnar hans
Eggerts eru náttúrlega yndislegar. Enda
er þetta allt frekar lágstemmt í kringum
þær í rauninni, til að þær njóti sín.“
Langt og gæfuríkt samstarf
Snæfríð og Hildigunnur hafa unnið
nokkuð lengi saman og á fleiri en einum
stað. Þær eru báðar grafískir hönnuðir en
Snæfríð hefur einnig fengist við vöru-
hönnun. „Leiðir okkar lágu saman aftur
og aftur. Fyrst vorum við að vinna saman
á tímaritinu Iceland Review, svo fórum
við að vinna á Góðu fólki“ segir Hildi-
Skemmtileg
uppskera
Flórunnar
Stöllurnar eru að hefja vinnu á Íslenzkir fuglar eftir Benedikt Gröndal.
Öll umgjörð Flora Islandica miðaði að því að leyfa myndunum að njóta sín.
Snæfríð Þorsteins og Hildigunnur Gunnarsdóttir með dagatalssúlurnar sínar í bakgrunni.
Morgunblaðið/Ernir
Snæfríð Þorsteins og Hildigunnur Gunnarsdóttir
sigruðu nýverið alþjóðlega hönnunarkeppni, The
Cup Awards, fyrir hönnun sína á bókinni
Flora Islandica, sem hefur að geyma 270 teikn-
ingar Eggerts Péturssonar af flóru Íslands.
Hólmfríður Gísladóttir holmfridur@mbl.is
Hönnun