Morgunblaðið - 12.02.2010, Side 13

Fréttir 13INNLENT
MORGUNBLAÐIÐ FÖSTUDAGUR 12. FEBRÚAR 2010
Eftir Hlyn Orra Stefánsson
hlynurorri@mbl.is
KATRÍN Jakobsdóttir mennta-
málaráðherra er undrandi á samn-
ingi sem gerður var í tíð fyrri ráð-
herra um að Rannsóknir og greining
sinni langtímarannsóknum á högum
ungmenna.
„Þó þetta séu ágætar rannsóknir
sem Rannsóknir og greining hefur
verið að gera, er þetta ekki í takt við
þá stefnu Vísinda- og tækniráðs að
úthlutun styrkja eigi að fara í gegn-
um samkeppnissjóði,“ segir Katrín,
en hlutverk ráðsins er m.a. að móta
vísindastefnu stjórnvalda.
Til óvenjulega langs tíma
Hún bendir á að samningurinn
hafi verið undirritaður „nokkrum
dögum áður en ég kom í ráðu-
neytið“. Samningurinn var undirrit-
aður þann 12. janúar 2009, en Katrín
settist í stól menntamálaráðherra er
ríkisstjórn Vinstri grænna og Sam-
fylkingar tók við í byrjun febrúar.
Katrín segist telja að samning-
urinn við Rannsóknir og greiningu
sé til óvenjulega langs tíma, en um
er að ræða 24 milljóna króna samn-
ing sem gildir frá árinu 2011 til
2016. „Nauðsynlegt er að tryggja að
fleiri aðilar sinni æskulýðsrann-
sóknum. Við þurfum í þessu sam-
hengi auðvitað að skoða hvort nægi-
legir styrkir séu í kerfinu til að aðrir
geti stundað slíkar rannsóknir,“ seg-
ir Katrín.
Fjölbreytnin mikilvæg
Þóroddur Bjarnason, prófessor
við Háskólann á Akureyri, tekur
undir með Katrínu að mikilvægt sé
að stuðla að fjölbreytni í æskulýðs-
rannsóknum. Hann segir umræddan
samning ekki til þess fallinn að
stuðla að því markmiði.
„Við Íslendingar erum mjög rík af
rannsóknarfólki. Ég held að ráðu-
neytið ætti miklu frekar að leggja
pening í að efla þetta svið í heild
sinni og gefa þannig ungu rannsókn-
arfólki tækifæri. Því samningar við
eina stofnun um að sjá um allar
rannsóknir í einhverjum málaflokki
koma í veg fyrir endurnýjun og fjöl-
breytni á sviðinu,“ segir Þóroddur.
Rannsóknarsamningar hafa áður
verið gerðir milli menntamálaráðu-
neytisins og Rannsókna og grein-
ingar. Nú er í gildi samningur milli
menntamálaráðuneytisins, Háskól-
ans í Reykjavík og Rannsókna og
greiningar sem gildir frá árinu 2004
til ársins 2010. Þá hafa ýmis sveit-
arfélög samið við fyrirtækið.
Stofnandi og eigandi Rannsókna
og greiningar er Inga Dóra Sigfús-
dóttir, doktor í félagsfræði, sem m.a.
annars hefur verið aðstoðarmaður
og unnið að verkefnum fyrir ýmsa
ráðherra Sjálfstæðisflokksins.
Tóku við af ráðuneytinu
Rannsóknir og greining var stofn-
að árið 1999, en ári áður hafði sú
áherslubreyting verið gerð á Rann-
sóknastofnun uppeldis- og mennta-
mála, sem heyrði undir mennta-
málaráðuneytið, að stofnunin hætti
að framkvæma æskulýðsrannsóknir,
en einbeitti sér þess í stað að ýmsu
er varðar gerð og framkvæmd
prófa.
Ráðuneytið hætti þannig að
stunda æskulýðsrannsóknir en
samdi þess í stað við Rannsóknir og
greiningu. Inga Dóra hafði áður
gegnt starfi deildarstjóra rannsókn-
ardeildar Rannsóknastofnunar upp-
eldis- og menntamála.
Nauðsynlegt fyrir samfellu
Jón Sigfússon, framkvæmdastjóri
Rannsókna og greiningar, segir að
til að tryggja samfellu í rannsóknum
á ungu fólki sé mikilvægt að samn-
ingar fyrirtækisins við sveitarfélög
og ríki séu til langs tíma. Hann
bendir á að aðgerðir í málefnum
ungs fólks og stefnumótun í fjöl-
mörgum málaflokkum á und-
anförnum árum, bæði hjá ríki og
sveitarfélögum, hafi grundvallast á
niðurstöðum Rannsóknar og grein-
ingar.
„Markmiðið með rannsóknunum
er einmitt að hægt verði að byggja
ákvarðanir er varða málefni ungs
fólks á staðreyndum,“ segir Jón og
hrósar menntamálaráðuneytinu fyr-
ir framsýna stefnu við rannsóknir í
málefnum ungs fólks.
Hann bendir á að ýmis gagnasöfn
fyrirtækisins séu öllum opin, og að
nemendur og fleiri geti á heimasíðu
þess sótt um ókeypis aðgang að
gögnum og fengið aðstoð hjá starfs-
fólki við að vinna úr þeim.
 Menntamálaráðherra segir undarlegt að samið hafi verið við Rannsóknir og greiningu án þess að
úthlutað væri í gegnum samkeppnissjóð  Samningurinn ekki til þess fallinn að stuðla að fjölbreytni
Deilt um rannsóknarsamning
Katrín
Jakobsdóttir
Þóroddur
Bjarnason
Í HNOTSKURN
» Samningur mennta-málaráðuneytisins við
Rannsóknir og greiningu og
HR er upp á 24 milljónir króna
og gildir frá árinu 2011 til árs-
ins 2016.
» Hann var undirritaður íjanúar á síðasta ári.
» Fyrir var í gildi sambæri-legur samningur sem gild-
ir frá árinu 2004 til ársins
2010.
Eftir Hlyn Orra Stefánsson
hlynurorri@mbl.is
FRAMKVÆMDA- og eignasvið Reykjavíkurborgar hef-
ur lagt til að afturkölluð verði lóð við Skúlagötu 7 sem
OLÍS var úthlutað fyrir tæpum tveimur áratugum. Fyr-
irtækið hefur ekki sinnt ítrekuðum beiðnum um að hefja
uppbyggingu á lóðinni og kvarta nágrannar undan slæm-
um frágangi.
Í bréfi sem lagt var fram á fundi framkvæmda- og
eignaráðs sl. mánudag kemur fram að árið 1993 hafi Olíu-
verslun Íslands fengið samþykki fyrir lóð undir smurstöð
og hjólbarðaverkstæði við Skúlagötu 7. Lóðin er 1.478
fermetrar að stærð, og var byggingarhæf við úthlutun.
„Á næstu 15 árum var ítrekað lagt að lóðarhafanum að
gera grein fyrir byggingaráformum sínum, að hefjast
handa við uppbyggingu á lóðinni, eða skila henni ella,“
segir í bréfinu. OLÍS hafi margítrekað haldið fram að til
stæði að byggja þjónustustöð á lóðinni, en ekki staðið við
orð sín. Í bréfinu segir jafnframt að frágangur lóðarinnar
hafi öll þessi ár verið mjög slakur og íbúum til mikils
ama.
Samkvæmt heimildum Morgunblaðsins hefur talsvert
verið kvartað við borgaryfirvöld vegna frágangs lóð-
arinnar. Í næsta nágrenni hennar eru bæði hefðbundnar
íbúðarblokkir og blokkir fyrir eldri borgara, en lóðin hef-
ur gjarnan verið notuð sem bílastæði.
Fyrir lóðina – nánar tiltekið lóð sem OLÍS skipti fyrir
Skúlagötu 7 – greiddi félagið 1.035.115 krónur í gatna-
gerðargjald.
Lögðu fram hugmyndir 2007
„Þetta byggist á innanhússmisskilningi hjá borginni,“
segir Einar Marinósson, framkvæmdastjóri fjármála-
sviðs hjá OLÍS. Hann segir fyrirtækið hafa árið 2007 lagt
fram hugmyndir að uppbyggingu á lóðinni en ekki fengið
svör frá skipulagsyfirvöldum.
Aðspurður hvers vegna ekki hafi komið fram hug-
myndir fyrr en 2007, 14 árum eftir að fyrirtækið fékk í
hendur byggingarhæfa lóð, segir Einar að eflaust hafi
einhverjar hugmyndir verið reifaðar fyrr.
OLÍS hefur frest til að leggja fram andmæli til 26.
febrúar. Að sögn Einars mun félagið leggjast vandlega
yfir málið.
Nágrannar kvarta
undan ónýttri lóð OLÍS
 Borgin íhugar að draga til baka lóðarúthlutun til OLÍS
Morgunblaðið/Árni Sæberg
Ónýtt OLÍS fékk árið 1993 samþykki fyrir lóð undir smurstöð og hjólbarðaverkstæði við Skúlagötu 7. Félagið hefur
ekki byggt á lóðinni, þrátt fyrir ítrekaðar óskir frá borgaryfirvöldum um að lóðin verði nýtt eða henni skilað.
LOÐNUGANGAN við suðurströnd-
ina færist nú hratt til vesturs. Í gær
var flotinn að veiðum rétt austan
við Grindavík og veiðin ágæt. Skip-
verjar á Ásgrími Halldórssyni SF
komu á svæðið snemma í gærmorg-
un og náðu í fyrsta kasti 400 tonn-
um og 850 tonn í því síðara. Þá var
skipið raunar orðið drekkhlaðið og
var stórum hluta úr kastinu miðlað
til skipverja á Súlunni,
„Lóðningarnar við Krýsuvíkur-
bergið voru alveg svartar. Hins
vegar vantar verulega mikið upp á
vertíðarstemmninguna. Menn eru
enn að bíða eftir því að meiri kvóti
verði gefinn út,“ segir Ægir Birg-
isson skipstjóri á Ásgrími Halldórs-
syni. Hann segir hrognafyllingu
vera 18-19% en þurfi að hafa náð
a.m.k. 23% svo hægt sé að hefja
hrognatöku.
Skipverjar á Ásgrími Halldórs-
syni höfðu fyllt skipið um kaffileytið
í gær og var þá stefnan tekin á
Hornafjörð. „Við erum að dóla okk-
ur austur eftir en náum ekki inn á
Höfn fyrr en á seinna flóðinu á
morgun, föstudag,“ segir Ægir –
sem telur framhald vertíðarinnar
alveg undir því komið hvort kvóti
verði aukinn en til slíks telur hann
sjálfur vera allt svigrúm.
Vísindamenn Hafrannsóknastofn-
unar mældu loðnustofninn um 530
þúsund tonn. Í framhaldi af því
ákvað Jón Bjarnason sjávarútvegs-
ráðherra að loðnukvóti vertíð-
arinnar skyldi vera 130 þúsund tonn
og skyldu 90 þúsund tonn koma í
hlut íslenskra loðnuskipa sam-
kvæmt ákvæðum samninga við önn-
ur lönd um nýtingu loðnustofnsins
við Ísland. sbs@mbl.is
Loðnugangan á
hraðri vesturleið
Styttist í að hefja megi hrognatöku
HÆSTIRÉTTUR hefur sýknað
karlmann af ákæru fyrir kynferð-
isbrot gegn ungum dreng. Héraðs-
dómur Reykjavíkur hafði áður dæmt
manninn til að sæta vistun á réttar-
geðdeild og til að greiða drengnum
1,5 milljónir kr. í bætur.
Maðurinn var sakaður um að hafa
brotið gegn drengnum árið 2003 er
hann var 12 ára. Maðurinn hefur átt
við geðræn veikindi að stríða und-
anfarna tvo áratugi.
Í úrskurði Hæstaréttar segir að
ekki sé við sýnileg sönnunargögn að
styðjast. Drengurinn sé eina vitnið í
málinu um ætluð atvik á heimili
mannsins og aðdraganda þeirra, en
maðurinn neiti alfarið sök og því
standi orð gegn orði.
Héraðsdómur taldi framburð
drengsins trúverðugan í öllum atrið-
um, en Hæstiréttur segir að ekkert
þeirra atriða sem komi fram í vitn-
isburði annarra og gögnum málsins,
hafi veitt viðhlítandi stuðning fyrir
þeim sökum sem maðurinn var bor-
inn. Nægi þetta ekki til að ákæru-
valdið fullnægi þeirri sönnunarbyrði
sem það beri.
Segir skorta sýnileg
sönnunargögn
Hæstiréttur sýkn-
ar mann af kyn-
ferðisbrotakæru
Morgunblaðið/Kristinn
Hæstiréttur Taldi orð standa gegn
orði og sönnunarbyrði ekki fullnægt.