Morgunblaðið - 20.02.2010, Blaðsíða 6

6 FréttirINNLENT
MORGUNBLAÐIÐ LAUGARDAGUR 20. FEBRÚAR 2010
Eftir Ingibjörgu Rósu Björnsdóttur
ingibjorgrosa@mbl.is
„AÐ HLUTA til nýtur Keflavíkur-
flugvöllur góðs af því hvað hann er
lítill, þrátt fyrir að umferð um hann
sé töluverð,“ segir Friðþór Eydal,
upplýsingafulltrúi flugvallarins.
Völlurinn var á dögunum útnefndur
besti flugvöllur í Evrópu. Það eru al-
þjóðasamtök flugvalla, Airports
Council International (ACI) sem
standa fyrir könnun þar sem farþeg-
ar svara spurningum varðandi gæði
rúmlega 30 þjónustuþátta. Könn-
unin stendur sífellt yfir en niður-
stöður hennar eru birtar ársfjórð-
ungslega og heildarárangur árlega.
Keflavíkurflugvöllur lendir nú í
fyrsta sinn í efsta sæti yfir bestu
flugvelli ársins 2009 í Evrópu en
hann hefur tekið þátt í könnuninni
frá árinu 2004 og ávallt lent í efstu
sætunum.
Skjót afgreiðsla og notalegheit
„Farþegar kunna að meta þæg-
indin sem fylgja því að ferðast í
gegnum Keflavíkurflugvöll. Allt tek-
ur styttri tíma en á stærri flug-
völlum, hér er auðvelt og fljótlegt að
skipta um flug og gott úrval verslana
og þjónustu,“ segir Friðþór.
Samkvæmt niðurstöðum könn-
unarinnar skarar Keflavíkur-
flugvöllur fram úr hvað varðar heild-
aránægju farþega og nefna þeir
meðal annars hreinlæti, notalegt
andrúmsloft og skjóta afgreiðslu
farangurs. Þá fær starfsfólk flug-
vallarins háa einkunn fyrir kurteisi
og hjálpsemi og aðgengi að banka-
þjónustu og veitingastöðum er hrós-
að. „Þrátt fyrir efnahagsástandið
hafa rekstraraðilar á flugvellinum
reynt að halda uppi úrvalsþjónustu
meðfram hagræðingu en flugvöllur-
inn er sérstakur að því leyti að hér
eru tveir háannatímar á dag en
nokkuð rólegt þess á milli," segir
Friðþór.
Þriggja daga hátíð
Björn Óli Hauksson, forstjóri
Keflavíkurflugvallar afhenti starfs-
fólki sínu veglegan bikar fyrir fyrsta
sætið, auk viðurkenningarskjala og
verðlaunapeninga, og sagði við það
tækifæri að forsenda fyrir slíkum
árangri fælist í að hlusta á viðskipta-
vininn og leitast við að mæta þörfum
hans. Stjórnendur segja þjónustu
við flugþarþega felast í sameiginlegu
átaki allra starfsmanna vallarins til
að tryggja skjóta og örugga af-
greiðslu. Þar sem unnin er vakta-
vinna á Keflavíkurflugvelli hefur
verið hátíðarstemning á flugvell-
inum í þrjá daga samfleytt og boðið
upp á kökur á kaffistofum starfs-
manna til að fagna verðlaununum.
Flugvöllurinn í Zürich í Sviss lenti
í öðru sæti í könnuninni og þá fylgdu
Porto í Portúgal og Möltuflugvöllur
næst á eftir. Minni flugvellir virðast
því njóta mun meiri vinsælda hjá
flugfarþegum en stórir vellir á borð
við Heathrow í London og Charles
de Gaulle-flugvöllinn í París.
Allt tekur styttri tíma en á
stærri flugvöllunum
 Keflavíkurflugvöllur fær fyrstu verðlaun frá Airports Council International
Ljósmynd/Víkurfréttir
Gullverðlaun Hver starfsmaður Keflavíkurflugvallar fékk viðurkenningarskjal og gullmedalíu um hálsinn
Í HNOTSKURN
»Alþjóðasamtök flugvallavöldu Keflavíkurflugvöll
besta flugvöll Evrópu 2009.
»Nýtur góðs af smæðinni.»Hrósað fyrir skjóta af-greiðslu farangurs og auð-
velt tengiflug.
»Lenti í 3. sæti á heimsvísu2004 í flokki valla með
færri en 5 milljónir farþega.
ÞEIM sex aðilum
sem boðið var til
áframhaldandi
þátttöku í sölu-
ferli hlutafjár í
Sjóvá-Almennum
tryggingum hf.
ber í síðasta lagi
að leggja fram
formleg tilboð
næstkomandi mánudag.
Skv. traustum heimildum Morg-
unblaðsins er Framtakssjóður Ís-
lands, sem 16 lífeyrissjóðir standa
að, meðal þeirra fjárfesta sem boðið
var til áframhaldandi þátttöku í
söluferlinu.
Fjárfestum gefst kostur á að
bjóða í allt að 100% hlutafjár. Sölu-
ferli Sjóvár-Almennra trygginga
hófst um miðjan janúar. Í byrjun
febrúar kom fram að alls bárust 12
óskuldbindandi tilboð í hlutafé fé-
lagsins. Var sex fjárfestum boðið til
áframhaldandi þátttöku, þar af eru
þrír erlendir aðilar. Í flestum til-
vikum var boðið í allt hlutafé félags-
ins.
Framtaks-
sjóður bauð
í Sjóvá
Tilboðsfrestur rennur
út á mánudaginn
ÁRVAKUR hf., útgefandi Morgun-
blaðsins og fréttavefjarins mbl.is,
hefur fest kaup á tímaritinu Monitor.
Til stendur að samnýta Monitor með
Morgunblaðinu og mbl.is. Nú er
unnið að nánari útfærslu á því, að
sögn Óskars Magnússonar útgef-
anda.
Tímaritið Monitor hefur einkum
höfðað til yngri lesenda. Það var
lengi vel gefið út tíu sinnum á ári en
hefur komið út ársfjórðungslega um
skeið.
Björn Bragi Arnarsson, ritstjóri
Monitor, kemur til starfa hjá Ár-
vakri.
Árvakur festir
kaup á tímarit-
inu Monitor
Nýherji hf. Sími 569 7700 www.netverslun.is
BETRI LAUSNIR
Prentbúnaður
Canon prents
miðju- og skri
fstofulausnir ·
Lexmark pren
tarar · Heidelb
erg
prentsmiðjula
usnir
Netþjóna- og
tæknibúnaðu
r
IBM System X
, Z, P, i · IBM
BladeCenter
·
IBM System S
torage · Vara
aflgjafar,
kælibúnaður
og rekkar frá
APC
Hugbúnaður
IBM hugbúna
ður · Microso
ft hugbúnaðu
r ·
Symantec og
Trend Micro ö
ryggislausnir
·
VMware lausn
ir fyrir sýndar
vélar