Morgunblaðið - 20.02.2010, Blaðsíða 7

Fréttir 7INNLENT
MORGUNBLAÐIÐ LAUGARDAGUR 20. FEBRÚAR 2010
Eftir Unu Sighvatsdóttur
una@mbl.is
HÉRAÐSDÓMUR Vesturlands
hefur nú fellt dóm í deilumáli verk-
takafélagsins Selfells ehf. og Nem-
endagarða ehf., undirfélags Háskól-
ans á Bifröst, vegna vangoldinnar
leigu síðan í nóvember 2008.
Dómurinn fellur verktakafélaginu
í vil og er háskólanum gert að greiða
því rúmar 59 milljónir króna auk
dráttarvaxta vegna vangoldinnar
leigu. Háskólinn hyggst áfrýja
dómnum til Hæstaréttar.
„Þetta er ekki endanleg nið-
urstaða, dómurinn féll okkur að
mestu leyti í óhag og Nem-
endagarðar sætti sig ekki við þessar
niðurstöður,“ segir Ágúst Ein-
arsson, rektor Háskólans á Bifröst.
Náð og miskunn lánardrottna
Íbúðirnar sem deilan snýst um
eru 48 talsins í fjölbýlishúsinu Sjón-
arhóli. Þær voru í gær auglýstar til
nauðungaruppboðs hjá sýslumann-
inum í Borgarnesi þann 25. febrúar
næstkomandi.
Deilurnar stafa af því að Nem-
endagarðar hafa neitað að greiða
umsamda leigu til Selfells í tæplega
eitt og hálft ár vegna meintra ágalla
á byggingunni, sem Nemendagarðar
segja að hafi ekki verið afhent í um-
sömdu ástandi og ekki fullkláruð
þrátt fyrir ítrekaða fresti.
Svo fór að Selfell stefndi Nem-
endagörðum vegna vanefnda á leigu-
samningnum sem leitt hafa til þess
að félagið hefur ekki getað staðið í
skilum við Íbúðalánasjóð. Jón Páls-
son, stjórnarformaður Selfells, segir
að um keðjuverkun hafi verið að
ræða sem nú sé vonandi lokið.
„Félagið hefur verið upp á náð og
miskunn lánardrottna síðustu mán-
uði sem hafa beðið vegna þess að
málaferlin voru í gangi, en þeir hafa
ekki getað beðið endalaust,“ segir
Jón.
Hann bendir á að starfsemi Sel-
fells lúti lögum um félagslegt leigu-
húsnæði og samkvæmt þeim verði
að stilla leiguverði í hóf og ekki sé
heimilt að greiða út óeðlilegan arð.
Þannig hafi aldrei verið gert ráð
fyrir hagnaði í rekstrinum af nem-
endagörðunum og því segi það sig
sjálft að félag sem rekið sé þann
hátt hafi ekki efni á því að tapa tug-
um milljóna í húsaleigutekjur.
Íbúðirnar standa tómar
„Við getum staðið í skilum við
okkar kröfuhafa um leið og menn
fara að greiða leigu og ég vænti þess
að Nemendagarðar gangi frá því áð-
ur en til nauðungaruppboðs komi.“
Um helmingur íbúðanna að Sjón-
arhóli hefur staðið tómur um hríð og
gera Nemendagarðar ýmsar at-
hugasemdir við frágang þeirra, bæði
í málinu sem dæmt var í en einnig í
öðru máli sem höfðað hefur verið
gegn Selfelli og verður dómtekið í
næsta mánuði, að sögn Ágústs.
„Þetta hefur verið sorgarsaga í
kringum þessi hús og mikil óvand-
virkni í byggingunni. Við höfum get-
að leyst þetta vandamál en þetta er
meingallað hús og við teljum okkur
ekki vera leigjendur að því.“ Nem-
endagarðar ehf. kröfðust bóta vegna
seinkunar á byggingu húsanna og
vanefnda á verksamningi. Sú krafa
var ekki tekin til greina.
„Gott hús á góðum stað“
Hins vegar komst dómurinn að
þeirri niðurstöðu að skólanum hefði
verið heimilt að fella niður leigu-
greiðslur vegna eins mánaðar, des-
ember 2008, þegar íbúar húsanna
kvörtuðu undan miklum kulda.
Að öðru leyti var Selfell sýknað af
öllum kröfum Nemendagarða. Jón
Pálsson segist vongóður um að mál-
inu fari að ljúka. „Ég get ekki sagt
til um framhaldið, en þetta er gott
hús á góðum stað og ég er bara
bjartsýnn, eins og ég var þegar ég
byrjaði að byggja það.“
Bifröst fyrir Hæstarétt
 Nemendagarðar Háskólans á Bifröst áfrýja dómi um að greiða verktakafélagi
69 milljónir í vangoldna leigu  „Sorgarsaga í kringum þessi hús,“ segir rektor
Ljósmynd/Þorkell
Háskólaþorp Þrátt fyrir að hluti nýjustu nemendagarðanna þyki tæplega
íbúðahæfur hefur ekki skapast vandamál við að koma nemendum fyrir.
Í HNOTSKURN
»Selfell er félag sem Há-skólinn á Bifröst stofnaði
með Fellsási ehf. en meirihluti
þess er í eigu verktaka.
» Íbúðirnar eru 48 í sam-byggðum húsum. Greiða
átti leigu af fyrra húsinu frá 1.
apríl 2008 en því síðara frá 1.
september sama ár. Leigutím-
inn er til 30 ára.
»Háskólinn hefur ekkiborgað Selfelli leigu fyrir
íbúðirnar síðan í nóvember
2008 með þeim rökstuðningi
að húsin hafi ekki verið afhent
fullkláruð og séu gölluð.
Nemendagarðar háskólans gera
ýmsar athugasemdir við frágang
íbúðanna að Sjónarhóli. Á síðasta
ári var matsmaður dómkvaddur til
að leggja mat á ástand þeirra.
Matsmaður komst m.a. að þeirri
niðurstöðu að einangrun útveggja
hefði verið ófullnægjandi og fyr-
irkomulag raflagna jafnframt ekki
í samræmi við reglugerð um raf-
orkuvirki. Þá væri frágangur á
þunnhúðun húsanna á ýmsan hátt
ófaglegur og óvandaður.
Í umfjöllun matsmanns kemur
einnig fram að halli á gólfi í einni
íbúð sé meiri en eðlilegt geti talist.
Þá séu handrið á stigum of lág
miðað við fyrirmæli í bygging-
arreglugerð. Leki sé meðfram
gluggum sem rekja megi til ófull-
nægjandi fúguþéttinga.
Álit matsmanns var þó að ekk-
ert stæði í vegi fyrir hagnýtingu
húsanna. Hinsvegar þyrfti að grípa
til úrbóta sem kosta mundu rúmar
6 milljónir króna. Héraðsdómur
kemst að þeirri niðurstöðu að ann-
markar húsanna hafi ekki verið til-
efni fyrir Nemendagarða til að
rifta leigusamningi við Selfell.
Leki, ófullnægjandi einangrun og hallandi gólf
HRAÐAKSTURSBROTUM hefur
fjölgað gríðarlega á síðustu árum
og eru þau nú nokkur þúsund í
hverjum mánuði. Á síðasta ári voru
hraðakstursbrot 43.109, sem eru
fleiri brot en öll umferðarlagabrot
á árinu 2005. Heildarfjöldi umferð-
arlagabrota var 55.306 í fyrra.
Þetta kemur fram í skýrslu ríkis-
lögreglustjóra um lagabrot í jan-
úar. Fram hefur komið að rekja
megi þessa aukningu til umferð-
armyndavéla og annars eftirlits-
búnaðar.
Í janúar voru tæplega 5.400 brot,
sem féllu undir umferðarlaga-,
hegningarlaga- og fíkniefnabrot.
Hegningarlagabrotum fækkaði um
16% milli ára en umferðarlagabrot-
um fjölgaði um 48% og fíkniefna-
brotum um 12%.
Fíkniefnabrot í janúar voru 114.
64% þeirra voru skráð hjá lögregl-
unni á höfuðborgarsvæðinu.
Morgunblaðið/Sverrir
Fjölgun brota vegna
stóraukins eftirlits
STJÓRN Blaðamannafélags Íslands
skorar á stjórnvöld að eyða rétt-
aróvissu vegna úreltra prentlaga. Í
ályktun stjórnar er vakin athygli á
að Hæstiréttur Íslands hafi nýlega
þyngt dóm yfir blaðamanni DV
vegna ummæla sem höfð eru eftir
viðmælanda í grein blaðsins. Bent er
á að fyrir liggi skýr vilji löggjafans í
nýlegu frumvarpi um að samræma
prentlög og útvarpslög að þessu
leyti og tryggja að viðmælendur beri
sinn hluta ábyrgðarinnar. Blaða-
mannafélagið hefur ásamt útgáfu-
félagi DV vísað slíku máli til Mann-
réttindadómstóls Evrópu. „Það
hindrar tjáningarfrelsi og setur
vinnubrögð blaðamanna í vanda-
sömum málum í uppnám að hægt sé
að gera blaðamenn ábyrga fyrir um-
mælum viðmælenda. Á því verður að
ráða bót,“ segir í ályktuninni.
Blaðamannafélagið
mótmælir dómi
Nýherji er eitt öflugasta fyrirtæki landsins á sviði upplýsingatækni.
Félagið býður tæknibúnað og lausnir frá heimsþekktum framleiðendum
og sérfræðiþekkingu sem byggð er á áralangri reynslu.
Markmið Nýherja er að veita trausta og örugga þjónustu.
Rekstrarvörur
Blek og tóner ·
Pappír ·
Ýmsar nauðsynj
avörur fyrir
tölvuumhverfið
Samskiptabún
aður
Polycom fjarfu
ndarbúnaður
og
fundarsímar ·
Cisco og AVAY
A IP lausnir ·
Plantronics sím
a- og tölvubú
naður
Tölvubúnaður
ThinkPad fartö
lvur · IdeaPad
fartölvur ·
Lenovo borðtö
lvur · Lenovo s
kjáir ·
IBM kassalausn
ir