Morgunblaðið - 20.02.2010, Side 22

22 FréttirVIÐSKIPTI |ATVINNULÍF
MORGUNBLAÐIÐ LAUGARDAGUR 20. FEBRÚAR 2010
Héraðsdómur
Reykjavíkur
sýknaði Sam-
keppniseftirlitið í
gær af kröfu
Haga um að
ógilda sekt sem
eftirlitið beitti
Haga vegna mis-
notkunar á mark-
aðsráðandi stöðu
árið 2005. Hagar
þurftu þá að greiða 315 milljónir
króna í sekt. Að mati Samkeppnis-
eftirlitsins misnotuðu Hagar stöðu
sína með því að selja mjólkurafurðir
með stórfelldu tapi, og vegna þessa
hefði ólögmæt undirverðlagning átt
sér stað. Páll Gunnar Pálsson, for-
stjóri Samkeppniseftirlitsins, sagði í
samtali við Morgunblaðið að niður-
staða héraðsdóms væri afdráttar-
laus. „Dómurinn tekur af öll tvímæli
um að þarna sé um að ræða brot á
samkeppnislögum. Aukinheldur er
allri gagnrýni Haga á rannsókn og
málsmeðferð Samkeppnisstofnunar
hafnað. Þetta felur í sér leiðbeiningu
fyrir markaðinn,“ segir Páll Gunnar.
Hann bætir við að dómurinn fjalli ít-
arlega um hvenær fyrirtæki sé
markaðsráðandi, og staðfesti að
mælingar eftirlitsins séu hinar réttu.
Ætla að áfrýja
Hagar hyggjast áfrýja dómnum til
Hæstaréttar, og vísa í að ekki liggi
fyrir dómafordæmi er varða undir-
verðlagningu. Í yfirlýsingu sem
Finnur Árnason, forstjóri Haga,
sendi frá sér í gær segir að ekki liggi
fyrir almennar leiðbeiningar hjá
Samkeppniseftirlitinu er varða efnið.
„Hagar munu krefjast endurskoðun-
ar á því að dómurinn fellst á að Hag-
ar hafi verið í markaðsráðandi stöðu
en því hefur fyrirtækið mótmælt frá
upphafi,“ segir Finnur. thg@mbl.is
Sekt Haga stað-
fest í héraðsdómi
 Misnotuðu markaðsráðandi stöðu
Páll Gunnar
Pálsson
Eftir Þórð Gunnarsson
thg@mbl.is
ICEBOX Holding, sem var eign-
arhaldsfélag í eigu Baugs Group,
Fons, Milestone og stjórnenda Ice-
land utan um Iceland-verslanakeðj-
una, hagnaðist um 280 milljónir
punda þegar verslanakeðjan Iceland
var seld til annars félags í þeirra
eigu. Félagið Iceland Food Stores
Limited, sem var einnig í eigu hlut-
hafa Icebox Holding, keypti félagið á
560 milljónir punda í apríl 2007, en
Landsbankinn fjármagnaði kaupin
að hálfu. Rekstur Iceland var skuld-
laus á þessum tíma, en eftir að Ice-
land Food Stores Limited keypti
þyngdist skuldabyrðin umtalsvert,
eða um 280 milljónir punda.
Greint var frá því á forsíðu við-
skiptahluta Fréttablaðsins þann 11.
apríl 2007 að eigendur Iceland hefðu
fengið 39 milljarða króna greidda í
arð. Ljóst er að Landsbankinn fjár-
magnaði þá arðgreiðslu að fullu. Á
þeim tíma sem gerningurinn átti sér
stað átti Baugur 31% í Iceland og
fékk 12 milljarða í sinn hlut, Fons
átti 25% og fékk 11,3 milljarða, Mile-
stone átti 10% og fékk 3,9 milljarða.
Loks áttu Malcolm Walker og aðrir
stjórnendur um 20% og fengu 7,8
milljarða króna. Í kjölfar færslunnar
á Iceland-rekstrinum til Iceland Fo-
od Stores Limited minnkaði Walker
lítillega við sig í félaginu, en aðrir
stjórnendur auk Fons juku sinn hlut
á móti. Rekstur Iceland gekk afar
vel á þessum tíma, en félagið hafði
greitt niður allar skuldir og safnað
100 milljarða eigin fé á þegar salan
frá Icebox fór fram.
Fór stuttu síðar yfir til Glitnis
Á þessum tíma var Lárus Welding
framkvæmdastjóri Landsbankans í
Lundúnum. Um það bil þremur vik-
um eftir að Landsbankinn fjármagn-
aði Iceland Food Stores Limited, var
tilkynnt að hann myndi setjast í for-
stjórastól Glitnis. Sem frægt er orðið
fékk Lárus 300 milljónir króna fyrir
að taka að sér starfann, en FL Group
og önnur félög tengd Jóni Ásgeiri
Jóhannessyni höfðu þá náð undirtök-
um í bankanum, eftir að Milestone
og aðrir aðilar höfðu selt stærstan
eignarhlut sinn í bankanum.
Iceland-arðurinn 2007 fjár-
magnaður af Landsbanka
 Iceland selt milli tengdra félaga  Reksturinn skuldsettur fyrir arðgreiðslu
Iceland Eigendur Iceland fengu 280 milljónir punda í apríl 2007 og skuld-
settu reksturinn um samsvarandi upphæð með fulltingi Landsbankans.
Í apríl 2007 seldi Icebox Holding
öll hlutabréf Iceland til Iceland
Food Stores Limited á 560 millj-
ónir punda. Landsbankinn lánaði
fyrir helmingi kaupverðs en bæði
félög voru í eigu sömu aðila.
● Stærsti lífeyrissjóður Danmerkur,
ATP, hefur ákveðið að fjárfesta fyrir um
25 milljarða króna árlega í vogunar-
sjóðum. Alls eru ríflega 15 þúsund millj-
arðar króna í stýringu hjá sjóðnum.
Forstjóri sjóðsins sagði af þessu tilefni
að mikilvægt væri að dreifa áhættu
sjóðsins, en vogunarsjóðir hefðu gefið
góða raun fyrir ATP hingað til.
Danskur lífeyrissjóður
setur fé í vogunarsjóði
Greint var frá því í fréttum í vik-
unni að Landsbankinn hefði lán-
að Styttu ehf, félagi á vegum FL
Group og stjórnenda Iceland,
430 milljónir punda til að kaupa
hlut Fons í Iceland. Þau við-
skipti fóru fram á árinu 2008,
rúmlega ári eftir að allt félagið
hafði verið selt á 560 milljónir.
Samkvæmt því fór verð félags-
ins nærri því að þrefaldast á
einu ári, en miðað við kaupverð
Styttu á 29% eignarhlut fyrir
430 milljónir var heildarvirði fé-
lagsins þá metið á tæpa 1,5
milljarða punda. Eigið fé Styttu
var neikvætt um 67 milljónir
punda í lok árs 2008.
Verðið margfaldast
Stuttar fréttir ...
● Heildarvelta á skuldabréfamarkaði í
gær nam 12,3 milljörðum króna. Mest
var veltan með löng, óverðtryggð rík-
isskuldabréf, en krafan á 25 ára óverð-
tryggð skuldabréf er nú tæplega 7,6%.
Síðastliðinn mánuð hafa verðtryggð
skuldabréf lækkað um 1,3% sam-
kvæmt vísitölu GAMMA. Óverðtryggð
bréf hafa hins vegar hækkað um rúm-
lega 3% síðastliðinn mánuð.
Skuldabréf hækka
● Lánamál ríkisins
kláruðu
skuldabréfaútboð
í gær á óverð-
tryggðum skulda-
bréfum til 11 ára
og 25 ára. Tilboð í
11 ára bréfin námu
alls 11,7 millj-
örðum, en til-
boðum fyrir 8,7 milljarða var tekið.
Mikil eftirspurn var eftir 25 ára bréf-
unum, en alls bárust tilboð fyrir 17,6
milljarða. Tilboðum fyrir 1,5 milljarða
var tekið á 7,13% ávöxtunarkröfu, en
alls bárust 55 gild tilboð í þann
skuldabréfaflokk.
Eftirspurn eftir löngum,
óverðtryggðum bréfum
VERÐBÓLGA mun halda áfram að
dragast saman, en mun engu að síð-
ur haldast yfir verðbólgumarkmiði
fram á mitt ár 2011 vegna skatta-
hækkana ríkisstjórnarinnar. Þetta
er mat Þórarins G. Péturssonar, að-
alhagfræðings Seðlabanka Íslands,
en hann hélt erindi á vegum Al-
þjóðagreiðslubankans í Basel fyrir
skömmu. „Verðbólga utan óbeinna
áhrifa skattahækkana mun sam-
kvæmt spám fara undir verðbólgu-
markmið fljótlega og haldast lág
um tíma ef krónan helst stöðug eða
styrkist,“ sagði Þórarinn.
Þórarinn sagði það mat Seðla-
bankans að samdráttur vergrar
landsframleiðslu hefði náð hámarki
á síðasta fjórðungi síðasta árs, en
hagkerfið mundi rétta úr kútnum á
fyrsta fjórðungi þessa árs. Það er
um tveimur ársfjórðungum seinna
en hjá helstu viðskiptalöndum Ís-
lands, og þar af leiðandi væri
kreppan á Íslandi dýpri en í ná-
grannalöndunum. thg@mbl.is
Segir skattahækkanir halda
verðbólgu hærri lengur
–– Meira fyrir lesendur
PANTAÐU AUGLÝSINGAPLÁSS
Best er að panta sem fyrst til að
tryggja sér góðan stað í blaðinu!
.
Í miðri kreppu eru Íslendingar að
uppgötva á nýjan leik gæði innlendrar
framleiðslu.
Hvar sem litið er má finna spennandi
nýjar lausnir, vandaða smíði og framúr-
skarandi hönnun.
Viðskiptablað Morgunblaðsins skoðar
það besta, snjallasta og djarfasta í
íslenskri framleiðslu í veglegu sérblaði
um þekkinguna og þrautsegjuna í
Íslensku atvinnulífi fimmtudaginn
4. mars.
MEÐAL EFNIS:
Hvað eru fyrirtækin að gera og
hvað hafa þau að bjóða?
Hvernig hindranir þarf að fást
við og hvaða möguleikar eru í
stöðunni?
Hverjir eru styrkleikar
íslenskrar framleiðslu og hvað
ber framtíðin í skauti sér?
Hvaða forskot hefur íslensk
framleiðsla á erlendum
mörkuðum í dag?
ÍSLENSKT ER BEST
LANDBÚNAÐUR - HANNYRÐIR - HANDVERK - VEITINGAR - HNOSSGÆTI - FISKIÐNAÐUR LYF - LÆKNINGAR
VÉLAR - TÆKIFATNAÐUR - SKARTGRIPIR - AUKAHLUTIR - MENNING - LISTIR - VERSLUN - ÞJÓNUSTA
FERÐAÞJÓNUSTA - FJÖLMIÐLAR - ÚTGÁFA - TÖLVUR - TÆKNI - HÚSGÖGN - HEIMILI - FRÆÐI - RANNSÓKNIR
PÖNTUNARTÍMI AUGLÝSINGA:
Fyrir kl. 16, mánudaginn 1. mars.
NÁNARI UPPLÝSINGAR GEFUR:
Sigríður Hvönn Karlsdóttir
Sími: 569 1134
sigridurh@mbl.is
VIÐSKIPTABLAÐ