Skólablaðið - 10.11.1962, Qupperneq 21

YRSTA skólablaðið kom út,áður
en snjó festi, og eftir það
mætti einna helzt lflíja útkomu
þess við snjófall eða jafnvel
moldviðri. Orðið moldviðri
er hér notað aðeins í góðum skilningi, því
að blöðin hafa verið með eindaemum góð,
einkum hið síðara. Aftur á móti birtust
skrif nokkur í fyrra blaðinu, sem hvorki
báru vott um góðan skilning né voru góð,
og er ætlunin að svara þeim hér, þó að
seint birtist sökum áðurnefndrar úrkomu
af ritstjórnarhimnum.
Af greininni "Um starfsemi Framtfðar-
innar má ráða, að Ljósmyndaklúbburinn
hafi legið í ómegð allt frá komu sinni í
heiminn fram til þessa dags og rétt lafað
fyrir miskunn Framtíðarinnar. Þar segif:
"Þessi klúbbur hefur ætíð verið þröngur
hópur manna, sem Framtíðin hefur styrkt
til að sinna áhugamálum sínum. " Nú er
málum þannig háttað, að Ljósmyndaklúbb-
urinn þarf að hafa ærinn tækjakost, til að
geta starfað sem slíkur, en ekki sem
skemmtikvölda og kvikmyndasýningaklúbb-
ur, eins og var fyrsta árið. Aðalverkefni
stjórna hans þá tvo vetur, sem klúbburinn
hefur starfað, hefur verið að koma upp
þessum tækjum, þannig að nú á hann tæki
fyrir meir en 20.000 krónur, bæði í vinnu-
stofu og til útláns. Þeir styrkir (6500 kr.),
sem hann hefur þegið hjá Framtíðinni,hafa
allir farið í að auka tækjakostinn, en ekki
verið stundargaman eitt fyrir "þröngan
hóp manna", eins og komizt er að orði i
greininni. Þessi hópur er nú 70 manns,
sem gera má ráð fyrir að taki virkan þátt
í starfsemi klúbbsins, en sé ekki aðeins
"fxmdaskraut", eins og oft vill verða í
félagssamtökum skólans.
Hvert hefur þá orðið okkar starf í sex-
hundruð daga? Klúbburinn á nú góða
vinnustofu, sem er vel á veg komin með
að verða enn betri með því að flytja í nýtt
húsnæði í kjallara Leikfimihússins. Þegar
þa.r að kemur, mun vinnustofa þessi verða
opin meðlimum klúbbsins alla daga vikunn-
ar kl. 8-24. Einnig verður reynt eftir
megni að fá viðurkennda myrkraverka-
fræðinga til að kenna þeim sem þess óska
fræði sfn. Við vonum, að sem allra flest-
ir noti sér þetta tækifæri (til að framleiða
myndir ).
Utlánstæki klúbbsins eru þessi :
Sýningavél fyrir litskuggamyndir, rafeinda-
flash, sýningatjald og safn litskuggamynda.
Þessa gripi getur hver sem er af nemendr
um skólans fengið leigða, jafnvel þó að
hann sé ekki meðlimur klúbbsins. Safn það,
sem um er að ræða, inniheldur um 150
myndir, flestar þeirra landslagsmyndir,^en
einnig talsverður fjöldi mynda úr skólalíf-
inu, sem vonandi á eftir að aukast eftir því
sem tímar líða fram.
I fyrra voru þeir bekkir skólans, sem
þess óskuðu, afmyndaðir, og er ætlunin að
svo verði einnig í ár. Þvx miður er ekki
hægt að fela þetta verk neinum af ljós-
myndurum skólans, þar sem atvinnuljós-
myndarar hafa einokun á sviðinu og ekki er
beint æskilegt, að skólinn gangi í berhögg
við slíkt. Þess vegna mun fenginn ljós-
myndari til að annast þetta síðar í vetur,
þegar fjórðubekkingar hafa slegið rót í
annarri hvorri deildinni og eru hættir að
flakka á milli.
í vetur verður reynt að halda fundi eftii;
því sem unnt er, og fengnir kunnugir menn
til að ræða um hugðarefni ljósmyndara svo
og nýjungar á því sviði. Einnig er ætlunin
að hafa nokkrar kvikmyndasýningar á góð-
um og sjaldséðum myndum asamt einhverju
öðru, sem fer vel í maga. Þá mun ef til
vill haldin ljósmyndasýning, ef áhugi er
fyrir hendi.
Já, áhuginn - félagsskapur sem Ljós-
myndaklúbburinn stendur og fellur með
honum og þess vegna er öll starfsemi
háð honum.
Stefán Glúmsson
form.