SunnudagsMogginn - 22.05.2011, Blaðsíða 11

22. maí 2011 11
Hún er smávaxin, glaðvær,
syngur og leikur á bassa og
kemur iðulega fram í leðri frá
toppi til táar. Enda þótt hún sé
fædd í Bandaríkjunum lét Suzi
Quatro fyrst að sér kveða í Bret-
landi snemma á áttunda ára-
tugnum og önnur smáskífa
hennar „Can the Can“ tröllreið
vinsældalistum um alla Evrópu
árið 1973. Quatro tók af öll tví-
mæli, stelpur geta líka rokkað!
Glysrokkbylgjan hin fyrri þreif
hana með sér enda þótt sumum
þyki ef til vill fullmikið kúlu-
tyggjóbragð af tónlist hennar. Í
kjölfarið komu nokkur lög sem
náðu bærilegum vinsældum,
meðal annars „If You Can’t Give
Me Love“ árið 1978. Ekki kveikti
Ameríka þó enn á perunni. Það
breyttist ári síðar, þegar dúett
Quatros og Chris Normans úr
Smokie, „Stumblin’ In“ náði
fjórða sæti Billboard-listans.
Það er eini smellur hennar í
heimalandinu til þessa dags.
Eftir þetta daðraði Quatro við
pönk og nýbylgju en hafði ekki
erindi sem erfiði, síðasta lagið
sem hún kom inn á vinsælda-
lista var „Heart Of Stone“ 1982.
Enn á ferð og flugi
Því fer þó fjarri að Suzi Quatro
hafi lagt bassann á hilluna. Hún
tók sér að vísu gott hlé á níunda
áratugnum en frá árinu 1990
hefur hún sent frá sér fjórar
breiðskífur, þá síðustu 2006.
Samtals hefur hún selt um
fimmtíu milljónir platna, sem er
dágott, og ferðast enn um heim-
inn til að spila á tónleikum, eins
og enginn sé morgundagurinn.
Að sögn heldur hún um sextíu
tónleika á ári. Hvernig væri að fá
Quatro í Hörpuna með haust-
inu? Fyrst menn grófu upp
Cyndi Lauper er allt hægt!
Susan Kay Quatro fæddist í
sjálfri rokkborginni Detroit árið
1950 og verður 61 árs handan
við mánaðamótin. Faðir hennar
var ítalsk-bandarískur en móð-
irin frá Ungverjalandi. Margir
eru sjálfsagt sannfærðir um að
Quatro sé listamannsnafn en svo
er ekki. Hinn ítalski afi söng-
konunnar stytti fjölskyldunafn
sitt úr Quattrocchi þegar hann
settist að í Bandaríkjunum.
Fjórtán ára stofnaði Quatro
stúlknahljómsveitina Pleasure
Seekers and Cradle ásamt systr-
um sínum, Patti, Nancy og Ar-
lene. Patti gekk síðar í raðir í
Fanny, sem var ein af fyrstu
stúlknasveitunum til að vekja
athygli á landsvísu í Bandaríkj-
unum. Arlene er líklega frægust
fyrir að vera móðir leikkon-
unnar Sherilyn Fenn, sem meðal
annars gerði garðinn frægan í
sjónvarpsþáttum Tvídröngum.
Bróðir þeirra Quatro-systra,
Michael, hefur einnig fengist við
tónlist.
Af öðrum afrekum Suzi
Quatro má nefna að hún fór með
hlutverk hinnar eldhressu
Leather Tuscadero í sjónvarps-
þáttunum Happy Days sem
nutu mikilla vinsælda á áttunda
áratugnum. Quatro er fráskilin
og á tvö uppkomin börn. Hún
býr í Essex á Englandi.
orri@mbl.is
Hvað varð um …
Suzi Quatro
Suzi Quatro hefur engu gleymt og túrar af krafti, orðin sextug að aldri.
Suzi Quatro á hátindi ferilsins.
Það er snar þáttur í lífi kvikmyndastjörnunnar að
sitja fyrir á ljósmyndum og mæta hér og þar til að
kynna nýjustu afurðina. Gildir þá einu hvort um
er að ræða manneskjur eða apaketti. Þessu hefur
apakötturinn Crystal fengið að kynnast að und-
anförnu en hún fer með hlutverk í kvikmyndinni
Hangover: Part II sem frumsýnd verður vestan
hafs í næstu viku.
Hangover: Part II er sjálfstætt framhald einnar
vinsælustu gamanmyndar síðustu ára, Hangover,
sem gerð var árið 2009. Ef marka má sýnishorn úr
nýju myndinni lenda söguhetjurnar í síst minni
vandræðum nú.
Leikstjóri er Todd Phillips en auk Crystal fara
með aðalhlutverkin Bradley Cooper, Ed Helms,
Zach Galifianakis og Justin Bartha.
Apar eftir stjörnunum
Veröldin
Reuters
Tenórarnir 3
og einn í útrás
Jóhann Friðgeir Garðar Thór Cortes
Gissur Páll Snorri Wium
Diddú og Óskar Pétursson - Óperukórinn í Reykjavík
Föstudaginn 3. júní kl. 20.00
Miðasala
í Hörpu
og á
harpa.is
aukatónle
ikar
í hörpu
Miðasala
hefst
kl.12
á mán
udagin
n