SunnudagsMogginn - 22.05.2011, Blaðsíða 6

6 22. maí 2011
„Ég er í mikilli geðshræringu núna
en fagna dómsúrskurðinum sem
var að falla, biðin hefur verið löng.
Gleymum því þó ekki að málinu er
hvergi nærri lokið. Allt sem ég get
hugsað um núna er Stephen og að
réttlætið nái vonandi fram að
ganga. Þetta hefur verið löng og
ströng barátta,“ sagði móðir
Stephens Lawrence, Doreen, fyrir
utan dómshúsið í vikunni.
Hún notaði tækifærið til að
þakka eftirlifandi börnum sínum,
Stuart og Georginu, ómetanlegan
stuðning en málið hefur að vonum
tekið sinn toll af fjölskyldunni. Do-
reen er til að mynda skilin við föð-
ur barnanna, Neville. Hann býr nú
á Jamaíka, þar sem hjónin fædd-
ust bæði, en var viðstaddur dóms-
úrskurðinn.
„Nú er ég mjög ánægður og get
andað léttar. Ég var mjög tauga-
óstyrkur í gærkvöldi,“ tjáði hann
fjölmiðlum.
Doreen Lawrence hefur að
miklu leyti helgað líf sitt minningu
sonar síns og veitir nú Stephen
Lawrence-stofnuninni forstöðu en
hlutverk hennar er að styðja ungt
fólk til náms í arkitektúr.
Vonandi nær réttlætið fram að ganga
Doreen Lawrence leggur blómsveig þar sem sonur hennar var myrtur.
U
pplýst var í Lundúnum í vikunni að
tveir menn, Gary Dobson og David
Norris, hefðu verið teknir höndum og
yrðu síðar á árinu dregnir fyrir dóm
grunaðir um morðið á ungum blökkumanni,
Stephen Lawrence, árið 1993. Um er að ræða eitt
umtalaðasta óleysta morðmálið í Bretlandi á síðari
árum en margt bendir til þess að Lawrence hafi
verið myrtur fyrir það eitt að vera dökkur á hör-
und. Sérstakan úrskurð áfrýjunarréttar þurfti í til-
viki Dobsons en dómstólar sýknuðu hann og tvo
aðra menn af glæpnum árið 1996, þar sem ekki
voru nægar sannanir fyrir hendi. Rík ástæða þarf
að vera til að ákæra mann í tvígang fyrir sama
glæpinn og rökstuddi saksóknari mál sitt með
þeim hætti að ný lífsýni, tekin af jakka og peysu
Dobsons, bentu ótvírætt til sektar hans. Áfrýj-
unarréttur kvað upp úrskurð sinn á miðvikudag
en fordæmi fyrir því að svokallaðri „double jeop-
ardy“-reglu sé hnekkt í breskri réttarsögu má víst
telja á fingrum annarrar handar.
Norris lá undir grun við frumrannsókn málsins
en hefur ekki í annan tíma verið ákærður fyrir
morðið. Málið á hendur þeim Dobson verður tekið
fyrir í nóvember.
Dobson og Norris voru handteknir í september á
síðasta ári en saksóknari hélt þeim upplýsingum
vísvitandi frá fjölmiðlum þar til nú í vikunni
vegna rannsóknarhagsmuna.
Alla tíð angað af kynþáttahatri
Eftir að Dobson og félagar voru sýknaðir lá rann-
sókn málsins niðri í áratug. Að áeggjan fjölskyldu
Lawrence ákvað lögregla að taka málið upp að
nýju árið 2006, meðal annars með áherslu á líf-
sýni. Sú vinna hefur nú loks skilað árangri. Málið
hefur alla tíð angað af kynþáttahatri og frétta-
skýrendur fullyrða að það hafi varpað skugga á
samskipti hvítra og svartra í Bretlandi.
Að kvöldi 22. apríl 1993 var Stephen Lawrence,
átján ára nemi, að bíða ásamt félaga sínum, Du-
wayne Brooks, eftir strætisvagni í Eltham í suð-
austurhluta Lundúna þegar hópur hvítra pilta á
sama reki nálgaðist þá með fúkyrðum og ögrandi
háttalagi. Því næst réðust þeir á tvímenningana.
Brooks komst undan á hlaupum en Lawrence var
stunginn í tvígang með eggvopni. Að því búnu
létu árásarmennirnir sig hverfa. Lawrence staul-
aðist á fætur og reyndi að hlaupa á eftir félaga sín-
um. Hann hneig niður aftur og lést skömmu síðar
af sárum sínum á sjúkrahúsi.
Í úrskurði áfrýjunarréttar í vikunni kom fram
að nýju sönnunargögnin tækju ekki af öll tvímæli
um það að Dobson hefði stungið Lawrence til bana
en þau eigi á hinn bóginn að gefa dómnum tilefni
til að meta hvort Dobson og Norris hafi verið í
hópnum sem veittist að Lawrence og Brooks með
þessum skelfilegu afleiðingum.
„Haldi nýju gögnin vatni munu þau sýna fram á
að Dobson var mjög nálægt Stephen Lawrence
þegar ráðist var á hann og eftir að hann var stung-
inn. Sú nálægð getur varla verið tilviljun,“ segir í
dómsorði.
Lögmaður Dobsons, Timothy Roberts, ber
brigður á nýju sönnunargögnin og telur ólíklegt að
þau haldi fyrir dómi. Augljóst sé að þau hafi spillst
á þessum langa tíma. „Varðveisla þessara sönn-
unargagna getur ekki staðist ýtrustu kröfur.“
Ákærður að nýju
fyrir sama glæp
Vatnaskil í einu frægasta
óleysta morðmáli Bretlands
Hinn myrti, Stephen Lawrence var aðeins átján ára þegar hann lést.
Hinir ákærðu í málinu: Gary Dobson og David Norris.
Dobson kemur nú aftur fyrir dóm vegna glæpsins.
Vikuspegill
Orri Páll Ormarsson orri@mbl.is
Stephen Lawrence fæddist
13. september 1974, elstur
þriggja systkina, og var því að-
eins átján ára þegar hann var
myrtur. Hann var afburða-
námsmaður og hafði sýnt
áhuga á að nema arkitektúr í
framtíðinni. Lawrence var vel
liðinn, guðhræddur, eins og
allt hans fólk, og þótti liðtæk-
ur í íþróttum.
Afburða-
námsmaður
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Morgunblaðið
gefur út glæsilegt
sérblað um
Tísku og förðun
föstudaginn
3. júní
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 30. maí.
Í Tísku og förðun verður fjallað
um tískuna sumarið 2011 í
förðun, snyrtingu, sólarkrem-
um og fatnaði auk umhirðu
húðarinnar, dekur og fleira.
Tíska & förðun
SÉRBLAÐ