Morgunblaðið - 01.04.2010, Qupperneq 16

16 FréttirINNLENT
MORGUNBLAÐIÐ FIMMTUDAGUR 1. APRÍL 2010
ÚTLIT er fyrir að fjöldi erlendra
ferðamanna heimsæki Reykjavík
um páskana samkvæmt upplýs-
ingum frá flugfélögum og hótelum í
borginni. Gosið í Eyjafjallajökli
virðist hafa haft jákvæðar afleið-
ingar á eftirspurn eftir ferðum til
landsins en þó hefur það einnig
gerst að fólk hafi afbókað Íslands-
ferð að ótta við gos. Óhætt er þó að
fullyrða, miðað við fyrirspurnir
blaðamanna og fleiri til Höfuðborg-
arstofu, að gosið sé mikilvæg land-
kynning og líklegt til að hafa já-
kvæð áhrif á straum ferðamanna til
landsins. Ferðaskipuleggjendur
hafa nú 13 gosskoðunarferðir í
boði. Þá eru ótaldar ferðir sem
einkum höfða til Íslendinga.
Morgunblaðið/RAX
Vinsælt Margir vilja heimsækja
landið og skoða eldgosið.
Ferðamannapáskar
AFMÆLISFUNDUR AA-samtak-
anna verður haldinn að venju í
Laugardalshöllinni á morgun,
föstudaginn langa. Húsið opnað kl.
19.30 en fundurinn hefst kl. 20.30.
Kaffiveitingar að fundi loknum.
Táknmálstúlkur verður á fund-
inum.
Allir velkomnir.
AA-menn, vinir og velunnarar
eru hvattir til að koma saman og
fagna 56 ára starfi AA-samtakanna
á Íslandi.
Hátíðarfundur
AA-samtakanna
STJÓRN SFR samþykkti ályktun í
fyrradag þar sem kemur fram að:
„Góð almannaþjónusta er grunnur
að hagsæld og velferð fólks í land-
inu. Því mega skammtímasjón-
armið um hagræðingu og samein-
ingu þegar þrengir að ekki verða til
þess að eyðileggja hana til fram-
tíðar. Þvert á móti þarf að verja
hana og efla enn frekar á erfiðum
tímum. Stjórn SFR leggur áherslu á
það að í áætlunum um sameiningu
og hagræðingu séu störf ríkis-
starfsmanna tryggð. SFR leggur
áherslu á að ríkisstarfsmenn verði
ekki sendir út í atvinnuleysi. Í slík-
um vanhugsuðum aðgerðum felst
enginn sparnaður.“
Tryggi þjónustu
AUÐUR Guð-
jónsdóttir, hjúkr-
unarfræðingur
og stjórnarfor-
maður Mænu-
skaðastofnunar
Íslands, hefur af-
hent Zsuzönnu
Jakab, yfirmanni
Evrópudeildar
WHO, Alþjóða-
heilbrigðismála-
stofnunarinnar, áskoranir frá um
5.000 Norðurlandabúum um að
WHO láti til sín taka í leitinni að
lækningu á mænuskaða. Undir-
skriftasöfnunin fór fram samhliða
auglýsingaátaki Mænuskaða-
stofnunar á öllum Norðurlöndum í
desember sl. Frú Jakab lofaði frum-
kvæði Íslands og hét því að málið
yrði skoðað vandlega.
Afhentu áskoranir
gegn mænuskaða
Auður
Guðjónsdóttir
Eftir Björn Jóhann Björnsson
bjb@mbl.is
TRYGGVI Axelsson, forstjóri
Neytendastofu, hvetur olíufélögin
til að efla verðupplýsingagjöf sína
og birta á netinu verð á hverri bens-
ínstöð fyrir sig.
Með aukinni
verðsamkeppni
félaganna á
sömu vörunni,
innan sama fé-
lags og eftir
staðsetningu
bensínstöðva, sé
orðið dýrmæt-
ara fyrir neyt-
endur að fá
þessar upplýsingar skýrt fram til
að auðvelda þeim verðsamanburð.
„Eldsneytiskaup eru farin að skipta
neytendur verulegu máli í heim-
ilishaldinu, enda eru bensínútgjöld
einnar fjölskyldu orðin dágóð upp-
hæð í dag. Betri verðupplýsingar
ættu að efla samkeppni og vera
neytendum til hagsbóta,“ segir
Tryggvi og telur það einnig geta
komið til greina að skoða löggjöfina
en samkvæmt núgildandi lögum og
reglum er félögunum aðeins skylt
að upplýsa um verð á sölustað, ekki
á netinu nema þau vilji. Sjálfs-
afgreiðslufélögin Orkan, ÓB og Atl-
antsolía gera þetta fyrir hverja
bensínstöð en ekki stóru félögin;
N1, Olís og Skeljungur. Þar er ým-
ist birt algengt verð, meðalverð eða
lægsta verð á höfuðborgarsvæðinu
og landsbyggðinni, líkt og N1 og
Olís gera.
„Neytendur verða að fara á stað-
inn til að finna út besta verðið, eins
og lögum og reglum er háttað nú.
Þeir geta heldur ekki gert almenni-
legan verðsamanburð á netinu en
það má spyrja sig af hverju ný
tækni ætti ekki að auðvelda okkur
aðgengi og samanburð á verð-
upplýsingum. Það hefur verið mikil
tregða til þess,“ segir Tryggvi.
Hann hefur kynnt sér hvernig
þessum málum er háttað á Norð-
urlöndum. Þannig sé eldsneyt-
isverð ekki birt á netinu í Svíþjóð
og þar sé verðsamkeppni almennt
frekar lítil. Verðlagningarstefna
Svía hafi verið svipuð þeirri sem
ríkt hefur hér á landi. Hins vegar sé
heldur meiri samkeppni í Dan-
mörku þó að löggjöfin sé svipuð,
þ.e.a.s. félögunum er ekki skylt að
birta verð á netinu fyrir hverja stöð
en hins vegar standi samtök bif-
reiðaeigenda þar í landi fyrir vef-
síðu sem safnar verðupplýsing-
unum saman.
Stóru félögin tregari
Hér á landi er komin af stað vef-
síða, www.bensinsverd.is, sem birt-
ir á einum stað verð allra stöðva
sjálfsafgreiðslufélaganna, þ.e. Ork-
unnar, ÓB og Atlantsolíu, en aðeins
algengt verð og meðalverð stóru fé-
laganna. Hugbúnaðarfyrirtækið
Seiður stendur að vefnum. „Þetta
var alfarið okkar framtak, sem við
fórum af stað með af eigin áhuga.
Við tengjumst hvorki FÍB né neinu
olíufélagi,“ segir Tryggvi Hjörvar
hjá Seiði en FÍB er þó með tengil á
sínum vef yfir á bensinverd.is, sem
hefur einnig slóðina gsmbensin.is.
Tryggvi segir upplýsingarnar alfar-
ið byggðar á því sem félögin birta á
sínum vefsíðum. Stóru félögin hafi
verið tregari til að gefa upp verð á
öllum stöðvum þar sem þau segjast
vera á markaðnum á öðrum for-
sendum en „lággjaldafélögin“ Ork-
an, ÓB og Atlantsolía. Frekari upp-
lýsingar yrðu bara fagnaðarefni.
Morgunblaðið/Ómar
Samkeppni Aukinn verðmunur hefur verið hjá olíufélögunum, jafnvel innan sama félags. Þau birta hins vegar ekki öll eldsneytisverðið á netinu.
Verð verði birt á netinu
 Forstjóri Neytendastofu hvetur olíufélögin til að auka verðupplýsingar og
þær verði birtar á netinu fyrir hverja stöð  Til greina komi að skoða löggjöfina
Eftir Ágúst Inga Jónsson
aij@mbl.is
ÚTHLUTUN 500 tonna af skötusel
gegn sérstöku gjaldi mun eflaust
koma mörgum grásleppukarlinum
vel, en skötuselur hefur verið vax-
andi sem meðafli í grásleppunetin.
Ingvar Pétursson, sem gerir út frá
Hólmavík, segist hafa fengið um 400
kíló af skötusel fyrstu tvo dagana og
hafa landað um 800 kílóum á mark-
aði.
„Það er algjörlega nýtt að svona
mikið sé af skötusel í Húnaflóanum,“
segir Ingvar. „Í fyrra fengum við
einn og einn skötusel, en nú virðist
hann vera kominn um allt. Ég hef
líka heyrt að Vestirðingarnir séu að
fá mikið af skötusel fyrir vestan og
það jafnvel á línuna.“
Eftir tvo góða daga í upphafi grá-
sleppuvertíðar hefur verið stöðug
bræla í Húnaflóanum. Fyrir utan
einn dagpart hefur Ingvar ekki getað
róið í 15 daga eða fjórðung vertíð-
arinnar. „Maður er alveg í öngum
sínum út af þessari ótíð og ég hangi
yfir veðrinu í þeirri von að geta skot-
ist út,“ segir Ingvar.
500 tonn af skötusel gegn gjaldi
Í reglugerð sem sjávarútvegsráðu-
neytið gaf út í gær er fjallað um sér-
staka úthlutun aflaheimilda á 500
tonnum af skötusel á þessu fiskveiði-
ári. Í fréttatilkynningu segir að út-
hlutunin sé gerð að höfðu samráði við
síðar en 3. maí 2010 á grundvelli um-
sókna sem borist hafa stofunni eigi
síðar en 26. apríl 2010. Ef umsóknir
um aflaheimildir eru umfram þær
aflaheimildir sem til ráðstöfunar eru,
skal Fiskistofa skipta því sem til ráð-
stöfunar er jafnt á milli umsækjenda,
enda hafi umsækjandi ekki sótt um
minna magn en því nemur. Framsal
aflaheimilda sem úthlutað er sam-
kvæmt reglugerð þessari er óheimilt.
Þá var í gær gefin út sérstök reglu-
gerð um veiðar á skötusel í net. Þar
kemur fram að óheimilt er að stunda
veiðar með skötuselsnetum á tíma-
bilinu 1. janúar – 30. apríl. Ekki er
heimilt á sama tíma að stunda neta-
veiðar á skötusel og netaveiðar á
þorskfiski.
Hafrannsóknastofnun. Heimilt er að
úthluta á skip allt að fimm lestum í
senn gegn greiðslu 120 króna á kíló,
enda hafi viðkomandi skip leyfi til
veiða í atvinnuskyni.
Fiskistofa annast þessa úthlutun
aflaheimilda sem skal fara fram eigi
Talsvert af skötusel veiðist
í grásleppunetin í Húnaflóa
 Kvóti gegn gjaldi gæti nýst grásleppukörlum  Framsal aflaheimilda óheimilt
Hermann Guðmundsson, forstjóri N1, segist ekki
getað tekið heilshugar undir hugmyndina um að ol-
íufélögum sem öðrum verði gert skylt að birta verð á
netinu á öllum sínum vörum. Það sé einkenni sam-
keppninnar á eldsneytismarkaðnum í dag, þar geisi
„skærur“ á einstökum svæðum. „Félögin vakta hvert
annað og reyna að ná forskoti en um leið og verðið
er orðið lifandi á netinu finnst mér enginn hvati vera
lengur til þess að stunda svona skæruhernað. Ef
menn sjá að keppinauturinn breytir alltaf verði hjá
sér þá enda allir með nánast sama verðið. Þessi
aukna upplýsingagjöf getur því virkað í báðar áttir,“
segir Hermann. Hann segir bensín ekkert merkilegra en aðra vöru, fólk
kaupi kannski eldsneyti einu sinni í viku en fari jafnvel daglega í mat-
vörubúðir þar sem verðinu er breytt oft á dag. „Matvöruverslanir aug-
lýsa verð á 10 til 20 vörunúmerum en enginn veit hvað allar hinar vörurn-
ar kosta fyrr en þú mætir þangað. Neytandinn veit ekki hvort hann er
með ódýrustu matarkörfuna fyrr en hann kemur heim. Það væru ríkari
hagsmunir, ef menn ætluðu sér að ná einhverju miðstýrðu verðeftirliti,
að matvara væri þá undir þessum hatti,“ segir Hermann.
Minnkar hvata til að stunda skæruhernað
Hermann
Guðmundsson
Tryggvi Axelsson