Fréttablaðið - 14.11.2011, Blaðsíða 16

14. nóvember 2011 MÁNUDAGUR16
Ástkær eiginmaður minn, faðir okkar,
tengdafaðir, sonur og afi,
Ólafur Andrésson
frá Laugabóli, Mosfellsdal,
Asparteigi 3, Mosfellsbæ,
lést á Landspítalanum fimmtudaginn 3. nóvember.
Hann verður jarðsunginn frá Guðríðarkirkju
miðvikudaginn 16. nóvember kl. 13.00.

Hulda Katla Sæbergsdóttir
Vivian Ólafsdóttir Elvar Gunnarsson
Anní Ólafsdóttir Hilmir Berg Ragnarsson
Örn Ólafsson
Natan Máni Ólafsson
Valgerður Valgeirsdóttir
og barnabörn.
Ástkær móðir okkar, tengdamóðir,
amma og langamma,
Karólína Kristín
Jónsdóttir Waagfjörð
frá Garðhúsum, áður til heimilis að
Hvassaleiti 24,
lést á Droplaugarstöðum fimmtudaginn 10. nóvember.
Jarðarförin verður auglýst síðar.
Aðstandendur.
Ástkær faðir minn, tengdafaðir, afi
og langafi,
Árni A. Eiríksson
Hrafnistu, Hafnarfirði,
andaðist 5. nóvember. Útförin fer fram frá Hafnar-
fjarðarkirkju miðvikudaginn 16. nóvember kl. 13.00.
Guðbjörg Árnadóttir Sigfús Jóhannesson
Árni Þ. Sigfússon
Sonja D. Sigfúsdóttir Elvar H. Aðalgeirsson
Sigfús Kári og Dagný Lilja.
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
RITHÖFUNDURINN ASTRID LINDGREN (1907-2002) fæddist þennan dag.
„Hafi mér tekist að gleðja eitt vansælt barn, þá er ég sátt.“
Merkiastburðir
1665 Konungslögin um einveldið í Danmörku undirrituð af
Friðriki 3.
1894 Sjómannafélagið Báran stofnað í Reykjavík.
1917 Staðfest lög um sjálfræði og fjárræði manna. Samkvæmt
þeim verða menn sjálfráða 16 ára og fjárráða 21 árs. Síðar
lækkar fjárræðisaldur í 20 ár hinn 19. desember 1967 og í
18 ár hinn 1. október 1979.
1922 Breska ríkisútvarpið BBC hefur útsendingar.
1930 Hitaveita Reykjavíkur tekin í notkun með 2.800 metra
langri heitavatnslögn frá þvottalaugunum í Laugardal.
Þetta var fyrsta hitaveita á Íslandi og tengdust henni 70 -
80 hús, þar á meðal Sundhöllin og Landspítalinn.
1956 Togarinn Fylkir siglir á tundurdufl norður af Straumnesi og
sekkur. Öll áhöfnin bjargast um borð í togarann Hafliða.
1963 Ríkisstjórn undir forsæti Bjarna Benediktssonar tekur við
völdum og situr í tæplega sjö ár.
1970 Bílgreinasambandið er stofnað á Íslandi.
1972 Dow Jones-vísitalan fer yfir þúsund stig í fyrsta skipti.
1985 Hólmfríður Karlsdóttir er kjörin Ungfrú heimur.
2007 Jarðskjálfti upp á 7,7 á Richter skekur Chile.
2009 Haldinn er um 1.500 manna þjóðfundur í Laugardalshöll í
Reykjavík um framtíðarstefnu Íslands.
Surtsey er syðsta eyjan í Vestmannaeyja-
klasanum. Hún er eina eyjan sem
myndast hefur í mesta neðansjávareldgosi
á sögulegum tíma.
Menn urðu gossins fyrst varir klukkan
7.15 að morgni 14. nóvember 1963, þegar
það braust upp úr yfirborði sjávar skammt
frá fiskibátnum Ísleifi II frá Vestmanna-
eyjum. Skipverjar mældu sjávarhita í
hálfrar mílu fjarlægð og var hitastigið
nálægt 10°C.
Gosið magnaðist hratt og varð hár gos-
mökkur. Morgunin eftir sást að eyja hafði
myndast í gosmekkinum og hefur gosið
því hafist nokkrum dögum áður en þess
varð vart.
Surtseyjargosið stóð fram til 5. júní
1967, eða í um það bil þrjú og hálft
ár. Síðan þá hefur flatarmál eyjunnar
minnkað úr 2,7 km2 í 1,4 km2 sökum rofs
sjávar og vinda.
Heimild: wikipedia.org.
ÞETTA GERÐIST: 14. NÓVEMBER 1963
Surtseyjargossins fyrst vart
Sigtryggur Bjarni Baldvinsson opnaði um helgina sýningu
í Listasafni ASÍ. Heiti hennar er Móðan gráa – Myndir af
Jökulsá á Fjöllum. Sýningin samanstendur af olíumálverk-
um, vatnslitamyndum og tölvuunnum ljósmyndum af því
görótta fljóti, Jökulsá á Fjöllum.Í olíuverkunum eru blæ-
brigði lita og forms fljótsins dregin fram og reynt að endur-
varpa einhverju af dimmri og þungri orku vatnsins. Í vatns-
litaverkunum er hrynjandi árinnar dreginn fram með skýrri
afmörkun forma og aukinni þéttni lita. Ljósmyndaverkin
bera sameiginlegan titil eða yfirskrift: „Jökulsárárar.“
Sigtryggur er menntaður við Myndlistaskólann á Akur-
eyri, Myndlista- og handíðaskóla Íslands og National Super-
ieur des Arts Plastique og hann útskrifaðist úr École des
Arts Decoratifs in Strasbourg árið 1994. Hann hefur haldið
margar einkasýningar og tekið þátt í samsýningum víða um
landið.
Safnið er opið alla daga nema mánudaga frá kl. 13 til 17 og
aðgangur er ókeypis. Sýningin stendur til 11. desember.
Myndir af Jökulsá á Fjöllum
ÚFIÐ FLJÓT Sigtryggur Bjarni Baldvinsson hefur opnað sýningu í
Listasafni ASÍ.
MYND/ERLING ÓLAFSSON
Málræktarþing Íslenskrar mál nefndar
og Mjólkursamsölunnar fór fram á
laugardag og þar veitti Íslensk mál-
nefnd þrjár viðurkenningar fyrir störf
í þágu íslenskrar tungu.
Þau er hlutu verðlaun fyrir störf í
þágu íslenskrar tungu voru Orðanefnd
rafmagnsverkfræðingadeildar Verk-
fræðingafélags Íslands, Reykjavíkur-
borg og Ríkisútvarpið.
Orðanefnd rafmagnsverkfræðinga-
deildar hlaut viðurkenningu fyrir ötult
íðorðastarf undanfarin sjötíu ár, en
nefndin hefur tekið saman vönduð orða-
söfn um efni á borð við þráðlaus fjar-
skipti, ljósleiðara- og geimfjarskipti,
loftnet og bylgjuútbreiðslu.
Reykjavíkurborg var veitt viður-
kenning fyrir að hafa notendaviðmót á
íslensku í öllum tölvum í grunn skólum
borgarinnar og loks var RÚV veitt við-
urkenning fyrir að gera það að skil-
yrði að öll lög skuli sungin á íslensku í
Söngvakeppni Sjónvarpsins.
Haraldur Bernharðsson, vara-
formaður Íslenskrar málnefndar, segir
viðurkenningarnar verðskuldaðar og
nefndin voni að þær virki hvetjandi á
aðra til að sinna þessum málum.
„Reykjavíkurborg reið á vaðið og
er eina sveitarfélagið sem hefur not-
endaviðmót á íslensku í öllum tölvum
í grunnskólum borgarinnar. Textar í
Söngvakeppni Sjónvarpsins hafa smám
saman færst yfir á ensku og það þótti
okkur leitt. Þetta er alíslensk keppni
fyrir íslenska áhorfendur auk þess sem
vel gerðir textar geta örvað málnotkun
barna. Það er von okkar að í framtíð-
inni verði íðorðasmíð áfram í blóma,
að önnur sveitafélög fylgi fordæmi
Reykjavíkurborgar og auðvitað vonum
við einnig að fólk haldi áfram að syngja
á íslensku,” segir Haraldur.
Að sögn Haraldar gekk þingið vel
og voru lagðar fram þrjár ályktanir
um stöðu íslenskrar tungu árið 2011.
Þar er meðal annars fjallað um nýleg-
ar fregnir af minnkandi bóklestri og
dvínandi lesskilningi íslenskra barna
og unglinga. Þá er vakin athygli á því
að í íslenskum grunnskólum sé minni
tíma varið til móðurmálskennslu en í
öðrum norrænum löndum og að nem-
endur við Kennaraháskólann fái sífellt
minni menntun í íslensku.
„Þetta eru óheillavænlegar breyt-
ingar og vert að vekja athygli á þessum
málefnum,“ segir Haraldur Bernharðs-
son. - sm
ÍSLENSK MÁLNEFND OG MS: STÖRF Í ÞÁGU ÍSLENSKRAR TUNGU VERÐLAUNUÐ
Syngjum áfram á íslensku
VIÐURKENNING VEITT Guðrún Kvaran, formaður Íslenskrar málnefndar, ásamt Páli Magnússyni, Hirti Grétarssyni, upplýsingatæknistjóra Reykja-
víkurborgar, Sigurði Briem, formanni Orðanefndar rafmagnsverkfræðingadeildar Verkfræðingafélags Íslands, og Haraldi Bernharðssyni.