Fréttablaðið - 14.11.2011, Blaðsíða 49

MÁNUDAGUR 14. nóvember 2011 25
Vesturhrauni 3 · 210 Garðabæ.
Sími 480-0030 · www.burstagerdin.is
- Í öll anddyri
- Hvaða stærð sem er
- Afgreidd á 2 dögum
• •
FIMLEIKAR Hildur Ólafsdóttir
og Róbert Kristmannsson og
íslensks kvennasveitin unnu
bronsverðlaun á Norður-Evrópu-
mótinu í áhaldafimleikum sem
lauk í Uppsölum í Svíþjóð í gær.
Hildur vann bronsið sitt á gólfi en
Róbert á bogahesti. Róbert varð
einnig þriðji á þessu móti í fyrra.
Viktor Kristmannson og Bjarki
Ásgeirsson voru báðir líklegir
til að vinna verðlaun í úrslitum á
áhöldum í gær en tókst ekki nógu
vel upp. Bjarki varð í fjórða sæti
á bogahestinum þrátt fyrir fall
og Viktor var að glíma við bak-
meiðsli. Róbert Kristmannsson
gerði hins vegar fínar æfingar á
svifránni og endaði í fjórða sæti.
Íslenska kvennasveitin vann
brons í fjölþrautinni á laugar-
daginn. Íslenska liðið skipuðu
þau Thelma Rut Hermanns-
dóttir, Agnes Suto, Hildur Ólafs-
dóttir, Dominiqua Alma Belányi
og Freyja Húnfjörð Jósepsdóttir.
Thelma náði bestum árangri
íslensku stelpnanna í fjölþraut og
varð þar í 9. sæti. Stráka sveitin
lenti í 4. sæti, hársbreidd frá
bronsinu, og bræðurnir Viktor
og Róbert Kristmannssynir voru
jafnir í 7. til 8. sæti sæti í fjöl-
þrautinni. - óój
N-Evrópumótið i fimleikum:
Þrenn íslensk
bronsverðlaun
RÓBERT KRISTMANNSSON Vann brons
annað árið í röð. FRÉTTABLAÐIÐ/DANÍEL
HÓPFIMLEIKAR Gerplukonur fylgdu Evr-
ópumeistaratitlinum sínum í fyrra eftir
með því að verða Norðurlandameistar-
ar í Larvik í Noregi um helgina. Sigur
Gerpluliðsins var sannfærandi en jafn-
framt mikið afrek fyrir liðið því það
varð fyrir forföllum í aðdraganda móts-
ins. Íris Mist Magnúsdóttir, aðalstjarna
liðsins, gat sem dæmi ekki verið með
eftir að hún sleit hásin skömmu fyrir
mót.
„Við vorum með rosalega mörg stökk
sem við misstum sem hefðu verið mjög
flott úti. Við náðum samt að klára þetta
þrátt fyrir það, sem sýnir það hversu
miklum styrk við búum yfir sem lið,“
sagði Hrefna Þorbjörg Hákonardóttir,
fyrirliði Gerpluliðsins.
„Maður var samt farinn að velta því
fyrir sér hvort örlögin væru á móti
okkur en það átti bara kannski að gera
þetta aðeins erfiðara fyrir okkur,“ sagði
Hrefna, en Sif Pálsdóttir sem meiddist
á ökkla fyrir skömmu harkaði af sér og
kláraði fjögur stökk.
„Það eru engir tveir sigrar eins, en
þessi verður alveg sérstaklega eftir-
minnilegur. Maður horfir til baka og
dáist að því hversu mikil samstaða var
hjá okkur og hversu mikil hörkutól eru
í þessu liði,“ segir Hrefna. Gerplustelp-
urnar fóru á kostum á gólfinu og náðu
þar bestu einkunn allra liða, karla og
kvenna, á mótinu.
„Dansinn tókst rosalega vel hjá
okkur. Þetta var síðasta áhaldið okkar
og við vissum að ef við kláruðum hann
væru allar líkur á því að við myndum
vinna. Við gáfum allt okkar í þennan
dans,“ segir Hrefna.
Gerpla hafði lent í þriðja sæti á síð-
asta Norðurlandamóti en vann nú
gullið eins og árið 2007. „Nú stefnum
við á það að toppa okkur og halda
Evrópu bikarnum. Það hefur ekkert
lið gert, það er að verða Evrópumeist-
ari, Norðurlanda meistari og svo aftur
Evrópu meistari,“ sagði Hrefna. - óój
Gerplukonur urðu Norðurlandameistarar í hópfimleikum þrátt fyrir mörg áföll rétt fyrir mót:
Dáist að hörkutólunum í liðinu sínu
HREFNA HÁKONARDÓTTIR Varð líka Norðurlandameistari árið 2007.
FRÉTTABLAÐIÐ/ANTON