Morgunblaðið - 15.09.2010, Blaðsíða 15

FRÉTTIR 15Erlent
MORGUNBLAÐIÐ MIÐVIKUDAGUR 15. SEPTEMBER 2010
Indverji æfir indverska íþrótt, sem nefnist Malla-
khamb, ásamt félögum sínum í borginni Mumbai.
Heiti íþróttarinnar er samsett úr orðunum
„malla (fimleikamaður) og „khamb“ (staur). Tal-
ið er að ef til vill megi rekja íþróttina til tólftu
aldar en fyrstu öruggu heimildirnar um iðkun
hennar eru frá nítjándu öld. Mallakhamb er
blanda af hefðbundnum indverskum fimleikum
og sjálfsvarnarlistum og íþróttin felst í því að
iðkandinn leikur listir sínar meðan hann heldur
sér við lóðrétta stöng eða staur. Íþróttin nýtur
vaxandi vinsælda á Indlandi. Þjálfari iðkend-
anna á myndinni segir að hópurinn eigi að koma
fram við setningarathöfn Samveldisleikanna í
Nýju-Delhí í næsta mánuði.
Gömul indversk fimleikaíþrótt æfð
Reuters
Leika listir sínar á staur
Viviane Reding, sem fer með dóms-
mál í framkvæmdastjórn Evrópu-
sambandsins, hótaði í gær málshöfð-
un á hendur stjórnvöldum í
Frakklandi vegna aðgerða þeirra
gegn sígaunum.
Reding gagnrýndi frönsku stjórn-
ina harðlega fyrir að senda hundruð
sígauna til Rúmeníu og Búlgaríu frá
því í lok júlí þegar Nicolas Sarkozy,
forseti Frakklands, fyrirskipaði að-
gerðirnar.
„Mér blöskrar þetta ástand sem
er til marks um að fólki sé vísað úr
aðildarríki Evrópusambandsins
vegna þess eins að það tilheyri
ákveðnum minnihlutahópi,“ sagði
Reding. „Þetta er ástand sem ég
hélt að við myndum ekki þurfa að
horfa upp á eftir síðari heimsstyrj-
öldina.“
„Þetta er svívirða“
Viviane Reding sagði að minnis-
blað, sem lekið var í franska fjöl-
miðla í fyrradag, væri „í beinni mót-
sögn“ við yfirlýsingar tveggja
franskra ráðherra sem fullvissuðu
framkvæmdastjórn ESB um að að-
gerðirnar beindust ekki að sérstök-
um þjóðernishópum. Í minnis-
blaðinu, sem skrifstofustjóri franska
innanríkisráðuneytisins sendi lög-
reglustjórum 5. ágúst, segir að rýma
beri „300 búðir og ólöglegar byggðir
innan þriggja mánaða, búðir sígauna
hafa forgang“.
Reding sagði það mjög alvarlegt
mál að ekki skyldi vera hægt að
treysta orðum ráðherra á formleg-
um fundum. „Þetta er svívirða,“
sagði hún. bogi@mbl.is
ESB hótar málshöfðun
 Fulltrúi framkvæmdastjórnar Evrópusambandsins gagnrýnir frönsku ríkis-
stjórnina fyrir að vísa sígaunum úr landi  Sakar franska ráðherra um blekkingu
Viviane
Reding
Nicolas
Sarkozy
Um það bil þrír af hverjum tíu
Norðmönnum telja að Marta
Lovísa prinsessa eigi að afsala sér
titlinum vilji hún halda áfram að
reka englaskóla sinn, samkvæmt
viðhorfskönnun sem norska blaðið
VG birti í gær.
Deila hefur blossað upp að nýju
um norsku prinsessuna eftir að
hún skýrði frá því í viðtali að hún
væri ekki aðeins í sambandi við
engla, heldur einnig framliðna.
„Það er ekki erfitt að komast í
samband við látið fólk, ekki frek-
ar en að ná sambandi við engla.
Það er hægt að ná þessu sambandi
hvenær sem við viljum það,“ sagði
Marta Lovísa í viðtali við Stav-
anger Aftenblad.
Fréttavefur VG hefur eftir
tveimur norskum biskupum að
það samræmist ekki kenningum
kirkjunnar að halda því fram að
hægt sé að hafa samband við
framliðna. Þingmenn úr nánast
öllum flokkum Noregs hafa einnig
mótmælt ummælum prinsess-
unnar og telja að hún hafi gengið
of langt.
„Það að hún skuli halda því
fram að hún sé í sambandi við lát-
ið fólk er eintóm ímyndun. Það er
hættulegt að dufla við hið yfir-
skilvitlega með þessum hætti,“
hefur VG eftir Anne Tingelstad
Wøien, þingmanni Miðflokksins í
kirkjunefnd norska þingsins.
Samkvæmt skoðanakönnuninni
telja 34,6% Norðmanna að um-
mæli prinsessunnar valdi kon-
ungsfjölskyldunni álitshnekki.
32,6% telja að ummælin breyti
engu um virðingu fjölskyldunnar
en 15,5% eru þeirrar hyggju að
meint skyggnigáfa prinsessunnar
efli konungsfjölskylduna.
30,7% aðspurðra sögðu að
Marta Lovísa ætti að afsala sér
prinsessutitlinum. Þegar þátttak-
endur í könnuninni voru spurðir
hvort þeir teldu að hægt væri að
hafa samband við framliðna töldu
23% svo vera en 57% töldu það
ómögulegt. bogi@mbl.is
Segist tala við framliðna
 Um 30% Norðmanna vilja að Marta
Lovísa prinsessa afsali sér titlinum
Reuters
Skyggn? Marta Lovísa prinsessa
með eiginmanni sínum, Ari Behn.
Telja heimskauta-
refinn vera í
útrýmingarhættu
NORÐURHEIMSSKAUTIÐ
Heimskauta-
refurinn, eða
fjallarefurinn, er
á meðal sautján
dýrategunda við
norðurheims-
skautið sem eru
taldar í útrým-
ingarhættu
vegna bráðnunar
hafíssins, að sögn bandarísku um-
hverfisverndarstofnunarinnar
CBD. Á meðal annarra dýra sem
taldar eru í hættu vegna bráðn-
unarinnar eru ísbjörninn, fjórar
tegundir hvala og rostungar, að
sögn The Daily Telegraph.
Leifar af
sprengiefninu
TATP, sem kall-
að hefur verið
„móðir Satans“,
fundust á líkama
manns sem var
handtekinn í
Kaupmannahöfn
eftir að hann
sprengdi
sprengju á hót-
eli, að sögn dagblaðs í Belgíu. Þetta
sprengiefni hefur oft verið notað í
hryðjuverkum, m.a. í London árið
2005 þegar 52 menn biðu bana.
Fanginn var með belgískt skírteini.
Sagður hafa notað
„móður Satans“
Dularfulli fanginn.
DANMÖRK
Viviane Reding kvaðst vera full-
viss um að framkvæmdastjórn
ESB ætti einskis annars úrkosti
en að hefja undirbúning máls-
höfðunar gegn frönsku stjórn-
inni. Dómstóll Evrópusam-
bandsins getur dæmt Frakkland
til að greiða sekt.
Brotið varðar
sektum
MÁLSHÖFÐUN UNDIRBÚIN
Stjórnarandstæðingar á Ítalíu hafa
krafist þess að Silvio Berlusconi
biðji gyðinga afsökunar á ummælum
forsætisráðherrans um Adolf Hitler
í ræðu sem hann flutti á sunnudag.
Berlusconi sló á létta strengi þeg-
ar hann ávarpaði unga stuðnings-
menn sína og sagði m.a. „brandara“
um nasistaleiðtogann. Hann sagði að
stuðningsmenn Hitlers hefðu komist
að því að hann væri enn á lífi og beð-
ið hann um að taka völdin aftur í sín-
ar hendur. Hitler hefði neitað því í
fyrstu en sagt seinna: „Ég kem aft-
ur, en með einu skilyrði: Næst ætla
ég að vera illmenni.“
Forsætisráðherrann talaði um
efnahagssamdráttinn og atvinnu-
leysið í landinu og hvatti unga Ítali
til að gifta sig til fjár. „Ég á dóttur
sem er ólofuð,“ bætti hann við.
Berlusconi áréttaði að hann myndi
halda völdunum þótt stjórn hans
hefði misst öruggan þingmeirihluta
sinn vegna brotthvarfs Gianfranco
Fini og flokksbræðra hans.
Reuters
Umdeildur Silvio Berlusconi á fundi í Róm á sunnudaginn var.
Biðji gyðinga afsökunar
Þeir sem hafa mjög lítinn fé-
lagslegan stuðning eru um 50% lík-
legri til að deyja ungir en þeir sem
eru með sterk félagsleg tengsl, ef
marka má nýja bandaríska rann-
sókn. Hún bendir til þess að þeir
sem eru í reglulegu sambandi við
skyldmenni og vini lifi að meðaltali
3,7 árum lengur en þeir sem lifa í
einsemd.
Þeir sem hafa mjög lítinn fé-
lagslegan stuðning eru jafnlíklegir
til að deyja fyrir aldur fram og
áfengissjúklingar og áhrifin af því
að eignast vini eru svipuð og af því
að hætta að reykja, að sögn vísinda-
manna. Niðurstöðurnar byggjast á
rannsóknum sem náðu til 300.000
manna á þremur áratugum.
Einsemdin styttir
lífið til mikilla muna
BANDARÍKIN