Morgunblaðið - 17.09.2010, Page 4

4 FRÉTTIRInnlent
MORGUNBLAÐIÐ FÖSTUDAGUR 17. SEPTEMBER 2010
Það styttist í að nýtt heimili verði opnað
fyrir utangarðskonur í Reykjavík. Búið
er að finna ákjósanlegt húsnæði fyrir
það og er nú unnið að því að skipuleggja
starfsemina og ráða
starfsfólk svo unnt
verði að opna heim-
ilið svo fljótt sem auð-
ið er. Stofnun sér-
staks heimilis fyrir
utangarðskonur var
eitt af kosningalof-
orðum Samfylking-
arinnar fyrir borg-
arstjórnarkosningar.
Björk Vilhelms-
dóttir, formaður vel-
ferðarráðs, segir að ekki sé miðað við
neina ákveðna dagsetningu fyrir opnun
heimilisins en undirbúningur þess gangi
mjög vel.
Þá samþykkti velferðarráð í gær að
auka þjónustu og stuðning við íbúa smá-
hýsanna á Granda. Töluverður órói hef-
ur verið í kringum smáhýsin síðustu vik-
ur, en úttekt var gerð á starfseminni
síðsumars.
Til stendur að tryggja aðgengi að sól-
arhringsþjónustu og veita fræðslu og
stuðning til nærumhverfisins, að sögn
Bjarkar. Hún segir það von velferðar-
ráðs að þær úrbætur sem nú verður ráð-
ist í muni skila sér í betri lífsgæðum íbúa
og samskiptum þeirra við umhverfi sitt.
Staðan verður endurskoðuð um áramót.
una@mbl.is
Húsnæði fyrir
utangarðskonur
Björk Vilhelms-
dóttir
Hæstiréttur stað-
festi í gær tíu
mánaða fangels-
isdóm yfir karl-
manni á þrítugs-
aldri sem ók á
hjólreiðamann á
Akureyri á síð-
asta ári. Var
maðurinn bæði
undir áhrifum áfengis og vímuefna
er hann ók á hjólreiðamanninn.
Hann var jafnframt dæmdur til að
greiða hjólreiðamanninum, sem
hlaut margvíslega áverka, rúmar
330 þúsund krónur í skaðabætur.
Maðurinn játaði að hafa ekið bif-
reiðinni undir áhrifum áfengis og
vímuefna en neitaði að hafa ekið á
reiðhjólamanninn. Hann hafi ein-
ungis sveigt bifreiðinni í tvígang að
reiðhjólinu. Væntanlega hafi hjól-
reiðamaðurinn, sem var á leið í
vinnu, hjólað á kantstein.
Áður en maðurinn ók á reiðhjóla-
manninn hafði komið til orðaskipta
þeirra á milli. Sagðist ökumaðurinn
hafa reiðst einhverju sem reiðhjóla-
maðurinn sagði við hann en geti
ómögulega munað hvað það var.
Segir í dómi Hæstaréttar að öku-
maðurinn eigi sér engar máls-
bætur. Því sé dómur héraðsdóms
staðfestur og ekki séu efni til að
skilorðsbinda refsinguna.
Dómur yfir ölvuðum
bílstjóra staðfestur
„Það var mikil upplifun og sérstök tilfinning að
koma þarna aftur. Þegar maður kom niður af
jöklinum varð manni ekki hugsað til þess að
maður yrði staddur þarna aftur eftir 60 ár,“ seg-
ir Dagfinnur Stefánsson flugmaður en hann var
annar flugmanna Loftleiðavélarinnar Geysis
sem brotlenti á Bárðarbungu á Vatnajökli þann
14. september árið 1950.
Geysisslysið svonefnda er eitt kunnasta flug-
slys Íslandssögunnar. Vélin var á leið til Íslands
frá Luxemborg. Áhafnarinnar, sex manns, var
leitað í fjóra daga áður en hún fannst. Eftir
tæprar viku dvöl á jöklinum tókst að bjarga allri
áhöfninni og var björgunin mjög erfið.
Það var Flugbjörgunarsveit Reykjavíkur sem
bauð Dagfinni, sem nú er 84 ára gamall en flýg-
ur enn, í ferð að Vatnajökli síðastliðna helgi í til-
efni af því að þá voru 60 ár liðin frá giftu-
samlegri björgun áhafnarinnar. Sveitin fagnar
jafnframt sextugsafmæli sínu í ár. „Það var farið
í Nýjadal og gist þar. Síðan var ekið að Kistufelli
þar sem við komum niður af jöklinum,“ segir
hann.
Sjálfur fór Dagfinnur ekki upp á Bárðarbungu
en gönguhópur gekk þar upp. Hann segist hafa
komið að slysstaðnum aftur fyrir um tíu árum og
því ekkert nýtt verið í því fyrir sig að fara þang-
að upp. „Ég fékk alveg nóg af vistinni þarna uppi
á jöklinum í sjö daga á sínum tíma,“ segir hann.
60 ár liðin frá Geysisslysinu þegar Loftleiðaflugvélin brotlenti á Bárðarbungu
Fékk nóg af
jökulvistinni
Flugmaðurinn Dagfinnur heldur enn flugréttindunum við og flýgur Dornier-vél um landið.
Þá hefur hann gaman af ferðalögum enda rennur flökkublóð í æðum hans að eigin sögn.
Egill Ólafsson
egol@mbl.is
„Þetta er umræða sem er alltaf í
gangi vegna þess að okkur miðar
alveg óskaplega hægt í átt að jafn-
rétti. Við erum að horfa á bakslag
á ýmsum sviðum,“ segir Katrín
Anna Guðmundsdóttir, fyrrum
talskona Femínistafélagsins, en fé-
lagið stóð í vikunni fyrir fundi um
hugsanlegt kvennaframboð.
Fullt var út úr dyrum á fund-
inum. Skiptar skoðanir voru um
hvort tími sé kominn á nýtt
kvennaframboð.
„Ég er á því að við eigum ekki
að verja okkar kröftum í þetta í
augnablikinu. Það eru hins vegar
mismunandi skoðanir á þessu.
Sumir eru heitari fyrir kvenna-
framboði en aðrir,“ segir Katrín
Anna.
Aðgerða er þörf
Katrín Anna sagði ekki fara á
milli mála að það væri mikill áhugi
á málefninu og konur hefðu þörf
fyrir að ræða þetta. „Ég held að
það sé óhætt að segja að fólk sé
sammála um að þetta sé ekki eitt-
hvað sem eigi að ana út í.“
Katrín Anna sagði konur sam-
mála um að of hægt miðaði í átt til
jafnréttis og aðgerða væri þörf.
„Spurningin er bara hvaða leiðir
viljum við fara? Hvað er áhrifarík-
asta leiðin?“
Katrín Anna sagði skipta miklu
máli að karlar og konur kæmu í
jöfnum mæli að uppbyggingu á
samfélaginu. Það væri ekki nóg að
tala um höfðatöluna heldur þyrfti
líka að tala um jafnréttisgildin.
„Þessi spurning er alltaf uppi á
borðinu. Kvennaframboð var rætt
fyrir síðustu kosningar. Þetta er
spurning sem er alltaf lifandi. Það
getur verið að það komi að því ein-
hvern daginn að fólk segi, hingað
og ekki lengra,“ sagði Katrín
Anna.
Elísabet Jökulsdóttir rithöfund-
ur sagðist hafa fundið fyrir tals-
vert miklum áhuga á kvennafram-
boði meðal fundarmanna. Sumar
konur, sem tjáðu sig á fundinum,
hefðu gagnrýnt frummælendur
fyrir að taka ekki skýra afstöðu
með kvennaframboði. Sjálf sagðist
Elísabet vera þeirrar skoðunar að
konur ættu að bjóða fram. Það
væri alltaf þörf á því að konur
kæmu saman til að þrýsta á úr-
bætur í jafnréttismálum.
Elísabet sagði að fólk yrði að
gera sér grein fyrir að þó að
kvennaframboð kæmi fram væri
ekki verið að endurtaka framboð
Kvennalistans. Þórhildur Þorleifs-
dóttir hefði einmitt bent á það á
fundinum og sagt að ekki væri
hægt að endurtaka söguna.
Elísabet sagði að á fundinum
hefði komi fram það sjónarmið að
ekki mætti fara óundirbúið af stað
með kvennalista. Eins hefði komið
fram það sjónarmið að breytingar
kæmu ekki alltaf ofan frá í gegn-
um pólitík og það væri ekki síður
mikilvægt að konur létu til sín
taka á sviði viðskiptalífs og menn-
ingar.
Áhugi er á kvennaframboði
 Skiptar skoðanir voru á fundi Femínistafélagsins um hvort tímabært sé að efna
til nýs kvennaframboðs  Allmargar konur telja kvennaframboð tímabært
„Það getur verið að
það komi að því ein-
hvern daginn að fólk
segi, hingað og ekki
lengra.“
Katrín Anna Guðmundsdóttir
Morgunblaðið/Sverrir
Barátta Frá Kvennafrídegi 2006.